༄༅། །བྲག་དཀར་རྫོང་སློབ་འབྲིང་དང་པོའི་སློབ་མ་མཁར་འབུམ་ཚེ་རིང་གི་ཡིག་གཟུགས་བདམས་བཀོད།

        འབྲི་དང་ཀློག་ནི་ཡོན་ཏན་ཀུན་ཀྱི་གཞི་ཞེས་པ་ལྟར་བྲག་དཀར་རྫོང་སློབ་འབྲིང་དང་པོའི་དམའ་གཉིས་འཛིན་གྲྭ་བཅུ་གཉིས་པའི་སློབ་མ་མཁར་འབུམ་ཚེ་རིང་གིས་རང་གི་དགའ་ཕྱོགས་ལྟར་དགེ་རྒན་སྒྲོལ་མ་དོན་འགྲུབ་ལགས་ཡིག་གཟུགས་དགེ་རྒན་ལ་བསྟེན་ཏེ་ཡིག་གཟུགས་ཀྱི་ཕྱོགས་ལ་འབད་བརྩོན་བྱས་དང་བྱེད་བཞིན་ཡོད་པར་མ་ཟད། སློབ་གསེང་སྐབས་སུའང་རང་རྫོང་གི་ཡིག་གཟུགས་འབྲི་མཁན་སློབ་ཆེན་སློབ་མ་འགའ་རེའི་གམ་དུ་བཅར་ནས་ནན་ཏན་གྱིས་སྦྱོང་བར་བྱེད། སློབ་ཆུང་སྐབས་ནས་བཟུང་ཁོ་རང་ཡིག་གཟུགས་འབྲི་བར་དགའ་བས་གཟིགས་བཟོས་ཀྱང་མང་བོ་ཐོབ་ཡོད། ལྷག་པར་དུ་ཀྲུང་གོ་གུང་ཁྲན་ཏང་བཙུགས་ནས་ལོ་འཁོར་བརྒྱ་ལོན་པའི་དུས་སྟོན་དུ་རྫོང་སློབ་གསོ་ཅུའུ་ཡིས་སྤེལ་པའི་ཡིག་གཟུགས་འགྲན་བསྡུར་ཁྲོད་བྱ་དགའ་ཨང་གསུམ་པ་ཐོབ།