གུང་ཧོ་རྫོང་བོད་ལུགས་གཙག་དྲུབ་ཞིབ་འཇུག་གསར་སྤེལ་ལྟེ་གནས་སྒོ་འབྱེད་བྱས།
རྩོམ་པ་པོ།：དྲ་བའི་རྩོམ་སྒྲིག་པ།
ཡོང་ཁུངས།：མཚོ་སྔོན་པོ་དྲ་བ།
དུས་ཚོད།：2023-07-29
ཀློག་གྲངས།：
ཉེ་ལམ། མཚོ་ལྷོ་བོད་རིགས་རང་སྐྱོང་ཁུལ་དབུ་བརྙེས་ནས་ལོ་འཁོར༧༠ལོན་པའི་དགའ་སྟོན་རྟེན་འབྲེལ་གྱི་དུས་བཟང་འདི་དང་བསྟུན། གུང་ཧོ་རུ་གསར་དུ་འཛུགས་སྐྲུན་བྱས་པའི་མཚོ་ལྷོ་ཁུལ་གུང་ཧོ་རྫོང་བོད་ལུགས་གཙག་དྲུབ་ཞིབ་འཇུག་གསར་སྤེལ་ལྟེ་གནས་སྒོ་འབྱེད་བྱས།
ཞིབ་འཇུག་གསར་སྤེལ་ལྟེ་གནས་དེ་ཐོག་བརྩེགས་རིམ་པ་གསུམ་གྱིས་གྲུབ་ཡོད་དེ། དེར་བོད་ཀྱི་གཙག་དྲུབ་འགྲེམས་འཚོང་ཚོམས་ཆེན་དང་རྩལ་ནུས་གསོ་སྦྱོང་ལྟེ་གནས། བོད་ཀྱི་གཙག་དྲུབ་སྤུས་ལེགས་འགྲེམས་ཁང་། བོད་ཀྱི་གཙག་དྲུབ་འཚེམ་བཟོ་ཁང་། ཇུས་འགོད་ཁང་སོགས་ཡོད།
བོད་ཀྱི་གཙག་དྲུབ་ནི2010ལོར་མཚོ་སྔོན་ཞིང་ཆེན་གྱི་ཞིང་ཆེན་རིམ་པའི་གཟུགས་འདས་ཤུལ་བཞག་རིག་གནས་སྲུང་སྐྱོང་རྣམ་གྲངས་ནང་ཚུད་པ་དང་། 2021ལོར་རྒྱལ་ཁབ་རིམ་པའི་གཟུགས་འདས་ཤུལ་བཞག་རིག་གནས་སྲུང་སྐྱོང་རྣམ་གྲངས་ནང་ཚུད། དེར་མ་ཟད་ཀྲུང་གོའི་བཟོ་རྩལ་མཛེས་རྩལ་མཐུན་ཚོགས་ཀྱིས་མཚོ་ལྷོ་ཁུལ་ལ་བོད་ཀྱི་གཙག་དྲུབ་ཀྱི་ཕ་སར་ངོས་འཛིན་བྱས་ཡོད།
ཞིབ་འཇུག་གསར་སྤེལ་ལྟེ་གནས་འདི་འདྲ་ཞིག་སྒོ་འབྱེད་བྱས་པ་དེས་མཚོ་ལྷོའི་གཙག་དྲུབ་སྒྱུ་རྩལ་སྲུང་སྐྱོང་དང་རྒྱུན་འཛིན་ཡག་པོ་བྱས་ནས་གཟུགས་འདས་ཤུལ་བཞག་རིག་གནས་སྲུང་སྐྱོང་ལས་དོན་ལ་སྐུལ་འདེད་གཏོང་བ་དང་ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་དར་སྤེལ་གཏོང་བར་དོན་སྙིང་གལ་ཆེན་ལྡན་ཡོད།
འབྲེལ་ཡོད་འོས་སྦྱོར།
