ཀོས་ནན་རྫོང་དུག་འགོག་གཞུང་སྒྲུབ་ཁང་གིས་དུག་འགོག་དྲིལ་སྒྲོག་སློབ་གསོའི་བྱ་འགུལ་སྤེལ་བ།
རྩོམ་པ་པོ།：
ཡོང་ཁུངས།：མཚོ་སྔོན་བོད་ཡིག་གསར་འགྱུར།
དུས་ཚོད།：2024-08-28
ཀློག་གྲངས།：
དུག་འགོག་དཔེ་སྟོན་གྲོང་ཁྱེར་བསྐྲུན་པའི་བྱ་བ་ལེགས་པོར་བསྒྲུབ་པ་དང་། དུག་འགོག་དྲིལ་སྒྲོག་སློབ་གསོའི་ཤུགས་ཚད་སྔར་བས་ཆེ་རུ་གཏོང་བ། རྫོང་ཡོངས་ཀྱི་མི་དམངས་ཀྱི་དུག་འགོག་འདུ་ཤེས་དང་ནུས་པ་མཐོར་འདེགས་གཏོང་ཆེད། ཀོས་ནན་རྫོང་དུག་འགོག་གཞུང་སྒྲུབ་ཁང་གིས་ཀོས་ནན་རྫོང་ཐར་ཤུལ་ཞང་གིས་རྟ་རྒྱུག་རིག་གནས་ཡུལ་སྐོར་བྱ་འགུལ་སྐབས་བཅུ་དགུ་པ་སྤེལ་བ་གོ་སྐབས་སུ་བཟུང་སྟེ། ཉེ་ཆར་བྱ་འགུལ་ཡུལ་དངོས་སུ་དུག་འགོག་དྲིལ་སྒྲོག་སློབ་གསོའི་བྱ་འགུལ་ཐེངས་ཤིག་སྤེལ།
བྱ་འགུལ་ཁྲོད། ཀོས་ནན་རྫོང་དུག་འགོག་གཞུང་སྒྲུབ་ཁང་གི་མི་དམངས་ཉེན་རྟོག་པས་དུག་འགོག་དྲིལ་སྒྲོག་འགྲེམ་པང་བཀོད་སྒྲིག་བྱས་ཏེ། དུག་རྫས་ཀྱི་གནོད་འཚེ་དང་སྔོན་འགོག་ཐབས་རྩལ། དུག་འགོག་བཅའ་ཁྲིམས་ཁྲིམས་སྲོལ་སོགས་ཀྱི་ནང་དོན་དྲིལ་སྒྲོག་བྱས། དེ་དང་མཉམ་དུ། ལས་སྒྲུབ་མི་སྣས་ས་གནས་མང་ཚོགས་ལ་དུག་འགོག་དྲིལ་སྒྲོག་ལག་དེབ་སོགས་ཀྱི་དྲིལ་སྒྲོག་རྒྱུ་ཆ་བྱིན་པ་དང་། དུག་རྫས་ཀྱི་རིགས་སྣ་དང་གནོད་འཚེ། དབྱེ་འབྱེད་ཐབས་ལམ་བཅས་ཞིབ་མོར་སྒྲོག་འགྲེལ་བྱས་ཏེ། ཚང་མས་ཚེ་སྲོག་ལ་གཅེས་སྤྲས་དང་དུག་རྫས་དང་རྒྱང་བཀྱེད་པའི་འདུ་ཤེས་འཛུགས་པར་ཁྲིད་སྟོན་བྱས།
ཐེངས་འདིའི་དུག་འགོག་དྲིལ་སྒྲོག་སློབ་གསོའི་བྱ་འགུལ་ལ་ས་གནས་མང་ཚོགས་ཀྱི་གདེང་འཇོག་ལེགས་པོ་ཐོབ། བསྡོམས་རྩིས་ལྟར་ན། བྱ་འགུལ་ཁྲོད་བསྡོམས་པས་དྲིལ་སྒྲོག་ཡིག་ཆ500ལྷག་བྱིན་པ་དང་། མང་ཚོགས་ཀྱི་བློ་འདྲི་མི་ཐེངས200ལྷག་དང་ལེན་བྱས་ཏེ། སྤྱི་དམངས་ཀྱི་དུག་རྫས་ངོས་འཛིན་དང་དོགས་ཟོན་རང་བཞིན་ནུས་ལྡན་སྒོས་མཐོར་འདེགས་བཏང་བ་དང་། དུག་འགོག་དྲིལ་སྒྲོག་ཁོར་ཡུག་ལེགས་པོ་བསྐྲུན།
ཀོས་ནན་རྫོང་དུག་འགོག་གཞུང་སྒྲུབ་ཁང་གིས་དུག་འགོག་དྲིལ་སྒྲོག་སློབ་གསོའི་ཤུགས་ཚད་མུ་མཐུད་དུ་ཆེ་རུ་གཏོང་བ་དང་། དྲིལ་སྒྲོག་བྱེད་ཐབས་གསར་སྐྲུན་བྱས་ཏེ། དྲིལ་སྒྲོག་ཁེབས་ཚད་དང་ཤུགས་ཚད་ཆེ་རུ་བསྐྱེད་རྒྱུ་དང་། དུས་མཚུངས་སུ། འབྲེལ་ཡོད་སྡེ་ཁག་བར་གྱི་མཐུན་སྦྱོར་རམ་འདེགས་ལ་ཤུགས་སྣོན་དང་དུག་འགོག་བྱ་བ་གཏིང་ཟབ་དུ་སྤེལ་བར་མཉམ་དུ་སྐུལ་འདེད་བཏང་སྟེ། བདེ་འཇགས་དང་འཆམ་མཐུན། དུག་བྲལ་གྱི་སྤྱི་ཚོགས་ཁོར་ཡུག་བསྐྲུན་པར་སྟོབས་ཤུགས་འབུལ་རྒྱུ་རེད། །
འབྲེལ་ཡོད་འོས་སྦྱོར།
