ངེད་ཚང་གི་ཁྱི་གུ་སེར་པོ།

        གཟའ་ཉི་མ་ཞིག་ལ། ཨ་ཕས་ཨ་ཁུ་བཀྲ་རྒྱལ་ཚང་ནས་ཧ་ཅང་སྙིང་རྗེ་བའི་ཁྱི་གུ་ཞིག་ཁྱེར་ཡོང་། ཁྱི་གུའི་མིག་གཉིས་ཧ་ཅང་ཆུང་། རྣ་ཅོག་གཉིས་ཀ་ཐུང་ཞིང་ཆུང་། ཁོའི་ཡན་ལག་ཚང་མ་ཧ་ཅང་ཆུང་ཆུང་ཞིག་ཡིན།
        ཉིན་ཞིག་ལ། ངའི་ཁྱི་གུ་ཁྲིད་ནས་རྩེ་རུ་སོང་བ་ཡིན། ཁོ་དགའ་བའི་རྩེད་ཆས་ནི་གྲུ་གུ་དང་ལྒང་ལི་སོགས་བདའ་རེས་བྱེད་རྒྱུ་དེ་ཡིན།
        སློབ་གྲྭ་འཚོགས་རྗེས། དགེ་རྒན་གྱིས་ང་ཚོ་ལ་ངེད་ཚང་གི་ཁྱི་གུ་ཞེས་པའི་སློབ་ཚན་ཁྲིད་སྐབས་ངའི་ཡིད་ལ་ངེད་ཚང་གི་ཁྱི་གུ་ཝ་ལེར་ཤར་ཡོང་། ཉིན་བཅུ་ཡི་རྗེས་སུ་ང་ཡུལ་ལ་ཐོན་པ་ན་ཨ་མས་ཁྱི་གུའི་ལུས་ཕུང་གཙང་མར་བཀྲུས་ཡོད། ཅང་མ་འགོར་བར་ཁྱི་གུས་པྲ་ཚགས་བྱས་ནས་ལུས་ཕུང་བཙོག་པོ་ཡིན་དུས་ཨ་མས་ཡང་བསྐྱར་བཀྲུས་པ་རེད། ཁོ་དགའ་བའི་དུས་སུ་རྔ་མ་གཡུགས་ནས་ཕར་རྒྱུག་ཚུར་རྒྱུག་བྱེད། དེ་དུས་ངའི་ཡིད་ལ་སྔོན་ཆད་ཁྱི་གུ་སྒོར་ཁྲིད་ནས་ཕར་རྒྱུག་ཚུར་རྒྱུག་བྱེད་དུ་བཅུག་པ་དྲན་པས་བདག་གི་ཡིད་སེམས་རབ་ཏུ་དགའ།
        ལོ་གཅིག་གི་རྗེས་སུ་ངས་སྐེ་དཀྲིས་དམར་པོ་ཉོས་ནས་ཁྱི་གུའི་སྐེ་ལ་བཏགས་པ་ན་ཁོ་ཧ་ཅང་དགའ་བའི་ཚུལ་གྱིས་མགོ་མགོ་ཕར་གཡུགས་ཚུར་གཡུགས་བྱེད།
        ཉིན་ཞིག་མི་ཞིག་གིས་ང་ལ་བརྙས་བཅོས་བྱེད་དུས་ཁྱི་གུས་ང་ལ་འགེབ་སྲུབ་བྱས། ངས་ཁོ་ལ་བཀའ་དྲིན་ཆེ་ཞེས་སྐད་བརྒྱབ།

རྩོམ་པ་པོ་ཆུང་ཆུང་ཕྱུག་འཚོ་སྐྱིད་ནི་ཧོལ་ཁ་མི་རིགས་བཅའ་སྡོད་སློབ་ཆུང་གི་བཞི་གསུམ་འཛིན་གྲྭའི་སློབ་མ་ཡིན།