མཚོ་སྔོན་པོའི་འབབ་རྒྱུད་ཀྱི་སྐྱེ་ཁམས་ཁོར་ཡུག་ལྟ་ཞིབ་ཡོངས་སུ་ཁྱབ་པ་མངོན་འགྱུར་བྱས།
རྩོམ་པ་པོ།：
ཡོང་ཁུངས།：ཀྲུང་གོ་བོད་ཀྱི་དྲ་བའི་འཕྲིན།
དུས་ཚོད།：2022-09-13
ཀློག་གྲངས།：
ཉེ་ཆར། མཚོ་སྔོན་པོའི་འབབ་རྒྱུད་དུ་སྐྱེ་ཁམས་ལྟ་ཞིབ་ཚད་ལེན་ས་ཚིགས300འཛུགས་པའི་ལས་དོན་ལེགས་འགྲུབ་བྱུང་ཞིང་། དེ་ལས་མཚོ་སྔོན་པོའི་སྐྱེ་ཁམས་ཁོར་ཡུག་ལྟ་ཞིབ་ཡོངས་སུ་ཁྱབ་པ་རེད། དེས་མཚོ་སྔོན་པོའི་འབབ་རྒྱུད་ཀྱི་ལྟ་ཞིབ་ཚད་ལེན་དང་ཚན་རིག་ཞིབ་འཇུག། སྲུང་སྐྱོང་བཅས་ཀྱི་ལས་དོན་ལ་འདེགས་སྐྱོར་གལ་ཆེན་མཁོ་འདོན་བྱས།
“སྐྱེ་ཁམས་ལྟ་ཞིབ་ཚད་ལེན་མ་ལག་རྒྱུན་ཆད་མེད་པར་འཐུས་ཚང་དུ་ཕྱིན་པ་དེས་མཚོ་སྔོན་པོའི་འབབ་རྒྱུད་ཀྱི་སྐྱེ་ཁམས་སྲུང་སྐྱོང་དང་ཚན་ཞིབ་སྤེལ་བ། མཚོ་སྔོན་པོའི་རྒྱལ་ཁབ་སྤྱི་གླིང་འཛུགས་སྐྲུན་སོགས་ཀྱི་ལས་དོན་ལ་གྲངས་གཞི་ནུས་ལྡན་འདེགས་སྐྱོར་བྱས”ཞེས་མཚོ་སྔོན་ཞིང་ཆེན་སྐྱེ་ཁམས་ཁོར་ཡུག་ཐིང་གི་འབྲེལ་ཡོད་འགན་འཁུར་བས་བཤད་པ་རེད།
མཚོ་སྔོན་ཞིང་ཆེན་སྐྱེ་ཁམས་ཁོར་ཡུག་ཐིང་གིས་སྐྱེ་ཁམས་ལྟ་ཞིབ་ཚད་ལེན་མ་ལག་ལ་བརྟེན་ནས་མཚོ་སྔོན་ཞིང་ཆེན་གྱི་ཚྭ་མཚོ་དང་། ཚྭ་མཚོའི་ཆུའི་ལྟ་ཞིབ་ཚད་ལེན་མ་ལག མཚོ་སྔོན་པོའི་སྐྱེ་ཁམས་ཁོར་ཡུག་ལྟ་ཞིབ་ཚད་ལེན་དང་ཕྱོགས་བསྡུས་དབྱེ་ཞིབ་ལས་སྟེགས་བཅས་འཛུགས་སྐྲུན་བྱས་ཏེ། མཚོ་སྔོན་པོའི་ཆུའི་ཁོར་ཡུག་གདེང་འཇོག་དམིགས་ཚད་མ་ལག་དང་ཆུའི་སྐྱེ་ཁམས་བདེ་འཇགས་ཚོད་སྐོར་དམིགས་ཚད་མ་ལག་བཙུགས་ནས། མཚོ་སྔོན་པོའི་རྒྱུག་ཁུལ་དུ་སྔར་ལས་ལྷག་པར་ཞིབ་འཇུག་བྱེད་པར་རྨང་གཞི་བཏིངས།
