མཚོ་ནུབ་ཁུལ་ཡོངས་ཀྱི་མི་རིགས་སྐད་ཡིག་ལས་དོན་ཚོགས་འདུ་བསྡུས།

       ཚོགས་འདུའི་སྟེང་དུ་མཚོ་ནུབ་ནི་སོག་རིགས་བོད་རིགས་རང་སྐྱོང་ས་ཁུལ་ཡིན་པའི་ཆ་ནས། སོག་པོའི་སྐད་ཡིག་དང་བོད་སྐད་ཡིག་གིས་རང་མི་རིགས་ཀྱི་ལོ་རྒྱུས་ལ་དྲན་ཤེས་དང་རིག་གནས་རྒྱུན་འཛིན། བརྩེ་བའི་རྟེན་གཞི་བཅས་ཀྱི་འགན་ཐེག་ཡོད་ཕྱིར། ང་ཚོས་ངེས་པར་དུ་རང་རང་གི་ཕྲག་ཏུ་བབས་པའི་དམིགས་བསལ་གྱི་འགན་འཁྲི་ལ་ངོས་འཛིན་གཏིང་ཟབ་བྱེད་དགོས་པ་དང་། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་ཇེ་ཟབ་ཏུ་གཏོང་བའི་ལས་ཀའི་གཙོ་རྐང་དེར་ངོས་འཛིན་ཡང་དག་སྒོས་ལག་བསྟར་མཐའ་གཅིག་ཏུ་བྱེད་པ་དང་། རྒྱལ་ཁབ་དང་ཞིང་ཆེན་ཡོངས་ཀྱི་འཕེལ་རྒྱས་འཐབ་ཇུས་ལ་སྔར་བས་དོ་ཁུར་བྱས་ནས། ཆབ་སྲིད་དང་སྤྱི་ཚོགས། རིག་གནས། སྤེལ་རེས་སོགས་ཕྱོགས་མང་པོའི་ཐད་ཀྱི་མི་རིགས་སྐད་ཡིག་གི་དམིགས་བསལ་ནུས་པ་སྔོག་འདོན་གཏིང་ཟབ་བྱེད་པ་དང་། གྲངས་ཉུང་མི་རིགས་ཀྱི་སྐད་ཡིག་གིས་རྒྱལ་ཁབ་འཕེལ་རྒྱས་ཀྱི་སྤྱི་ཡོངས་ལ་ཞབས་འདེགས་ཞུ་བའི་ནུས་པ་ཆེ་རུ་གཏོང་བ་བརྒྱུད་དེ། མི་རིགས་ས་ཁུལ་དར་རྒྱས་གོང་འཕེལ་ཡོང་བར་སྐུལ་འདེད་གཏོང་དགོས་ཞེས་ནན་གྱིས་བསྟན།
       མི་རིགས་ཀྱི་གནད་དོན་དང་མི་རིགས་ལས་དོན་གྱི་ཆབ་སྲིད་ངོ་བོར་ངེས་པར་དུ་དམ་འཛིན་ནན་མོ་བྱེད་པ་དང་ལྟ་བ་གསལ་སྟོན་སྒོས་ཆབ་སྲིད་རང་བཞིན་ནན་འཛིན་བྱས་ཏེ། མི་རིགས་ལས་དོན་ཁྲོད་ཀྱི་ཆབ་སྲིད་འཛུགས་སྐྱོང་གི་སྤྱི་འདོམས་ནུས་པར་དམ་འཛིན་དང་འདོན་སྤེལ་ཡག་པོ་བྱེད་དགོས་ཤིང་། ཆབ་སྲིད་ཀྱི་མཐོ་ཚད་ནས་མི་རིགས་བར་གྱི་འབྲེལ་བ་ཁོང་དུ་ཆུད་པར་བྱེད་པ་དང་མི་རིགས་གནད་དོན་ལ་ལྟ་སྟངས་ཡང་དག་འཛིན་པ་རྒྱུན་འཁྱོངས་དང་། ཆབ་སྲིད་ཀྱི་རྩ་དོན་དང་སྲིད་ཇུས་ཀྱི་ཐབས་ཇུས། ཁྲིམས་སྐྱོང་ཚད་ལྡན་བཅས་རྒྱུན་འཁྱོངས་བྱས་ཏེ། ཆབ་སྲིད་ལ་དང་དོད་བྱེད་པའི་བླང་བྱ་དེ་མི་རིགས་སྐད་ཡིག་ལས་དོན་གྱི་གོ་རིམ་ཧྲིལ་པོར་ཁྱབ་པར་ཁག་ཐེག་བྱེད་དགོས་ཞེས་ནན་བཤད་བྱས།        