ཐུན་ཏེ་རྫོང་གིས་དུག་འགོག་དྲིལ་སྒྲོག་སློབ་རར་བསྐྱོད་པའི་བྱ་འགུལ་སྤེལ་བ།
རྩོམ་པ་པོ།：
ཡོང་ཁུངས།：མཚོ་སྔོན་བོད་ཡིག་གསར་འགྱུར།
དུས་ཚོད།：2024-09-12
ཀློག་གྲངས།：
2024ལོའི་སྟོན་དུས་སློབ་མགོ་ཚུགས་པའི་སྐབས་སུ། སློབ་གྲྭར་ཡོད་པའི་སློབ་མའི་དུག་འགོག་འདུ་ཤེས་སྔར་བས་ཇེ་དྲག་དང་དུག་འགོག་ནུས་པ་མཐོར་འདེགས་གཏོང་ཆེད། ཞིང་ཆེན་དང་ཁུལ་དུག་འགོག་གཞུང་སྒྲུབ་ཁང་གི་བྱ་བའི་བཀོད་སྒྲིག་ལྟར། ཐུན་ཏེ་རྫོང་དུག་འགོག་གཞུང་སྒྲུབ་ཁང་སློབ་རར་བསྐྱོད་དེ་དུག་རྫས་སྔོན་འགོག་སློབ་གསོའི་དྲིལ་སྒྲོག་བྱ་འགུལ་སྤེལ་བ་དང་། སློབ་མ་རྣམས་ཀྱི་དུག་འགོག་ཤེས་བྱའི་ཆུ་ཚད་ཧུར་ཐག་གིས་ཇེ་མཐོར་གཏོང་བ། “ལོ་ཆུང་གཞོན་ནུས་གང་འདོད་སྒོས་སྨན་རྫས་སྤྱོད་པ་སྔོན་འགོག”བྱེད་པ་སློབ་རའི་འཚོ་བར་འདྲེས་སུ་འཇུག་པ་བཅས་བྱས་ཏེ། སློབ་རའི་དུག་འགོག་དྲིལ་སྒྲོག་གི་ཁོར་ཡུག་བཟང་པོ་བསྐྲུན།
ཉེ་སྔོན། ཐུན་ཏེ་རྫོང་དུག་འགོག་གཞུང་སྒྲུབ་ཁང་གིས“ལོ་ཆུང་གཞོན་ནུས་གང་འདོད་སྒོས་སྨན་རྫས་སྤྱོད་པ་སྔོན་འགོག”ཅེས་པ་བརྗོད་དོན་བྱས་ཏེ་ཆེད་དོན་དུག་འགོག་འཆད་ཁྲིད་སྤེལ། བྱ་འགུལ་ཁྲོད། དུག་འགོག་ཆེད་ལས་མི་སྣས་དུག་འགོག་སློབ་ཁྲིད་དང་དུག་འགོག་བརྙན་ཐུང་ཟུང་འབྲེལ་སྒོས་སློབ་མ་ཚོར་དུག་རྫས་གསར་པའི་རིགས་སྣ་དང་སྐུང་ཐབས། སྨན་རྫས་གང་འདོད་དུ་སྤྱད་པའི་གནོད་འཚེ་སོགས་ཀྱི་ཤེས་བྱ་ངོ་སྤྲོད་ཞིབ་མོ་བྱས་པར་མ་ཟད། དུག་འགོག་ཆེད་ལས་མི་སྣས་ད་དུང་སློབ་མའི་ལོ་ཚོད་ཁྱད་ཆོས་གཞིར་བཟུང་སྟེ། དུག་འགོག་ཤེས་བྱའི་ཡིག་རིས་བརྒྱུད་དེ་སློབ་མ་ཚོར“སྨན་རྫས་གང་འདོད་དུ་སྤྱོད་པ”དང“དུག་འཐེན་པའི་གནོད་འཚེ”“དུག་འཐེན་པ་ཇི་ལྟར་སྔོན་འགོག”སོགས་ཀྱི་ནང་དོན་ཐད་ནས་ངོ་སྤྲོད་བྱས་ཤིང་། སློབ་མས་སྨན་རྫས་བདེ་འཇགས་ངང་སྤྱོད་པར་ཁྲིད་སྟོན་དང་། སྨན་རྫས་གང་འདོད་དུ་སྤྱོད་པ་སྔོན་འགོག གང་ཡིན་མ་གསལ་བའི་དངོས་པོ་དང་འཕྲད་སྐབས་དོགས་ཟོན་བྱེད་དགོས་པ། མི་ཆ་མེད་ཀྱིས་བྱིན་པའི་དངོས་པོ་མི་ལེན་པ་སོགས་ལ་གསལ་འདེབས་བྱས་པར་མ་ཟད། དྲི་བ་དྲིས་ལན་དང་ལོ་ཆུང་གཞོན་ནུའི་དུག་འབྲེལ་དཔེ་མཚོན་གྱོད་གཞིར་བརྟེན་ནས་བཅའ་ཁྲིམས་གསལ་འགྲེལ་དང་གནས་ལུགས་གསལ་རྟོགས་བྱས་ཤིང་། སློབ་མ་རྣམས་ཀྱིས་དུག་འགོག་བསམ་བློའི་སྲུང་ཡོལ་དམ་པོར་འཛུགས་རྒྱུར་ཁྲིད་སྟོན་དང་། བརྩོན་སེམས་ལྡན་པའི་མི་ཚེའི་རྣམ་འགྱུར་དང་བདེ་ཐང་གི་འཚོ་བ་རོལ་སྟངས་རྒྱུན་འཁྱོངས་བྱས་ཏེ། ལོ་ཆུང་གཞོན་ནུའི་དུག་རྫས་སྔོན་འགོག་གི་སྲུང་ཡོལ་བརྟན་པོ་བསྐྲུན།
ཐེངས་འདིའི་དུག་འགོག་དྲིལ་སྒྲོག་སློབ་རར་བསྐྱོད་པའི་བྱ་འགུལ་གྱིས་རྣམ་པ་དང་ཐབས་ལམ་སྣ་མང་སྤྱད་དེ། ཐུན་ཏེ་རྫོང་གི་ལོ་ཆུང་གཞོན་ནུའི་དུག་རྫས་གནོད་འཚེ་ངོས་འཛིན་དང་དུག་འགོག་འདུ་ཤེས་ནུས་ལྡན་སྒོས་ཇེ་མཐོར་བཏང་ཞིང་། དམངས་ཡོངས་ཀྱིས་དུག་འགོག་པའི་རྣམ་པ་བཟང་པོ་བསྐྲུན་ཏེ། མཚོ་ལྷོ་ཁུལ་གྱིས་རྒྱལ་ཡོངས་དུག་འགོག་དཔེ་སྟོན་གྲོང་ཁྱེར་བསྐྲུན་པར་ནུས་ཤུགས་བཏོན། །
འབྲེལ་ཡོད་འོས་སྦྱོར།