དེ་མིན། མཚོ་སྔོན་ཞིང་ཆེན་གྱི་སྐྱེ་ཁམས་ཁོར་ཡུག་དང་ནགས་ཚལ་རྩྭ་ཐང་སོགས་སྡེ་ཚན་གྱིས་མཚོ་སྔོན་པོའི་རི་ཆུ་ནགས་ཞིང་དང་མཚེའུ། རྩྭ་ས། བྱེ་ཐང་། འཁྱགས་རོམ་བཅས་གཅིག་དྲིལ་ཅན་གྱི་སྲུང་སྐྱོང་དང་མ་ལག་བཅོས་སྐྱོང་ལ་སྐུལ་འདེད་བཏང་ནས། མཚོ་སྔོན་པོའི་བརླན་ས་སྲུང་སྐྱོང་ཉམས་གསོ་དང་སྐྱེ་དངོས་སྣ་མང་རང་བཞིན་སྲུང་སྐྱོང་སོགས་སྐྱེ་ཁམས་སྲུང་སྐྱོང་བཟོ་འགོད་ལག་བསྟར་བྱས་པས། མཚོ་སྔོན་གྱི་ཆུའི་སྐྱེ་ཁམས་ཁོར་ཡུག་གི་སྤུས་ཚད་རྒྱུན་ཆད་མེད་པར་ཇེ་ལེགས་སུ་གྱུར།
མཚོ་སྔོན་ཞིང་ཆེན་སྐྱེ་ཁམས་ཁོར་ཡུག་ཐིང་ནས་གསར་འགོད་པས་རྒྱུས་ལོན་པ་ལྟར་ན། 2010ལོ་ནས་བཟུང་། མཚོ་སྔོན་ཞིང་ཆེན་གྱི་འབྲེལ་ཡོད་སྡེ་ཁག་གིས་མཚོ་སྔོན་པོ་རྒྱུག་ཁུལ་གྱི་སྐྱེ་ཁམས་ཁོར་ཡུག་སྲུང་སྐྱོང་དང་ཕྱོགས་བསྡུས་བཅོས་སྐྱོང་གི་ལས་གཞིའི་རྣམ་གྲངས་ལ་བརྟེན་ནས། མཚོ་སྔོན་པོའི་འབབ་རྒྱུད་ཀྱི་སྐྱེ་ཁམས་ལྟ་ཞིབ་ཚད་ལེན་མ་ལག་འཛུགས་སྐྲུན་ལས་དོན་སྤེལ་བ་རེད། མིག་སྔར་མཚོ་སྔོན་པོ་རྒྱུག་ཁུལ་དུ་སྐྱེ་ཁམས་ངེས་གནས་ལྟ་ཞིབ་ཚད་ལེན་གྱི་ཕྱོགས་བསྡུས་ས་ཚིགས་དང་། ཆེད་ལས་ཀྱི་ངེས་གནས་ལྟ་ཞིབ་ཚད་ལེན་ས་ཚིགས། ལས་གཞི་རྗེས་སྙེགས་ལྟ་ཞིབ་ཚད་ལེན་ས་ཚིགས་སོགས་སྐྱེ་ཁམས་ལྟ་ཞིབ་ཚད་ལེན་ས་ཚིགས་གཙོར་བྱས་ཤིང་། སྐོར་སྐྱོད་ལྟ་ཞིབ་ཚད་ལེན(སྐོར་སྐྱོད་ཚད་ལེན)ས་ཚིགས་ཀྱིས་གཞོགས་འདེགས་བྱས་པའི་སྐྱེ་ཁམས་ཁོར་ཡུག་ལྟ་ཞིབ་ཚད་ལེན་གྱི་མ་ལག་བཙུགས་པས། འབབ་རྒྱུད་ཀྱི་སྐྱེ་ཁམས་ཁོར་ཡུག་ལྟ་ཞིབ་ཚད་ལེན་ཡོངས་སུ་ཁྱབ་པ་རེད།
འདི་ནི2022ལོའི་ཟླ3པའི་ཚེས19ཉིན་པར་བླངས་བའི་མཚོ་སྔོན་པོ་ཡིན།
