༄༅།།མང་རྫོང་མི་རིགས་སློབ་འབྲིང་གིས“མང་ཆུ་རྟགས་མའི”རྩོམ་ཡིག་འགྲན་སྡུར་སྤེལ་བ།
རྩོམ་པ་པོ།：བན་ཤུལ་གདུགས་དཀར་རྒྱལ།
ཡོང་ཁུངས།：མཚོ་སྔོན་པོ་དྲ་བ།
དུས་ཚོད།：2021-04-19
ཀློག་གྲངས།：
མཛད་སྒོ་འགོ་རྩོམ་བཞིན་པ།
སློབ་གྲྭའི་འགོ་ཁྲིད་དང་དཔྱད་འདེམས་དགེ་རྒན་རྣམ་པ།
འགྲན་ཞུགས་སློབ་མའི་འགྲན་རའི་རྣམ་པ།
མཛད་སྒོར་ཞུགས་པའི་དགེ་སློབ་ཡོངས།
དགེ་རྒན་གདུགས་དཀར་རྒྱལ་གྱིས་མདོ་འཛིན་བྱེད་བཞིན་པ། མང་རྫོང་མི་རིགས་སློབ་འབྲིང་གི་ཐོན་ཨུའི་ཧྲུའུ་ཅི་བན་ཤུལ་གདུགས་དཀར་རྒྱལ་གྱིས་མཛད་སྒོར་གཙོ་སྐྱོང་བྱས་ཤིང་། དཔྱད་འདེམ་དགེ་རྒན་གྱི་འཐུས་ཚབ་ལུག་ལེ་ཆོན་དང་འབྲུག་ལྗང་གཉིས་ཀྱིས་ཐེངས་འདིའི་དཔྱད་འདེམ་གྱི་གོ་རིམ་དང་མཇུག་འབྲས་སོགས་དགེ་སློབ་ཡོངས་ལ་གསལ་བཤད་དང་མཉམ་དུ་རང་ཉིད་ཀྱི་དཔེ་ཀློག་ཉམས་མྱོང་དང་རྩོམ་འབྲིའི་གོམས་གཤིས་སྐོར་ནས་ཁ་བརྡ་བྱས། མཇུག་མཐར་སློབ་གཙོ་ཚེ་རིང་དོན་གྲུབ་ཀྱིས་རྩོམ་ཡིག་འགྲན་སྡུར་གྱི་དགེ་མཚན་དང་ཕན་ནུས་སྐོར་ནས་གསུང་བཤད་གལ་ཆེན་གནང་བ་མ་ཟད། ད་དུང་དཔེ་ཀློག་གི་འདུ་ཤེས་དང་རྩོམ་འབྲིའི་ཤེས་བྱ། དྲིན་བྱས་དྲིན་དུ་གོ་བ། འབྲིང་རྒྱུགས་ཀྱི་མ་འོངས་པའི་ཁ་ཕྱོགས། རང་ངོ་རང་གི་ཤེས་དགོས་པའི་དང་བསླབ་ཕྱིའི་བྱ་འགུལ་རིག་གནས་ཀྱི་དགེ་མཚན་སོགས་སློབ་སྟོན་མང་དུ་མཛད། དེ་རྗེས་གདོང་ལེན་རུ་ཁག་གི་མཛུབ་སྟོན་དགེ་རྒན་ཁྲོ་འབུམ་རྡོ་རྗེས་སློབ་མའི་ཚོགས་པར་རྗེས་མ་འདི་ལྟ་བུའི་བྱ་འགུལ་ལ་སྔར་ལས་ལྷག་པའི་ནུས་པ་འདོན་རྒྱུར་ནན་བཤད་དང་དགེ་རྒན་དག་གི་རྐང་ཚེགས་གོམ་ཚེགས་ལེན་དགོས་པའི་རེ་བ་བཏོན།
དཔྱད་འདེམས་པ་དགེ་རྒན་འབྲུག་ལྗང་གིས་གཏམ་བཤད་གནང་བ།
སློབ་གཙོ་ཚེ་རིང་དོན་གྲུབ་ཀྱིས་སྤྱི་སྡོམ་གནང་བ།
བྱ་དགའ་ཐོབ་པའི་སློབ་མ་ཡོངས་ཀྱི་མཉམ་པར། དེ་ལས་གཞན་འགྲན་སྡུར་སྟེང་བྱ་དགའ་ཐོབ་པའི་སློབ་རའི་རྩོམ་པ་པོ་དང་ལོ་ཙཱ་བ་ཆུང་ཆུང་དག་ལ་ཆེད་དུ་བསྡུས་པའི་ཚོགས་འདུ་ཐོན་ཨུའི་བྱ་འགུལ་ཁང་དུ་བསྡུས་ཤིང་། གདན་ཞུས་དགེ་རྒན་འབྲོང་ཕྲུག་ལྷ་ཆེན་རྒྱལ་གྱིས་ཐོག་མར་ཐེངས་འདིར་བྱ་དགའ་ཐོབ་པའི་སློབ་མ་རྣམས་ལ་ལྷག་བསམ་རྣམ་དག་གིས་རྟེན་འབྲེལ་ཞུས་པ་དང་། དེ་ནས་མུ་མཐུད་དུ་རྩོམ་འབྲི་ཕྱོགས་ལ་ཤུགས་བསྣན་ནས་རྩོམ་ཡིག་འབྲི་བ་ནི་དགའ་ཕྱོགས་ཤིག་དང་གོམས་གཤིས་ཤིག་ཏུ་བསྒྱུར་དགོས་ཚུལ་དང་། རྩོམ་འབྲིའི་སྐབས་སུ་འཕྲད་ངེས་པའི་དཀའ་ངལ་དང་སེལ་ཐབས། འགྲན་རྩོམ་གྱི་འབྲི་ཐབས་དང་དོ་སྣང་བྱེད་དགོས་ས། དེ་བཞིན་དུ་ཐེངས་འདིའི་སློབ་གྲྭ་རིམ་པའི་རྩོམ་ཡིག་འགྲན་སྡུར་བརྒྱུད་དེ། སྤོབས་པ་ཆེན་པོས་མཚོ་ལྷོ་ཁུལ་གྱི་སློབ་འབྲིང་སློབ་མའི་རྩོམ་ཡིག་འགྲན་སྡུར་དང་གངས་རྒྱན་ན་ཆུང་ཚགས་པར་གྱི་རྩོམ་ཡིག་འགྲན་སྡུར་སོགས་ལ་ཞུགས་པར་སྐུལ་མ་བཏང་བ་སོགས་ཕྱོགས་མང་པོ་ནས་ཁ་བརྡ་བྱས།
གདན་ཞུའི་དགེ་རྒན་འབྲུང་ཕྲུག་ངོ་སྤྲོད་བྱེད་བཞིན་པ།
འབྲེལ་ཡོད་འོས་སྦྱོར།
