ཀྲུང་དབྱང་མི་རིགས་སློབ་ཆེན་དུ“10+1གློག་བརྙན་ཚོགས་ཆུང”གི་བརྙན་ཐུང་བཞི་བསྟན།

         2017ལོའི་ཟླ5པའི་ཚེས3ཉིན་གྱི་དགོང་མོའི་ཆུ་ཚོད8:30སྟེང་དུ་མི་རིགས་སློབ་ཆེན་གྱི་འདྲ་བཟོའི་ཁྲིམས་ར་ནས། 10+1གློག་བརྙན་ཚོགས་པས་རང་ཉིད་ཀྱི་ཐོག་མའི་རྐང་རྗེས་སུ་བཤད་ཆོག་ཆོག་གི་བརྙན་ཐུང་བཞི་སྟེ། ལྷག་པ་ཚེ་རིང་གིས་ཁྲིད་པའི《ཉིན་ཐོ》དང་བཀྲ་ཤིས་རྣམ་རྒྱལ་གྱིས་ཁྲིད་པའི《ཕྱུགས་རྫི་བུ་མོ》ཚེ་རིང་དོན་གྲུབ་ཀྱིས་ཁྲིད་པའི《འོད་ཐིགས》རྟ་མགྲིན་ཚེ་བརྟན་གྱིས་ཁྲིད་པའི《ཞོགས་པ》 བཅས་བསྟན་ཞིང་། གཟིགས་མོ་བ400ལྷག་གིས་ཚད་རིམ་མི་འདྲ་བ་དང་ཟུར་སོ་སོ་ནས་གདེང་འཇོག་སྣ་ཚོགས་བྱས་འདུག

  སློབ་མ་བཅུ་དང་དགེ་རྒན་གཅིག་གིས་གྲུབ་པའི་གློག་བརྙན་ཚོགས་པ་འདི་ནི2014ལོའི་ཟླ12བའི་ཚེས18ཉིན་ལ་བོད་རིག་པ་ཞིབ་འཇུག་སློབ་གླིང་དུ་བཙུགས་ཤིང་། མུ་མཐུད་དུ་འཁྲབ་གཞུང་དང་བརྙན་ལེན་སོགས་གློག་བརྙན་དང་འབྲེལ་བའི་ལས་ལ་འཇུག་བཞིན་ཡོད་འདུག