མཚོ་བོད་མཐོ་སྒང་གི་བྱང་ཤར་རྒྱུད་དུ་གནས་པའི་མཚོ་སྔོན་པོ་ནི་རང་རྒྱལ་གྱི་སྐམ་སའི་དབུས་ཁུལ་གྱི་ཚྭ་མཚོ་ཆེན་པོ་ཡིན་པ་དང་། དེའི་རྒྱ་ཆེ་ལ་ཐུན་མོང་མ་ཡིན་པའི་ཆུ་ཁོངས་ནི་མཚོ་བོད་མཐོ་སྒང་གི་སྐྱེ་དངོས་རིགས་ཀྱི་གཞི་རྒྱུའི་མཛོད་རྩ་ཆེན་ཡིན་པ་དང་། དེས་ནུབ་བྱང་ས་ཁུལ་གྱི་སྐྱེ་ཁམས་མ་ལག་དོ་སྙོམས་ཡོང་བར་ནུས་པ་གལ་ཆེན་བཏོན།“སྐྱེ་ཁམས་ལྟ་ཞིབ་ཚད་ལེན་མ་ལག་རྒྱུན་ཆད་མེད་པར་འཐུས་ཚང་དུ་ཕྱིན་པ་དེས་མཚོ་སྔོན་པོའི་འབབ་རྒྱུད་ཀྱི་སྐྱེ་ཁམས་སྲུང་སྐྱོང་དང་ཚན་ཞིབ་སྤེལ་བ། མཚོ་སྔོན་པོའི་རྒྱལ་ཁབ་སྤྱི་གླིང་འཛུགས་སྐྲུན་སོགས་ཀྱི་ལས་དོན་ལ་གྲངས་གཞི་ནུས་ལྡན་འདེགས་སྐྱོར་བྱས”ཞེས་མཚོ་སྔོན་ཞིང་ཆེན་སྐྱེ་ཁམས་ཁོར་ཡུག་ཐིང་གི་འབྲེལ་ཡོད་འགན་འཁུར་བས་བཤད་པ་རེད།
མཚོ་སྔོན་ཞིང་ཆེན་སྐྱེ་ཁམས་ཁོར་ཡུག་ཐིང་གིས་སྐྱེ་ཁམས་ལྟ་ཞིབ་ཚད་ལེན་མ་ལག་ལ་བརྟེན་ནས་མཚོ་སྔོན་ཞིང་ཆེན་གྱི་ཚྭ་མཚོ་དང་། ཚྭ་མཚོའི་ཆུའི་ལྟ་ཞིབ་ཚད་ལེན་མ་ལག མཚོ་སྔོན་པོའི་སྐྱེ་ཁམས་ཁོར་ཡུག་ལྟ་ཞིབ་ཚད་ལེན་དང་ཕྱོགས་བསྡུས་དབྱེ་ཞིབ་ལས་སྟེགས་བཅས་འཛུགས་སྐྲུན་བྱས་ཏེ། མཚོ་སྔོན་པོའི་ཆུའི་ཁོར་ཡུག་གདེང་འཇོག་དམིགས་ཚད་མ་ལག་དང་ཆུའི་སྐྱེ་ཁམས་བདེ་འཇགས་ཚོད་སྐོར་དམིགས་ཚད་མ་ལག་བཙུགས་ནས། མཚོ་སྔོན་པོའི་རྒྱུག་ཁུལ་དུ་སྔར་ལས་ལྷག་པར་ཞིབ་འཇུག་བྱེད་པར་རྨང་གཞི་བཏིངས།
