མཚོ་སྔོན་རྒྱལ་སྤྱིའི་ཆུ་དང་ཚེ་སྲོག་གི་རོལ་དབྱངས་འགྲུལ་བཞུད་སྐབས་བཞི་བ་ཁྲི་ཀ་ནས་བསྡུས་པ།

མཚོ་སྔོན་རྒྱལ་སྤྱིའི་ཆུ་དང་ཚེ་སྲོག་གི་རོལ་དབྱངས་འགྲུལ་བཞུད་སྐབས་བཞི་བ་བསྡུས་པ།

             མཚོ་སྔོན་རྒྱལ་སྤྱིའི་ཆུ་དང་ཚེ་སྲོག་གི་རོལ་དབྱངས་འགྲུལ་བཞུད་དེ2011ལོའི་འཛམ་གླིང་ཐང་རྒོད་དུ་འགྱུར་བར་འགོག་བཅོས་བྱེད་པ་དང་ཐན་པའི་ཉིན་མོའི་བརྗོད་བྱ་གཙོ་བོའི་རོལ་མོའི་དགོང་ཚོགས་དེ་ཚེས17ཉིན་གྱི་དགོང་མོར་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་ཁྲི་ཀ་རྫོང་ནས་ཚོགས།
             མཚོ་སྔོན་རྒྱལ་སྤྱིའི་ཆུ་དང་ཚེ་སྲོག་གི་རོལ་དབྱངས་འགུལ་བཞུད་སྐབས་བཞི་བ་སྟེ2011ལོའི་འཛམ་གླིང་ཐང་རྒོད་དུ་འགྱུར་བར་འགོག་བཅོས་བྱེད་པ་དང་ཐན་པའི་ཉིན་མོའི་བརྗོད་བྱ་གཙོ་བོའི་རོལ་མོའི་དགོང་ཚོགས་དེང་རབས་རོལ་གར་སྙན་རྩོམ“ཚུར་རོལ•ཕ་རོལ-གཙང་བོའི་གར་སྟབས”ཞེས་པ་དེ་མཚོ་ལྷོ་བོད་རིགས་རང་སྐྱོང་ཁུལ་ཁྲི་ཀ་རྫོང་གི་རྨ་ཆུའི་འགྲམ་ནས་བསྡུས་ཤིང་འཁྲབ་སྟོན་ལེགས་གྲུབ་ཆེན་པོ་བྱུང་།
མཚོ་སྔོན་ཞིང་ཆེན་ཏང་ཨུའི་ཧྲུའུ་ཅི། ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་ཆང་བེ་དང་། ཞིང་ཆེན་ཏང་ཨུའི་རྒྱུན་ལས་ཨུ་ཡོན། ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་གཞོན་པ་མུའུ་ཏུང་ཧྲིན། ཞིང་ཆེན་ཏང་ཨུའི་རྒྱུན་ལས་ཨུ་ཡོན། ཞིང་ཆེན་ཏང་ཨུའི་དྲིལ་སྒྲོག་པུའུ་ཡི་པུའུ་ཀྲང་ཅི་ཏིས་མ་ཅ། ཞིང་ཆེན་ཏང་ཨུའི་རྒྱུན་ལས་ཨུ་ཡོན། ཞིང་ཆེན་ཏང་ཨུའི་དྲུང་ཡིག་ཆེན་མོ་བང་ཞའོ་ཆིན། ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་གཞོན་པ་ལིག་ཁྲུན་ཡའོ། ཧྲིན་ཀྲང་གཞོན་པ་ཧི་ཐིན་དང་ཀྲང་ཅན་མེན། ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་ཧན་ཡུས་ཀོས། ཞིང་ཆེན་མཐོ་རིམ་མི་དམངས་ཁྲིམས་ཁང་གི་ཡོན་ཀྲང་ཏུང་ཁའེ་ཅུན་སོགས་མགོ་ཁྲིད་པ་དང་འབྲེལ་ཡོད་ཕྱོགས་ཀྱི་སྐུ་མགྲོན་རོལ་མོའི་སྤྲོ་ཚོགས་ལ་ཞུགས་པ་རེད། 
