མདོ་དབུས་མཐོ་སྒང་གི་འཁྱགས་ཀླུང་འགྲམ་རྒྱུད་ཀྱི་རྩི་ཤིང་སྣ་ཚོགས།(༡)

       མདོ་དབུས་མཐོ་སྒང་ནི་སའི་གོ་ལའི་གླིང་སྣེ་གསུམ་པ་ཡིན་པའི་ཆ་ནས། ཡུལ་འདིའི་མཚོ་འཕགས་མཐོན་པོས་རྒྱ་ཁྱོན་ཆེ་བའི་མཐོ་སྒང་གི་འཁྱགས་ཀླུང་འགྲམ་རྒྱུད་ཅིག་གྲུབ་ཡོད་ལ། ཚེ་སྲོག་གི་རྒྱུད་འདི་ནི་མཚོ་འཕགས་སྨི3900ནས་སྨི5200ཡི་བར་དུ་ཁྱབ་ཡོད་པ་དང་། སྐམ་སའི་རྩི་ཤིང་སྣ་མང་རང་བཞིན་དར་ཁྱབ་ཆེ་སའི་མཚོ་འཕགས་ཆེས་མཐོ་བའི་ཁོར་ཡུག་མཐར་ཐུག་པ་ཞིག་ཡིན། གནས་འདིའི་སྐྱེ་ཁམས་མ་ལག་ནི་འཁྱགས་ཀླུང་གི་སྨད་འགྲམ་དང་མཐོ་རི་སྤང་སའི་སྟོད་འགྲམ་དུ་ཡོད་པས། མཐོ་རིའི་འཁྱགས་ཀླུང་འགྲམ་རྒྱུད་ཅེས་འབོད། གནས་འདིར་གྲང་ངར་དང་ཐན་སྐམ། སྨུག་ཕྱིའི་འོད་བཅས་འགོག་པའི་ནུས་པ་ཆེས་ཆེར་ལྡན་པའི་མཐོ་སྒང་གི་ཁྱད་ལྡན་རྩི་ཤིང་དཀོན་གྲས་མང་པོ་ཡོད་ལ། སྐྱེ་དངོས་སྣ་མང་རང་བཞིན་ཕུན་སུམ་ཚོགས་པ་དང་། ལྡོག་སྲོན་གཞི་རྒྱུ་དང་སྐྱེ་དངོས་ཐོན་ཁུངས་ཀྱི་གཏེར་མཛོད་ཅིག་ཡིན་པས། འདི་ལ“སྦས་པའི་རྩི་ཤིང་གི་རྒྱལ་ཁབ”ཅེས་ཀྱང་འབོད།

“བྱ་སྤུའི་གྱོན་ཆས”ཅན་གྱི་རྩི་ཤིང་།        འཁྱགས་ཀླུང་འགྲམ་རྒྱུད་ཀྱི་གདུག་རྩུབ་ཆེ་བའི་ནམ་ཟླའི་ཁྱད་ཆོས་དང་བསྟུན་ཆེད། གནས་འདིའི་རྩི་ཤིང་ལ་ཚ་ནུས་དམའ་མོའི་ཆ་རྐྱེན་འོག་འཚར་སྐྱེ་བྱེད་པའི་ནུས་པ་ཁྱད་པར་བ་ཞིག་ཡོད་པར་མ་ཟད། གྲང་ངར་འགོག་པའི་ཁྱད་ཆོས་ཀྱང་ཡོད།
རང་ལ་ཉི་ཁང་བཟོ་ཤེས་པའི“དྲོད་ཁང་རྩི་ཤིང”