ཁུལ་སྟོན་ཆེན་མོ་སྤྲོ་བས་བསུས་ཏེ། ཡ་རབས་ཀྱི་ཕོ་ཉ་ཞིག་བྱེད་པར་བརྩོན་དགོས།
རྩོམ་པ་པོ།：ལྷ་མོ་ཚེ་སྐྱིད།
ཡོང་ཁུངས།：མཚོ་སྔོན་པོ་དྲ་བ།
དུས་ཚོད།：2023-07-25
ཀློག་གྲངས།：
མཚོ་ལྷོ་ཁུལ་ཡོངས་ཀྱི་རིགས་སོ་སོའི་ལས་བྱེད་མང་ཚོགས་རྣམ་པ།
མཚོ་ལྷོ་བོད་རིགས་རང་སྐྱོང་ཁུལ་དབུ་བརྙེས་ནས་ལོ་འཁོར70ལོན་པའི་སྐབས་འདིར། མཚོ་ལྷོ་ཁུལ་དཔལ་ཡོན་གཞུང་ལས་ཁང་གིས་ཁུལ་ཡོངས་ཀྱི་རིགས་སོ་སོའི་ལས་བྱེད་མང་ཚོགས་ལ་གྲོས་གཞི་བཏོན་པ་གཤམ་གསལ་ལྟར།མཆོག་གཙང་མཚོ་ལྷོའི་དྲིལ་སྒྲོག་པ་ཞིག་བྱེད་པར་བརྩོན་དགོས། བདག་པོའི་ནུས་པ་འདོན་སྤེལ་གང་ལེགས་བྱས་ཏེ། མཚོ་ལྷོ་ཁུལ་དབུ་བརྙེས་ནས་ལོ་ངོ70འགོར་བའི་རིང་བླངས་པའི་གྲུབ་འབྲས་རྒྱ་ཆེར་དྲིལ་སྒྲོག་བྱེད་ཅིང་། མཚོ་ལྷོ་དྲིལ་སྒྲོག་བྱེད་པའི་རིག་གནས་ཀྱི་ཕོ་ཉ་དང་། མཚོ་ལྷོ་ངོ་སྦྱོར་བྱེད་པའི་སྣང་བརྙན་གྱི་ཕོ་ཉ་ལེགས་པོར་བྱེད་པ་དང་། མཚོ་ལྷོའི་གཏམ་རྒྱུད་ལེགས་པོར་བརྗོད་ཅིང་མཚོ་ལྷོའི་འགྱུར་ཁུགས་དབྱངས་སུ་བཀུག་སྟེ། མཚོ་ལྷོ་ལ་དགའ་ཞིང་མཚོ་ལྷོ་གླུ་རུ་ལེན་པ་དང་མཚོ་ལྷོ་གར་དུ་འཁྲབ་པའི་མཁའ་དབུགས་ལེགས་པོ་ཞིག་མཉམ་དུ་སྐྲུན་དགོས།
ཡ་རབས་སྲོལ་བཟང་གི་སྣེ་ཁྲིད་པ་ཞིག་བྱེད་པར་བརྩོན་དགོས། རང་རྟོགས་ཀྱིས་སྤྱི་ཚོགས་རིང་ལུགས་ཀྱི་སྲོག་ཤིང་རིན་ཐང་ལྟ་བ་ལག་བསྟར་བྱེད་ཅིང་། མཐུན་སྒྲིལ་མཛའ་བཤེས་ལྡན་པ་དང་ཕན་ཚུན་རོགས་རེས་བྱས་ཏེ། རང་འགུལ་གྱིས་བསམ་པའི་དཔལ་ཡོན་གསར་སྐྲུན་གྱི་བྱ་འགུལ་ཁྲོད་ཞུགས་པ་དང་། ཡ་རབས་ཀྱི་སྐད་ཆ་བཤད་ཅིང་ཡ་རབས་ཀྱི་ལས་བྱེད་པ་དང་ཡ་རབས་ཀྱི་མི་ཞིག་བྱས་ནས། གུས་ལུགས་ཤེས་པ་དང་དགེ་བར་ཕྱོགས་ཤིང་། ཁ་དན་ཚིག་ལ་གནས་པ་དང་མགྲོན་བསུ་ཆེ་བའི་སྤྱི་ཚོགས་ཀྱི་དར་སྲོལ་ཞིག་ཆགས་དགོས།
ཁོར་ཡུག་ལ་གཅེས་སྐྱོང་བྱེད་པའི་ཟབ་ཞུགས་པ་ཞིག་བྱེད་པར་བརྩོན་དགོས། རང་རྟོགས་ཀྱིས“དག་གཙང་མཚོ་ལྷོ”ཡི་དང་བླངས་ཞབས་ཞུའི་བྱ་འགུལ་དུ་ཞུགས་ཏེ། ཁོར་ཡུག་སྲུང་སྐྱོང་དང་ཁྱིམ་གཞིས་ལ་གཅེས་སྐྱོང་བྱེད་ཅིང་། དུས་རྒྱུན་དུ་ཁོར་ཡུག་འཕྲོད་བསྟེན་གྱི་གཙང་སྦྲ་ཆེན་མོའི་བྱ་འགུལ་སྤེལ་བ་དང་། ས་ཁོངས་ཡོངས་ཀྱི་ཁོར་ཡུག་འཕྲོད་བསྟེན་གཙང་དག་ཡོང་བར་འགན་ལེན་བྱས་ནས། འཆམ་མཐུན་མཛེས་སྡུག་གི་ལྗང་མདོག་ཁྱིམ་གཞིས་མཉམ་དུ་སྐྲུན་དགོས།