ས་ཁུལ་ཁག་གི་སྲིད་གཞུང་དང་ཚྭ་འདམ་སྲིད་འཛིན་ཨུ་ལྷན་གྱི་ལས་བགོས་འགན་འཁུར་བློ་མཐུན་དང་། ཁུལ་ཐད་གཏོགས་ཀྱི་འབྲེལ་ཡོད་ཚན་པའི་འགན་འཁུར་བློ་མཐུན། ས་ཁུལ་ཁག་གི་མི་རིགས་སྐད་ཡིག་ལས་དོན་གྱི་འགན་འཁུར་བ་དང་དེ་བཞིན་མི་རིགས་སྐད་ཡིག་ཡིག་སྒྱུར་ལས་དོན་པ་བཅས་ཚོགས་འདུར་ཞུགས།        ཐོག་མར། ཁུལ་མི་རིགས་སྐད་ཡིག་ལས་དོན་ལྟེ་གནས་ཀྱི་ཏང་ཙུའུ་ཧྲུའུ་ཅི་དང་ཏང་ཙུའུ་ཡི་ཁོངས་མིས“མི་རིགས་སྐད་ཡིག་ཡིག་སྒྱུར་ལས་དོན་གྱིས་ཏང་གི་བྱེད་ཕྱོགས་དང་སྲིད་ཇུས་སྣ་ཚོགས་དྲིལ་སྒྲོག་བྱེད་པའི་ཐད་ནུས་པ་འདོན་པ”དང“མི་རིགས་སྐད་ཡིག་ལས་དོན་གྱིས་ས་གནས་ཀྱི་ཁྲིམས་སྲོལ་སློབ་སྦྱོང་དང་དྲིལ་སྒྲོག་ལག་བསྟར་བྱེད་ཤུགས་ཆེ་རུ་བཏང་སྟེ། ཕྱོགས་ཡོངས་ནས་མི་རིགས་སྐད་ཡིག་ལས་དོན་གྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ”དེ་བརྗོད་བྱ་གཙོ་བོར་བཟུང་ནས་ཏང་གི་སློབ་ཁྲིད་བྱས་པ་དང་། མི་རིགས་སྐད་ཡིག་ལས་དོན་གྱིས་ཁུལ་ཡོངས་ཀྱི་སྤྱི་ཚོགས་ལས་དོན་ཁག་ཏུ་ཐོན་པའི་གལ་ཆེའི་རང་བཞིན་དང་དམིགས་བསལ་གྱི་ནུས་པ་འདོན་སྤེལ་བྱས་པ་འགྲེལ་བཤད་ཞིབ་མོ་བྱས་ཤིང་།«མཚོ་ནུབ་སོག་རིགས་བོད་རིགས་རང་སྐྱོང་ཁུལ་གྱི་སོག་པོའི་སྐད་ཡིག་དང་བོད་སྐད་ཡིག་ལས་དོན་སྲོལ་ཡིག»གི་དོན་ཚན་རེ་རེ་བཞིན་ཉིང་བསྡུས་ཀྱི་སྒོ་ནས་འགྲེལ་བཤད་བྱས་པ་དང་། མགོ་ཁྲིད་ལས་བྱེད་པས་ཁྲིད་སྟེགས་སྟེང་ཏང་གི་སློབ་ཁྲིད་བྱེད་པ་བརྒྱུད་ནས། ཁུལ་ཡོངས་ཀྱི་སྐད་གཉིས་ལས་བྱེད་པས་མི་རིགས་སྐད་ཡིག་ལས་དོན་ལ་རྒྱུས་ལོན་དང་ངོས་འཛིན་བྱེད་ཚད་གཏིང་ཟབ་ཏུ་བཏང་བར་མ་ཟད། «སྲོལ་ཡིག»གི་དགོངས་དོན་ཕྱོགས་ཡོངས་