མཚོ་སྔོན་གུང་ཧོ་རྫོང་དུ་སྐྱེ་ཁམས་ཇེ་ལེགས་སུ་ཕྱིན་ཞིང་སྐྱེ་དངོས་སྣ་མང་བས་མི་དང་རང་བྱུང་ཁམས་འཆམ་མཐུན་མཉམ་གནས་མངོན་འགྱུར་བྱུང་།

       སྐྱེ་ཁམས་ཁོར་ཡུག་རྒྱུན་མཐུད་ངང་ཇེ་ལེགས་སུ་ཕྱིན་པ་དང་བསྟུན། ཉེ་ཆར་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་གུང་ཧོ་རྫོང་ཆོས་རྗེ་ཤང་ས་གྲུ་བཞི་ཆུ་བོའི་འབབ་རྒྱུད་འབྱུང་ཡུལ་གྱི་བརླན་ས་དང་མཚེའུ། གྲམ་ངོགས་ཀྱི་རྩྭ་ཆུ་འཛོམས་པས། ཁྲུང་ཁྲུང་སྐེ་ནག་དང་ཁྲུང་ཁྲུང་མགོ་ཁྲ། ཆུ་བྱ། ཤྭ་སྐྱ་སོགས་ཀྱི་རིགས་སོ་སོའི་རི་སྐྱེས་སྲོག་ཆགས་རིམ་བཞིན་གནས་དེར་འདུས་པ་རེད། དེ་དག་གིས་སྐབས་རེར་ཟས་འཚོལ་ཞིང་སྐབས་རེར་འཕུར་ལྡིང་བྱེད་བཞིན་གསེར་མདོག་གི་རྩྭ་ཐང་དང་གནམ་སྔོན་པོ། རྔམ་བརྗིད་ལྡན་པའི་གངས་རི་དང་རླུང་འཕྲུལ་དང་མཉམ་དུ་འདྲེས་ནས་མཐོ་སྒང་གི་མཛེས་བའི་སྟོན་ལྗོངས་ཤུག་གྲུབ་ཡོད།

       ཉེ་བའི་ལོ་ཤས་རིང་། ཆོས་རྗེ་ཤང་གིས་སྐྱེ་ཁམས་སྲུང་སྐྱོང་བྱེད་ཤུགས་ཆེ་རུ་བཏང་ནས། གྲམ་འགོག་དང་ནགས་གསོ། རྩྭ་གསོ། ཕྱུགས་བཀག ར་བསྐོར་ནས་ཕྱུགས་འཚོ་བ་སོགས་ཀྱི་བྱེད་ཐབས་བརྒྱུད། ས་གྲུ་བཞི་ཆུ་བོའི་འབབ་རྒྱད་ཀྱི་བརླན་ས་དང་མཐའ་ཁོར་སྐྱེ་ཁམས་ཁོར་ཡུག་སྤུས་ཚད་ཕྱོགས་ཡོངས་ནས་མཐོ་རུ་ཕྱིན་ནས། ཁྱབ་ཁོངས་ཁང་གི་སྲོག་ཆགས་དང་སྐྱེ་དངོས་རིགས་ཀྱི་གྲངས་འབོར་བརྟན་བརླིང་གིས་སླར་གསོ་བྱུང་། རི་སྐྱེས་སྲོག་ཆགས་རྩ་ཆེན་རིགས་ཡང་ཡང་མངོན་ནས་གསོན་ཤུགས་ལྡན་པའི་རྣམ་པ་ཤར། །