ཡ་རབས་འགྲོ་སྐྱོད་ཀྱི་ལག་ལེན་པ་ཞིག་བྱེད་པར་བརྩོན་དགོས། སྤྱི་ཚོགས་ཀྱི་ཀུན་སྤྱོད་དང་འགྲིམ་འགྲུལ་ཁྲིམས་སྲོལ་བརྩི་སྲུང་བྱེད་ཅིང་། སྤྱི་སྤྱོད་རླངས་འཁོར་དང་རྐང་ཐང་། ལྕགས་རྟ་སོགས་ཐཱན་དམའི་ལྗང་མདོག་འགྲོ་སྐྱོད་བྱེད་སྟངས་གཙོ་བོར་འདེམས་ཏེ། འགྲིམ་འགྲུལ་ཁེགས་པ་ཇེ་ཉུང་དང་། ལྗང་མདོག་ཇེ་མང་། ལམ་དུ་བདེ་བགྲོད་མང་དུ་གཏོང་ཞིང་། རང་སྟེང་གི་ཡ་རབས་སྤྱོད་ཚུལ་ལ་བརྟེན་ནས་གྲོང་ཁྱེར་གྱི་དཔལ་ཡོན་སྣང་བརྙན་མཐོ་རུ་གཏོང་དགོས།
བདེ་འཇགས་ཐོན་སྐྱེད་ཀྱི་སྲུང་སྐྱོང་པ་ཞིག་བྱེད་པར་བརྩོན་དགོས། ཚེ་སྲོག་ལ་གཅེས་ཤིང་བདེ་འཇགས་གཙོར་བཟུང་སྟེ། བདེ་འཇགས་ཐོན་སྐྱེད་ཀྱི་ཟབ་ཞུགས་པ་དང་སྐུལ་འདེད་པ་ལེགས་པོ་ཞིག་བྱེད་པར་འབད་ཅིང་། དུས་དང་རྣམ་པ་ཀུན་ཏུ་གློག་མེ་རླངས་གསུམ་བཀོལ་སྤྱོད་དང་། ཆུ་ལོག་སྔོན་འགོག ཆུར་ནུབ་སྔོན་འགོག ཨར་ལས། བཟའ་བཏུང་སོགས་ཀྱི་བདེ་འཇགས་སེམས་སུ་དམ་པོར་བཟུང་ནས། བདེ་འཇགས་ཡིན་ཞིང་གོ་རིམ་ལྡན་པའི་སྤྱི་ཚོགས་ཁོར་ཡུག་ཅིག་སྐྲུན་དགོས།
དྲ་རྒྱའི་དཔལ་ཡོན་གྱི་ཁྱབ་སྒྲོག་པ་ཞིག་བྱེད་པར་བརྩོན་དགོས། ཡ་རབས་ཀྱིས་དྲ་རྒྱར་འཇུག་པ་དང་དྲང་ཕྱོགས་ནས་སྐད་ཆ་བཤད་དེ། དྲ་རྒྱའི་དཔལ་ཡོན་གྱི་ཁྱབ་སྒྲོག་པ་དང་དྲ་རྒྱའི་དྲང་ནུས་དར་སྤེལ་མཁན་ཞིག་བྱེད་པར་བརྩོན་ནས། མཉམ་དུ་འཆམ་མཐུན་དྭངས་གསལ་གྱི་དྲ་རྒྱའི་བར་སྟོང་ཞིག་སྐྲུན་དགོས།
ཡ་རབས་སྤྱོད་ཚུལ་གྱི་ལྟ་སྐུལ་པ་ཞིག་བྱེད་པར་བརྩོན་དགོས། རང་རྟོགས་ཀྱིས་སྤྱི་བའི་སྒྲིག་ལམ་ལ་བརྩི་སྲུང་དང་། སྤྱི་བའི་སྒྲིག་བཀོད་ལ་གཅེས་སྐྱོང་བྱེད་ཅིང་། ཡ་རབས་ཀྱིས་འཁྲབ་སྟོན་ལ་གཟིགས་པ་དང་། གོ་རིམ་ལྡན་པའི་ངང་འགྲེམ་སྟོན་ལ་གཟིགས་དགོས་ལ། རླངས་འཁོར་གང་སར་གང་འདོད་དུ་འདུག་པ་དང་། གད་སྙིགས་གང་སར་གང་བྱུང་དུ་གཡུགས་པ། སྤྱི་བའི་འདུ་ར་རུ་སྐད་ཅོར་རྒྱག་པ་སོགས་ཚུལ་མིན་གྱི་བྱ་སྤྱོད་ལ་ལྟ་སྐུལ་དང་ཁ་ཏ་སློབ་སྟོན་བྱས་ཏེ། མཉམ་དུ་དཔལ་ཡོན་འཆམ་མཐུན་གྱི་སྤྱི་ཚོགས་སྒྲིག་ལམ་ལ་སྲུང་སྐྱོང་བྱེད་དགོས།
འབྲེལ་ཡོད་འོས་སྦྱོར།