ནས་ཁོང་དུ་ཆུད་པ་དང་། འགན་འཁྲི་ལག་བསྟར་བྱེད་པར་ལས་ཀའི་བསམ་ཕྱོགས་དང་བྱེད་ཐབས་སྔར་བས་ལེགས་པོ་མཁོ་འདོན་བྱས། དེ་ནས་ཁུལ་ཡོངས་ཀྱི་མི་རིགས་སྐད་ཡིག་སློབ་སྦྱོང་དང་དྲིལ་སྒྲོག་དཔྱད་ཡིག་ཐད་ཀྱི་དཀའ་ངལ་སེལ་ཆེད། ས་ཁུལ་སོ་སོ་དང་ཁུལ་ཐད་གཏོགས་ཀྱི་འབྲེལ་ཡོད་ལས་ཁུངས་ལ«མཚོ་ནུབ་སོག་རིགས་བོད་རིགས་རང་སྐྱོང་ཁུལ་གྱི་སོག་པོའི་སྐད་ཡིག་དང་བོད་སྐད་ཡིག་ལས་དོན་སྲོལ་ཡིག»དང«མཚོ་ནུབ་ཁུལ་གྱི་སྐད་གཉིས་དྲིལ་སྒྲོག་ཡིག་ཆ་ཕྱོགས་བསྒྲིགས»ཞེས་པའི་དཔེ་ཆ་འདི་གཉིས་ཁྱོན་བསྡོམས་པས་དེབ་ཁྲི1.1འགྲེམ་སྤེལ་བྱས་ཤིང་། ཁུལ་ཡོངས་ཀྱི་མི་རིགས་སྐད་ཡིག་ལས་དོན་སྔར་ལས་ལེགས་པོར་སྤེལ་བར་རྒྱབ་སྐྱོར་བྱས་ཡོད།        ཐེངས་འདིའི་ཆེད་དོན་འཆད་ཁྲིད་བྱས་པ་བརྒྱུད་ཁུལ་ཡོངས་ཀྱི་སྐད་གཉིས་ལས་བྱེད་པས་ཚད་ངེས་ཅན་གྱི་སྟེང་ནས་མི་རིགས་སྐད་ཡིག་ལས་དོན་ལ་རྒྱུས་ལོན་དང་ངོས་འཛིན་བྱེད་ཚད་ཇེ་ཟབ་ཏུ་ཕྱིན་པར་མ་ཟད། «སྲོལ་ཡིག»གི་དགོངས་དོན་ཁྱོན་ཡོངས་ནས་ཁོང་དུ་ཆུད་པ་དང་ལས་སྒོའི་ཆུ་ཚད་མཐོ་རུ་གཏོང་བ། འགན་འཁྲི་སྔར་བས་ཡག་པོ་སྒྲུབ་སླད་ལས་ཀའི་བསམ་ཕྱོགས་དང་བྱེད་ཐབས་སྔར་བས་མང་པོ་མཁོ་འདོན་བྱས། འཆད་ཁྲིད་གྲོལ་རྗེས། ཚང་མས་ ཆེད་དོན་འཆད་ཁྲིད་ཀྱི་ནང་དོན་ཕུན་སུམ་ཚོགས་པ་དང་རྣམ་པ་གསར་པ། གྲུབ་འབྲས་གཡུར་དུ་ཟ་བ་ཐོབ་པ་རེད་ཅེས་གཅིག་རྗེས་གཉིས་མཐུད་ངང་རང་རང་གི་སེམས་འདུན་བཤད་པ་དང་། མ་འོངས་པར་རང་རང་གི་ངོས་ཐད་ནས་མུ་མཐུད་དུ་སློབ་སྦྱོང་ལ་ཤུགས་སྣོན་རྒྱག་རྒྱུ་ཡིན་པ་དང་ངོས་འཛིན་མཐོ་རུ་བཏང་ནས། ལས་དོན་ཏན་ཏིག་ངང་སྒྲུབ་པ་དང་ཁུལ་ཡོངས་ཀྱི་མི་རིགས་སྐད་ཡིག་ལས་དོན་སྤུས་ཚད་མཐོ་བའི་སྒོ་ནས་འཕེལ་རྒྱས་འགྲོ་བར་སྐུལ་འདེད་གཏོང་ཆེད་རང་ཉིད་ཀྱི་སྟོབས་ཤུགས་སྐྱེས་སུ་འབུལ་རྒྱུ་ཡིན་ཞེས་ཆོད་སེམས་ཀྱང་བརྗོད་དོ། །