‘ཀྲུང་ཧྭའི་ཆུ་མཛོད’སྲུང་སྐྱོབ་བྱས་ནས་སྐྱེ་ཁམས་སྲུང་ཡོལ་སྲ་བརྟན་དུ་བཏང་བ།

       “མཚོ་སྔོན་གྱི་སྐྱེ་ཁམས་གནས་བབ་གལ་ཆེན་ཡིན་ལ་དམིགས་བསལ་ཀྱང་ཡིན་པས་གཙང་གསུམ་འབྱུང་ཡུལ་དང‘ཀྲུང་ཧྭའི་ཆུ་མཛོད’ལ་སྲུང་སྐྱོང་བྱེད་པའི་འགན་འཁྲི་གལ་ཆེན་ངེས་པར་དུ་འཁུར་དགོས”། “མཚོ་སྔོན་གྱི་སྐྱེ་ཁམས་ཁོར་ཡུག་ལ་སྲུང་སྐྱོང་ཡག་པོ་བྱ་རྒྱུ་ནི‘རྒྱལ་དོན་གྱི་ཆེ་ཕྱོགས་ཡིན’ལ། “རྒྱལ་ཁབ་ཀྱི་སྤྱི་གླིང་གཙོར་བྱས་པའི་རང་བྱུང་སྲུང་སྐྱོང་ཁུལ་གྱི་མ་ལག་འཛུགས་པའི་ཐད་སྔོན་ལ་བསྐྱོད་དེ་སྔོ་ཞིང་གཙང་བའི་རི་ཆུ་ཀླུང་གསུམ་ནམ་ཡང་མཚོ་སྔོན་གྱི་ལེགས་ཆ་དང་གཟི་བརྗིད་ཞིག་ཏུ་གྱུར་བར་འབད་བརྩོན་བྱས་ནས། མི་དམངས་ལ་བདེ་སྐྱིད་སྐྲུན་པ་དང་བུ་རབས་ཚ་རྒྱུད་ལ་ཕན་པ་ཐོབ་པར་བྱེད་དགོས”།

       མཚོ་སྔོན་གྱི་མི་རིགས་སོ་སོའི་བུ་ཕྲུག་ཚོས་ཏང་གི་ཚོགས་ཆེན་ཐེངས་བཅོ་བརྒྱད་པ་འཚོགས་ཚུན་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་དུ་རྟོག་ཞིབ་ཐེངས་གཉིས་མཛད་པ་དང་། རྒྱལ་ཡོངས་ཀྱི་ཚོགས་འདུ་གཉིས་རིང་མཚོ་སྔོན་འཐུས་ཚབ་ཚོགས་པའི་གྲོས་ཞིབ་ཁྲོད་ཐེངས་གཉིས་ལ་ཞུགས་པ་དང་འབྲེལ་གསུང་བཤད་དང་མཛུབ་སྟོན་གལ་ཆེན་རབ་དང་རིམ་པ་གནང་སྟེ། དེང་རབས་ཅན་གྱི་མཚོ་སྔོན་གསར་པ་འཛུགས་སྐྲུན་བྱེད་པར་ཁ་ཕྱོགས་གསལ་སྟོན་དང་འབད་འབུངས་ཡར་བརྩོན་གྱི་འཆར་གཞི་བཀོད་པ་ནམ་ཡང་བརྗེད་མི་སྲིད། 

       མངགས་བཅོལ་ཟབ་མོ་བྱེད་པ་རྣ་བར་འཇགས་ནས། མཚོ་སྔོན་གྱི་རིམ་པ་སོའི་ཏང་ཨུ་དང་སྲིད་གཞུང་། རྒྱ་ཆེའི་ལས་བྱེད་པ་དང་མང་ཚོགས་རྣམས་ཀྱིས་སེམས་ལ་བརྟན་པོར་བཅངས་ཡོད་ལ། ལས་དོན་དངོས་ཀྱི་ཁྲོད་དུ་དོན་འཁྱོལ་ཏན་ཏིག་བྱས་ཡོད། ད་ཆ་ཡངས་ཤིང་རྒྱ་ཆེ་བའི་གཙང་གསུམ་འབྱུང་ཡུལ་གྱི་ས་གཞི་ཆེན་མོའི་སྟེང་སྐྱེ་ཁམས་དཔལ་ཡོན་འཛུགས་སྐྱོང་གི་ལྗང་མདོག་གཏམ་རྒྱུད་འཁྲབ་སྟོན་བྱེད་བཞིན། ལྗང་མདོག་འཕེལ་རྒྱས་དང་སྐྱེ་ཁམས་མཛའ་མཐུན་གྱི་དེང་རབས་ཅན་གྱི་མཚོ་སྔོན་གསར་བ་འཕེལ་རྒྱས་སུ་འགྲོ་བཞིན་པའི་སྒང་རེད།