༄༅།།དུས་རབས་གསར་བར་བསྐྱོད་པ། ལྷ་མོ་ཚེ་སྐྱིད།

དུས་རབས་གསར་བའི་ཅོང་སྒྲ་གྲགས་པ་དང་བསྟུན་ནས། ཡང་ལོ་བརྒྱའི་འཁོར་བ་འདས་སོང་། ང་ཚོས་གསར་དར་ཀྱི་དུས་རབས་ཤིག་བསུས་པ་དང་། ཀྲུང་གོར་འགྱུར་ལྡོག་ཆེན་པོ་བྱུང་། 
ཨ་མའི་ཁ་ནས་གོ་ཐོས་ལྟར་ན་སྔོན་ཆད་ཀྱི་མི་རྣམས་ཀྱིས་ལྭ་བ་དྲོན་པོ་ཞིག་གྱོན་པ་དེ་ཕར་ཞོག ཐ་ན་ཁ་ལ་ཟས་ཞིམ་པོ་ཞིག་ཀྱང་མི་ཡོང་བར། ཉིན་མཚན་གཉིས་ཀར་ངལ་རྩོལ་བྱེད་དགོས། ངལ་རྩོལ་བྱས་བྱས་མཐར་ཁ་ལ་ཟས་ཡོང་ན་འབྲས་བུ་ཆེས་བཟང་བ་ཡིན། དེང་སང་གི་མི་དེ་ཚོ་ཁ་ལ་ཟས་འདོད་པ་དང་རྒྱབ་ལ་གོས་གང་འདོད་ཡོད། དེ་བས་སྐྱིད་པོ་འདུག་མང་བས་ཟ་མ་ཆུད་ཟོས་སུ་གཏོང་བ་དང་། ལྭ་བ་ཧྲིལ་བོ་མིན་ཡང་མེར་བསྲེགས་པ་ཡང་ན་གད་སྙིགས་སུ་འཕེན་པ་རེད། ཁྱིམ་ཚང་སོ་སོ་དང་མི་སོ་སོ་དག་ཀྱང་སྤྱི་ཚོགས་དང་བསྟུན་ནས་འཕེལ་རྒྱས་སུ་འགྲོ་བཞིན་ཡོད། ཁྱིམ་ཚང་ཧ་ཅང་དབུལ་བོ་ཞིག་ཡིན་རུང་བཟའ་བཏུང་དང་གྱོན་པ་ལ་སེམས་ཁུར་བྱེད་མི་དགོས་པར། བརྙན་འཕྲིན་དང་ཁ་པར་སོགས་ཀྱི་འཕྲུལ་ཆས་ཡང་མེད་པ་ཞིག་ཕལ་ཆེར་མེད། 
གནའ་དུས་སུ་ཕན་ཚུན་ལ་བརྡ་འཕྲིན་ཞིག་གཏོང་དགོས་ཡང་ཤེས་ཡོན་ཅན་གྱིས་འཕྲིན་ཡིག་འབྲི་བ་དང་རིག་གནས་མེད་པ་ཞིག་གིས་ཕར་འགྲོ་ཚུར་འོངས་བྱས་ཏེ་མི་ཞིག་ལ་སྐད་གཏོང་རྒྱུ་དེ་ཡིན། འོན་ཀྱང་དེང་སང་དེ་ལྟར་དཀའ་ལས་མྱོང་མི་དགོས་པར། ལག་ཁྱེར་ཁ་པར་ཡོད་པས། ག་ས་གང་ནས་སྐད་བཏང་ཆོག་པ་དང་། ད་དུང་སྐད་འཕྲིན་ཞེས་པའི་མཉེན་ཆས་ཞིག་ཡོད་པ་དེ་ནི་ཕན་ཚུན་སྐད་གཏོང་ཐུབ་པ་མ་ཟད། བརྙན་པར་སྣ་ཚོགས་ཡང་རྒྱུད་བསྐུར་བྱས་ཆོག དེ་ནི་མི་མང་ཆེ་ཤོས་ཀྱིས་འབྲེལ་གཏུགས་བྱེད་པའི་མཉེན་ཆས་གལ་ཆེན་ཞིག་དུ་གྱུར་ཡོད། 
རེད་ཡ། དེང་སང་གི་འཚོ་བ་ནི་ཅི་འདྲའི་བདེ་སྐྱིད་ལྡན་ལ་ཅི་འདྲའི་འཚོ་ཐབས་བདེ། དེ་བས། ང་ཚོ་ནི་ཀྲུང་གོའི་མ་འོངས་བ་ཡིན་པས། སློབ་སྦྱོང་ལ་འབད་བརྩོན་བྱས་ནས་སྤྱི་ཚོགས་དེ་བས་ཀྱང་འཕེལ་རྒྱས་དང་། འཚོ་བ་དེ་བས་ཀྱང་བདེ་སྐྱིད་ལྡན་པ་ཞིག་བྱེད་དགོས།