             མིང་ལ་དེང་རབས་རོལ་གར་སྙན་རྩོམ“ཚུར་རོལ•ཕ་རོལ-གཙང་བོའི་གར་སྟབས”ཞེས་པའི་རོལ་མོའི་སྤྲོ་ཚོགས་དེས་མཉམ་དཀྲོལ་རོལ་དབྱངས་དང་། གཉུག་མར་གནས་པའི་དམངས་གླུ། དེང་རབས་ཞབས་བྲོ་བཅས་སྒྱུ་རྩལ་སྣ་གསུམ་མཉམ་དུ་སྦྲེལ་བའི་རྨང་གཞིའི་སྟེང་། གདོད་མའི་བརྩེ་བ་དང་དེང་རབས་བག་ཆགས་ཀྱི་གདོང་གཏུག་དང་མཉམ་འདྲེས་བརྒྱུད་དེ། ཆུ་དང་ཚེ་སྲོག་ཅེས་པའི་བརྗོད་བྱ་ལ་འགྲེལ་བརྒྱབ་ནས། ཚེ་སྲོག་ལ་གཅེས་པ་དང་། རང་བྱུང་ལ་དད་པ། གཙང་ཆུར་བསྔགས་པ། དཔལ་ཡོན་ལ་བཀུར་བ་བཅས་ཀྱི་སྣང་ཚུལ་གསལ་བོ་མཚོན་ཡོད། འཁྲབ་སྟོན་གྱི་སྔོན་ལ། ཅི་ཏིས་མ་ཅ་ཡིས་གསར་འགོད་པའི་བཅར་འདྲི་དང་ལེན་བྱས། ཁོས་བཤད་རྒྱུར། ཆུ་དང་ཚེ་སྲོག་ནི་འཛམ་གླིང་གི་དུས་གཏན་གྱི་བརྗོད་བྱ་ཡིན་པ་དང་། མཚོ་སྔོན་ནི་གཙང་གསུམ་འབྱུང་ཡུལ་ཡིན་པ་དང་མཉམ་དུ། སྐྱེ་ཁམས་ཀྱི་ཞིང་ཆེན་ཆེན་པོ་ཞིག་ཀྱང་ཡིན་པས། ང་ཚོས་སྐྱེ་ཁམས་སྲུང་སྐྱོབ་ཀྱི་ལས་འགན་གལ་ཆེན་ཕྲག་ཏུ་འཁུར་ཡོད། རིག་གནས་ཀྱི་ཆ་ནས་གླེང་ན། ང་ཚོའི་ལེ་ཚན་འདི་དག་ནི་སྐྱེ་ཁམས་སྲུང་སྐྱོབ་དང་འབྲེལ་བ་ཡོད་པ་དང་། སྐྱེ་ཁམས་ལ་བརྟེན་ནས་ཞིང་ཆེན་དར་རྒྱས་སུ་གཏོང་བ་ནི་ཁ་གཡང་སྟབས་བདེ་ཙམ་མིན་པར་ང་ཚོའི་སྲིད་འཛིན་གྱི་ཀུན་སློང་ཡིན། གཞན་ཡང་ཆེས་གལ་ཆེ་བ་ནི་མཚོ་སྔོན་རྒྱལ་སྤྱིའི་ཆུ་དང་ཚེ་སྲོག་རོལ་མོའི་འགྲུལ་བཞུད་དེ་སྐྱེ་ཁམས་སྲུང་སྐྱོབ་དང་ཁོར་ཡུག་སྲུང་སྐྱོབ་ཀྱི་བྱ་འགུལ་ཞིག་ཏུ་གྱུར་ཡོད་པ་དང་། ང་ཚོ་མཚོ་སྔོན་པ་དང་ཐ་ན་ཀྲུང་གོ་བའི་སྐྱེ་ཁམས་སྲུང་སྐྱོབ་ཀྱི་སྙིང་སྟོབས་དང་འདུ་ཤེས་མཚོན་པའི་བྱ་འགུལ་གྲགས་ཅན་དུ་གྱུར་ཡོད་ཟེར། མཚོ་སྔོན་རྒྱལ་སྤྱིའི་ཆུ་དང་ཚེ་སྲོག་འགྲུལ་བཞུད་ལ་རྒྱལ་ཁབ་རིག་གནས་པུའུ་དང་། རྒྱལ་ཁབ་ཁོར་ཡུག་སྲུང་སྐྱོབ་པུའུ། རྒྱལ་ཁབ་ནགས་ལས་ཅུའུ་བཅས་ཀྱིས་རྒྱབ་སྐྱོར་བྱས་པ་དང་། མཚོ་སྔོན་ཞིང་ཆེན་མི་དམངས་སྲིད་གཞུང་གིས་གཙོ་བསྒྲུབས་བྱས་པ་རེད།