དེ་མིན། མཚོ་སྔོན་ཞིང་ཆེན་གྱི་སྐྱེ་ཁམས་ཁོར་ཡུག་དང་ནགས་ཚལ་རྩྭ་ཐང་སོགས་སྡེ་ཚན་གྱིས་མཚོ་སྔོན་པོའི་རི་ཆུ་ནགས་ཞིང་དང་མཚེའུ། རྩྭ་ས། བྱེ་ཐང་། འཁྱགས་རོམ་བཅས་གཅིག་དྲིལ་ཅན་གྱི་སྲུང་སྐྱོང་དང་མ་ལག་བཅོས་སྐྱོང་ལ་སྐུལ་འདེད་བཏང་ནས། མཚོ་སྔོན་པོའི་བརླན་ས་སྲུང་སྐྱོང་ཉམས་གསོ་དང་སྐྱེ་དངོས་སྣ་མང་རང་བཞིན་སྲུང་སྐྱོང་སོགས་སྐྱེ་ཁམས་སྲུང་སྐྱོང་བཟོ་འགོད་ལག་བསྟར་བྱས་པས། མཚོ་སྔོན་གྱི་ཆུའི་སྐྱེ་ཁམས་ཁོར་ཡུག་གི་སྤུས་ཚད་རྒྱུན་ཆད་མེད་པར་ཇེ་ལེགས་སུ་གྱུར།
སྲུང་སྐར་རྒྱང་ཚོར་ལྟ་ཞིབ་ཚད་ལེན་གྱི་གྲངས་གཞི་ལྟར་ན། 2021ལོའི་ལོ་མཇུག་བར་མཚོ་སྔོན་པོའི་ཆ་སྙོམས་ཆུ་གནས་སྨི3196.51ལ་སླེབས་པ་དང་། ཆ་སྙོམས་ཆུ་གནས་དོ་སྙོམས་རྒྱ་ཁྱོན་སྤྱི་ལེ་ངོས་གྲུ4528.1ཟིན་ཞིང་། མཚོ་སྔོན་པོའི་འབབ་རྒྱུད་གཙོ་བོ་མཚོ་རུ་འདྲེས་པའི་ཆུ་བོ་སྟེ་འབྲོང་ཆུ་དང་འོམ་ཆུ། དཔལ་དགེའི་ཆུ། རྟ་ནག་མ་ཆུ་བོ་བཅས་ཀྱི་ཆུའི་སྤུས་ཚད་རིགསⅡསུ་སླེབས་ནས་ཆུ་སྤུས་ལེགས་པོ་ཡིན་ལ། མཚོ་སྔོན་པོའི་འབབ་རྒྱུད་ཀྱི་སྐྱེ་ཁམས་ཁོར་ཡུག་གི་གནས་ཚུལ་བརྟན་བརླིང་ངང་ཇེ་ལེགས་སུ་སོང་།
འདི་ནི2021ལོའི་ཟླ9བའི་ཚེས28ཉིན་སྲུང་སྐར་རྒྱང་ཚོར་གྱིས་ལྟ་ཞིབ་ཚད་ལེན་བྱས་པའི་མཚོ་སྔོན་པོའི་རྒྱ་ཁྱོན་རི་མོ་ཡིན།
སྐྱེ་ཁམས་ཁོར་ཡུག་ཇེ་ལེགས་སུ་ཕྱིན་པ་དང་དུས་མཚུངས་སུ་མཚོ་སྔོན་པོའི་འབབ་རྒྱུད་ཀྱི་རི་སྐྱེས་སྲོག་ཆགས་རྩ་ཆེན་གྱི་གྲངས་འབོར་ཡང་ཇེ་མང་དུ་འགྲོ་བཞིན་ཡོད། 2021ལོར་ལྟ་ཞིབ་ཚད་ལེན་བྱས་པའི་གཞི་གྲངས་ལྟར་ན། སྐབས་ཤིག་རིང་སྟོངས་ལ་ཉེ་བའི་དགོ་དམར་གྱི་གྲངས་འབོར2800ལས་བརྒལ་བ་དང་། མཚོ་སྔོན་པོའི་གསེར་ཉའི་ཐོན་ཁུངས་ཏུན་ཁྲི10.85ལ་སླེབས་པ་དེ2002ལོའི་སྲུང་སྐྱོང་ཐོག་མའི་དུས་དང་བསྡུར་ན་བསྡོམས་པས་ལྡབ40ལྷག་འཕར་ཡོད་པ་རེད། །
འབྲེལ་ཡོད་འོས་སྦྱོར།
