མཚོ་ལྷོ་ཁུལ་གྱིས་ལོ70ལོན་པའི་གསར་འགྱུར་ཁྱབ་བསྒྲགས་ཚོགས་འདུ་བསྡུས།
རྩོམ་པ་པོ།：
ཡོང་ཁུངས།：མཚོ་ལྷོ་བོད་ཡིག་ཚགས་པར།
དུས་ཚོད།：2023-07-28
ཀློག་གྲངས།：
ཟླ7པའི་ཚེས27ཉིན་གྱི་ཕྱི་དྲོར། མཚོ་ལྷོ་བོད་རིགས་རང་སྐྱོང་ཁུལ་དབུ་བརྙེས་ནས་ལོ་འཁོར70ལོན་པའི་གསར་འགྱུར་ཁྱབ་བསྒྲགས་ཚོགས་འདུ་ཟི་ལིང་དུ་འཚོགས་པ་དང་། ཁྱབ་བསྒྲགས་ཚོགས་འདུའི་སྟེང་། མཚོ་ལྷོ་ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀརྨ་ཕུན་ཚོགས་ཀྱིས་ལོ་ངོ70རིང་ལ་མཚོ་ལྷོ་ཁུལ་གྱི་སྤྱི་ཚོགས་དཔལ་འབྱོར་འཕེལ་རྒྱས་ཀྱི་འགྱུར་ལྡོག་དང་གྲུབ་འབྲས་ངོ་སྤྲོད་གནང་བ་རེད།
ཁྱབ་བསྒྲགས་ཚོགས་འདུའི་སྟེང་། མཚོ་ལྷོ་ཁུལ་གྱི་འབྲེལ་ཡོད་མགོ་ཁྲིད་ཀྱིས་ཁུལ་དང་རྫོང་རིམ་པ་གཉིས་ཀྱི་རྒྱལ་ཡོངས་མི་རིགས་མཐུན་སྒྲིལ་ཡར་ཐོན་གསར་སྐྲུན་དཔེ་སྟོན་གྱི་ལས་དོན་དང“ས་ཁུལ་བཞིའི”ཐོན་ལས་མ་ལག ཁྱོན་ཡངས་པའི་གུང་ཧོའི་གཤོང་སའི་འཕེལ་རྒྱས་ཀྱི་གནས་ཚུལ། དེ་མིན་མཚོ་ལྷོ་ཁུལ་ནི་ནུབ་བྱང་ས་ཁུལ་གྱི་རྒྱུན་མཐུད་འཕེལ་རྒྱས་ཀྱི་གྲོས་རིམ་གསར་གཏོད་དཔེ་སྟོན་ཁུལ་གཅིག་པུ་ཡིན་པའི་ངོས་ནས་ལོ་གཅིག་གི་རིང་བླངས་པའི་དབུལ་ཐར་འགག་སྒྲོལ་དང་གྲོང་གསེབ་དར་སྤེལ་གྱི་འབྲེལ་མཐུད་ལས་དོན། མཚོ་ལྷོ་ཁུལ་དབུ་བརྙེས་ནས་ལོ་འཁོར70ལོན་པར་རྟེན་འབྲེལ་ཞུ་བའི་བྱ་འགུལ་སྤེལ་བའི་སྐོར་གྱི་གནས་ཚུལ་སོགས་ལ་ལན་བཏབ་པ་རེད།
གསར་འགོད་པས་ཁྱབ་བསྒྲགས་ཚོགས་འདུའི་ཐོག་རྒྱུས་ལོན་པ་ལྟར་ན། ཟླ8པའི་ཚེས1ནས་ཚེས3ཉིན་བར། མཚོ་ལྷོ་བོད་རིགས་རང་སྐྱོང་ཁུལ་དབུ་བརྙེས་ནས་ལོ་འཁོར70ལོན་པར་རྟེན་འབྲེལ་ཞུ་བའི་མུ་སྤེལ་བྱ་འགུལ་སྤེལ་རྒྱུ་རེད།
འབྲེལ་ཡོད་འོས་སྦྱོར།
