ཨ་མདོ་བརྙན་འཕྲིན་གྱི་བོད་རབ་བྱུང་བཅུ་བདུན་པའི་ཆུ་མོ་ཡོས་ལོའི་ལོ་སར་དགོང་ཚོགས་ཆེན་མོར་གླུ་ཚིག་བརྩམས་ཆོས་བསྡུ་བའི་བརྡ་སྦྱོར།

ཨ་མདོ་བརྙན་འཕྲིན་གྱི་ལྟ་མཁན་གྲོགས་པོ་རྣམ་པ། ཁམས་བཟང་།
        འབྲས་ལྡན་སྟོན་གྱི་ལོ་ལེགས་དང་འགྲོགས་ནས་ངེད་ཨ་མདོ་བརྙན་འཕྲིན་གྱི་བོད་རབ་བྱུང་བཅུ་བདུན་པའི་ཆུ་མོ་ཡོས་ལོའི་ལོ་སར་དགོང་ཚོགས་ཆེན་མོའི་སྟ་གོན་གྱི་བྱ་བ་མཐའ་དག་གཞི་ནས་མགོ་བརྩམས་ཏེ། ད་ལྟ་སྤྱི་ཚོགས་ཡོངས་ལ་ཁ་ཕྱོགས་ནས་ལོ་སར་དགོང་ཚོགས་ལ་ཕུལ་བྱུང་གླུ་ཚིག་བརྩམས་ཆོས་བསྡུ་རྒྱུ་ཡིན་པས། རྒྱ་ཆེའི་གླུ་ཚིག་རྩོམ་པ་པོ་ཡོངས་ནས་འདི་ལ་དོ་ཁུར་དང་རྒྱབ་སྐྱོར་གྱིས་གླུ་ཚིག་བརྩམས་ཆོས་གསར་བ་ཡོད་ན་ང་ཚོ་ལ་སྐུར་གནང་ཡོང་རྒྱུ་ཐུགས་འཇགས་འཚལ།
དང་པོ། གླུ་ཚིག་བརྩམས་ཆོས་ལ་ཚང་དགོས་པའི་ཆ་རྐྱེན།
        གཅིག གླུ་ཚིག་བརྩམས་ཆོས་ཀྱི་བརྗོད་བྱ་སྤྱིའི་ཆ་ནས་དུས་རབས་ཀྱི་དགོངས་དོན་དང་མཐུན་ཞིང་། སྤྲོ་སྐྱིད་དང་། འཆམ་མཐུན། ཡར་ཐོན་བཅས་ཀྱི་དྲང་ཕྱོགས་ཀྱི་ནུས་པ་སྒྲོག་སྤེལ་གྱི་ཆ་ངེས་པར་དུ་ལྡན་དགོས་པར་མ་ཟད། བསམ་བློའི་རང་བཞིན་དང་སྒྱུ་རྩལ་རང་བཞིན་ཆེས་ཆེར་མངའ་བའི་བརྩམས་ཆོས་བཟང་བོ་ཡིན་དགོས།
        གཉིས། གླུ་ཚིག་བརྩམས་ཆོས་ཀྱི་བརྗོད་བྱ་བྱེ་བྲག་ཏུ་མཛེས་སྡུག་གི་ཕ་ཡུལ་དང་། སྤྱི་ཚོགས་ཀྱི་འཕེལ་རྒྱས། བདེ་སྐྱིད་ཀྱི་འཚོ་བ། གནམ་ལོ་གསར་ཚེས་ཀྱི་སྤྲོ་སྐྱིད་དང་འཚོ་བ་གསར་བའི་རེ་སྨོན་སོགས་ཅི་རིགས་ཡིན་ཆོག་ལ། ལོ་སར་གྱི་བརྗོད་བྱ་འབའ་ཞིག་ཡིན་འོས་པའི་དགོས་པ་མེད།
        གསུམ། གླུ་ཚིག་ཐམས་ཅདwordཡིག་ཆའི་ལམ་ནས་བསྐུར་དགོས་ལ། རང་གི་རུས་མིང་དང་ཁ་པར་ཨང་གྲངས་གསལ་བོར་འབྲི་དགོས།
གཉིས་པ། གླུ་ཚིག་བརྩམས་ཆོས་བསྡུ་བའི་དུས་ཡུན།
        གླུ་ཚིག་བརྩམས་ཆོས་བསྡུ་བའི་དུས་ཡུན་ནི་སྤྱི་ཟླ་བཅུ་བའི་ཚེས་བཅོ་ལྔའི་ཉིན་བར་ཡིན། 
གསུམ་པ། གླུ་ཚིག་བརྩམས་ཆོས་སྐུར་ཡུལ།
        གླུ་ཚིག་བརྩམས་ཆོས་གཤམ་གྱི་ཡིག་ཟམ་ནང་བསྐུར་དགོས། 
        ཡིག་ཟམ། qhttv@163.com
བཞི་པ། འབྲེལ་གཏུག་བྱ་ཡུལ།
        འབྲེལ་གཏུག་བྱ་ཡུལ། རྡོ་གྲགས།
        ཁ་པར་ཨང་གྲངས། 15309787253