བློ་འགྱོད།

        མ་རབས་པྲ་ཚགས་བྱེད་པ་ནི་བྱིས་པ་ཀུན་ལ་ཡོད་པའི་ལྷན་སྐྱེས་ཀྱི་གཤིས་ཀ་ཞིག་ཡིན་མོད། འོན་ཏེ། ཐེངས་འདིར་བདག་གིས་མ་རབས་བྱས་པ་ནི་བྱེད་མི་རུང་བ་ཞིག་ཡིན་པ་མ་ཟད། དགེ་རྒན་གྱིས་སྐུལ་ལྕག་ཡང་ཡང་བྱས་པ་ལས་བདག་གི་དྲན་པའི་སྒོ་མོ་ཡངས་བར་ཕྱེས་སོང་།
        དེ་ཡང་འཛིན་བདག་དོན་དག་ཞིག་གི་ཕྱིར་དུ་རྒྱལ་ས་པེ་ཅིན་དུ་འགྲོ་དགོས་བྱུང་ལ། ཉིན་བཅུ་ཕྲག་ཙམ་གྱི་རིང་ལ་དགོངས་ཞུས་བརྒྱབ་ཡོད་པར་ཐོས།
        འཛིན་གྲྭ་ཡོངས་ལས་སློབ་གྲོགས་བཅུ་གཅིག་མ་གཏོགས། ར་ཁ་ལྡང་བ་དང་ཞོར་ཟས་ཉོས་པ་སོགས་མི་རུང་བའི་ལས་གང་མང་བྱས། བདག་ཉིད་ཀྱང་ཚྭ་ཁུ་ལྟ་བུར་གྱུར།
        དགེ་རྒན་ཕྱིར་ཐོན་རྗེས། སློབ་གྲོགས་འགས་ཞུ་གཏུགས་བྱས་སོང་། དགེ་རྒན་གྱིས་མ་རབས་ཀྱི་ལས་དེ་དག་ཚང་མར་རྒྱུས་ལོན་གསལ་བོ་ཞིག་བྱས་རྗེས། འཛིན་བདག་གི་ལག་དེབ་སྟེང་དུ་ཐོ་འགོད་བྱས་ལ། མ་རབས་པྲ་ཚགས་ཀྱི་ལས་ལ་ཞུགས་པའི་སློབ་གྲོགས་ཚང་མ་གཞུང་ལས་ཁང་ལ་བོས་ནས་སློབ་གསོ་ཡང་ཡང་བཏང་བར་སྐབས་དེར་བདག་སེམས་ལ་ཁོང་ཁྲོ་ཆེན་པོ་བླངས།
        དོན་དག་དེ་འདས་ནས་ཟླ་གསུམ་ཙམ་འགོར་སོང་། ཉིན་ཞིག་གི་ཉིན་གུང་ངལ་གསོ་སྐབས་ཤིག་ལ་མལ་ཁང་དུ་རང་གཅིག་པུ་ལས་མེད། མི་རུང་བའི་ལས་དེ་ལ་ཕྱིར་འདང་ཟབ་མོ་ཞིག་བརྒྱབ་པ་ན་ད་གཟོད་ང་ལ་བློ་འགྱོད་དྲག་པོ་ཞིག་སྐྱེས་སོང་ལ་ང་རང་ཁོང་ཁྲོ་ལངས་དགོས་པའི་རྩ་བ་ཅི་ཡང་མེད་པ་འདང་བཟང་བོ་ཞིག་དཔག་སོང་། 
        འཛིན་བདག་གིས་སློབ་གསོ་ཡང་ཡང་བཏང་བ་ནི་མ་གཞི་ནས་སློབ་སྦྱོང་མི་བྱེད་པ་དང་སྤྱོད་ལམ་ངན་པ་དག་ཐེར་བཟང་བོ་མ་བྱས་ན་ནར་སོན་ཚེ། སྤྱི་ཚོགས་སྟེང་གི་བཀོལ་ཅི་ཡང་མི་ཆོད་པའི་མི་ཐ་ཤལ་མི་ལོག་པའི་དམིགས་བྱ་ཡིན་པ་སེམས་ལ་ངེས་སོ། །
        དེ་བས་ན། དེ་རིང་ནས་བཟུང་སྟེ་རང་སྐྱོན་ངོས་ལེན་དང་སྤྱོད་ལམ་ངན་པ་བཅོས་བསྒྱུར་བྱེད་པའི་ངེས་ཤེས་བཟང་བོ་ཞིག་བདག་ཡིད་ལ་འདྲོངས་སོ། །

རྩོམ་པ་པོ་ཆུང་ཆུང་ནམ་མཁའ་རྡོ་རྗེ་ནི་ཧོལ་ཁ་མི་རིགས་བཅའ་སྡོད་སློབ་ཆུང་གི་དྲུག་གཉིས་འཛིན་གྲྭ།