བཀྲ་ཤིས་རྡོ་རྗེ་ཐེངས་ལྔ་བའི་རྨ་ཆུ་བྱ་དགའི་མཛད་སྒོ་ལ་ཞུགས་པ།

　2010ལོའི་ཟླ10བའི་ཚེས15ཉིན།   རྨ་ཆུ་བྱ་དགའ་ཞེས་པའི་མཛད་སྒོ་འདི་ཧྲང་ཧེ་འཛམ་གླིང་དངོས་མང་སྟོན་ཚོགས་བརྗོད་བྱ་མཚོན་བྱེད་ཁང་དུ་སྤེལ་པ་དང་།  ལྷན་ཚོགས་ཀྱི་དྲུང་ཡིག་ཆེན་མོ་བཀྲ་ཤིས་རྡོ་རྗེ་ཐེངས་བཞི་བའི་རྨ་ཆུ་བྱ་དགའ་ཐོབ་མཁན་གྱི་ཚབ་བྱས་ཤིང་། རྨ་ཆུ་བརྗོད་དོན་བྱས་པའི་ལོ་གཅིག་གི་སྙན་ཞུ་མཛད་རྗེས།   ཆ་འཕྲིན་ལས་རིགས་སོགས་ཀྱིས་ཐད་གར་ཁོང་རྣམས་པར་བསམ་འཆར་བརྗེ་རེས་བྱས་པ་རེད།

　རྨ་ཆུ་བྱ་དགའ་ནི་རྒྱལ་ཡོངས་སུ་རྨ་ཆུ་སྲུང་སྐྱོབ་ཀྱི་འགོ་ཁྲིད་ཚན་ཆུང་གིས2000ལོར་རྨ་ཆུ་སྲུང་སྐྱོབ་དང་།  སྐྱེ་ཁམས་ཁོར་ཡུག་སྲུང་སྐྱོབ་ཕྱོགས་སུ་གནང་བའི་བྱ་དགའ་དང་།   ན་གཞོན་རྣམས་ཀྱིས་སྐྱེ་ཁམས་སྲུང་སྐྱོབ་བྱ་བའི་བྱ་དགའ་ཉག་ཅིག་ཀྱང་ཡིན།  ད་ལྟའི་བར་དུ་ཐེངས་བཞི་ལ་མཛད་སྒོ་འདི་སྤེལ་མྱོང་ཞིང་། མི་སོ་གཅིག་དང་། རྩ་འཛུགས་ལྔ། ལས་གཞི་ལྔ་བཅས་ལ་གཟེངས་བསྟོད་བྱས་པ་རེད།

　 དྲུང་ཡིག་ཆེན་མོ་བཀྲ་ཤིས་རྡོ་རྗེ་ནི་གཙང་གསུམ་འབྱུང་ཡུལ་སྐྱེ་ཁམས་སྲུང་སྐྱོབ་ལྷན་ཚོགས་ཀྱི་ཚབ་བྱས་ཏེ། ཨོའོ་ལེའེ་ཡཱ་ཁེ་ལས་སྤྱི་ཁྱབ་པུའུ་ཡི་མཐོ་རིམ་འགོ་གཙོ་སོགས་ལ་གནས་ཚུལ་སྤེལ་རེས་་བྱས་པར་བརྒྱུད། རྒྱལ་ཡོངས་རྨ་ཆུ་སྲུང་སྐྱོབ་འགོ་ཁྲིད་ཚན་ཆུང་དང་རྒྱུ་དངོས་ཀྱི་རོགས་རམ་བྱེད་མཁན་ཨོའོ་ལེའེ་ཡཱ་ཁེ་ལས་ཀྱིས་ལོ་འདི་འགའི་རིང་ལ་ལྷན་ཚོགས་ཀྱིས་མཚོ་བོད་མཐོ་སྒང་་གི་ཁོར་ཡུག་སྲུང་སྐྱོབ་བྱས་པའི་འབྲས་བུ་ལ་ཁེ་ལེན་བགྱི་ཞིང་།  ད་དུང་མུ་མཐུད་དུ་གཙང་གསུམ་འབྱུང་ཡུལ་སྲུང་སྐྱོབ་བྱ་བར་རྒྱབ་སྐྱོར་བྱ་རྒྱུ་ཡིན་པ་དང་།    འཛམ་གླིང་འགྲེམ་སྟོན་ཚོགས་འདུ་མཇུག་རྫོགས་རྗེས་ཞིབ་ཕྲའི་ཁོར་ཡུག་སྲུང་སྐྱོབ་ལས་གཞི་མཉམ་འབྲེལ་སོགས་ཡོད་མིན་ལ་ལྷན་ཚོགས་ཀྱི་འབྲེལ་ཡོད་འཆར་འགོད་བྱ་བར་མུ་མཐུད་ནས་རྒྱུས་ལོན་བྱེད་ངེས་ཡིན་ཞེས་བསྟན།
　 དུས་ཡུན་འདིར། ལྷན་ཚོགས་ཀྱིས་རྨ་ཆུ་ལ་མཉམ་དུ་སྲུང་སྐྱོབ་བྱེད་པ་ཞེས་པའི་བྱ་འགུལ་ལ་དམིགས་ཏེ།  ཧྲང་ཧེའི་ཤུའུ་ཧོས་ཆུའུ་ན་གཞོན་བྱ་འགུལ་ལྟེ་གནས་དང་ཤུའུ་ཧོས་ཆུའུ་སློབ་ཆུང་གསུམ་པ་རུ་དྲུང་ཡིག་ཆེན་མོ་བཀྲ་ཤིས་རྡོ་རྗེ་ཡིས་དགེ་སློབ་རྣམ་པ་དང་། རྨ་ཆུ་ལ་ཐུགས་ཁུར་རམ་སྤྲོ་སེམས་ལྟེམས་པའི་ཧྲང་ཧེའི་སློབ་གསོ་བྱ་མཁན་རྣམས་ལ་མ་ཡུམ་རྨ་ཆུའི་དྲིན་དྲན་པ་ཞེས་པའི་སྙན་ཞུ་ཕུལ་པ་རེད།

ལྷ་མོ་ཚེ་སྐྱིད་ཀྱིས་བསྒྱུར།