ཁུལ་སྟོན་སྐབས་རྒྱ་ཆེའི་ལྟད་མོ་བར་ཕུལ་བའི་ཤ་ཚའི་དྲན་སྐུལ།

གུང་ཧོ་རྫོང་སྤྱི་བདེ་ཅུའུ་ཡིས་ཁུལ་སྟོན་བསུ་བའི་བྱེད་སྒོ་སྤེལ་ལ་ཉེ་བའི་སྐབས་སུ་རྒྱ་ཆེའི་ལྟད་མོ་བར་ཕུལ་བའི་ཤ་ཚའི་དྲན་སྐུལ།
 

       མཚོ་ལྷོ་བོད་རིགས་རང་སྐྱོང་ཁུལ་དབུ་བརྙེས་ནས་ལོ་འཁོར70ལོན་པར་རྟེན་འབྲེལ་ཞུ་བའི་བྱེད་སྒོའི་དབུ་ཚུགས་མཛད་སྒོ་དེ་ཟླ8ཚེས1ཉིན་མཚོ་ལྷོ་ཁུལ་ལུས་རྩལ་ཐང་དུ་འཚོག་རྒྱུ་ཡིན་པས་རྒྱ་ཆེའི་ལས་བྱེད་པ་དང་མང་ཚོགས་རྣམས་སྟབས་བདེ་དང་བདེ་འཇགས་ཡོང་བར་འགན་སྲུང་བྱེད་ཆེད། ཤ་ཚའི་དྲན་སྐུལ་འདི་ཕུལ་བ་ཡིན།

       ༡ མཚོ་ལྷོ་བོད་རིགས་རང་སྐྱོང་ཁུལ་དབུ་བརྙེས་ནས་ལོ་འཁོར70ལོན་པར་རྟེན་འབྲེལ་ཞུ་བའི་བྱེད་སྒོའི་དབུ་ཚུགས་མཛད་སྒོར་ཕེབས་པའི་ལྟད་མོ་བས་ངེས་པར་དུ་རྒྱལ་ཁབ་ཀྱི་བཅའ་ཁྲིམས་དང་ཁྲིམས་སྲོལ། མཚོ་ལྷོ་བོད་རིགས་རང་སྐྱོང་ཁུལ་དབུ་བརྙེས་ནས་ལོ་འཁོར70ལོན་པའི་བྱེད་སྒོའི་སྒྲིག་འཛུགས་ཨུ་ཡོན་ལྷན་ཁང་གི་གཏན་འབེབས་ཁག་ལ་རང་རྟོགས་ངང་བརྩི་སྲུང་ཞུ་དགོས། བདེ་འཇགས་དང་འགྲིམ་འགྲུལ་སྒྲིག་ལམ་རང་རྟོགས་ངང་སྲུང་སྐྱོང་དང་། སྤྱི་ཚོགས་ཀྱི་སྤྱི་པའི་སྤྱོད་བཟང་ལ་བརྩི་སྲུང་། གཏམ་སྤྱོད་ཚུལ་ལྡན་གུས་ཞབས་བཅས་བྱ་དགོས།
       ༢ རྒྱ་ཆེའི་ལྟད་མོ་བ་རྣམས་ཀྱིས་པ་སེ་བཟུང་སྟེ་ཁྲོམ་དཀྱིལ་མེ་ཏོག་ལྡུམ་རའི་སྦྲག་སྲིད་དངུལ་ཁང་གི་ལམ་བརྒྱུད་དང་། མཚོ་ལྷོ་ཁུལ་མི་དམངས་སྨན་ཁང་གི་བྱང་ངོས་ཀྱི་སྤྱི་སྤྱོད་རླངས་འཁོར་ས་ཚིགས། མཚོ་ལྷོ་ཁུལ་རིག་གནས་སྨྱན་སྦྱོར་ཁྱབ་སྤེལ་ལྟེ་གནས་ཐང་ཆེན་བཅས་ནས་སྤྱི་སྤྱོད་རླངས་འཁོར་ལ་བསྡད་དེ་ལུས་རྩལ་ཐང་དུ་བསྐྱོད་པ་ལས་སྒེར་གྱི་རླངས་འཁོར་སྐོར་མི་ཆོག ཚོགས་རར་སླེབས་རྗེས་རྒྱ་ཆེའི་ལྟད་མོ་བ་དག་གིས་ཡུལ་དངོས་ཀྱི་ལས་སྒྲུབ་དམངས་དམག་དང་ལས་བྱེད་མི་སྣའི་བཀོད་འདོམས་ལ་ཉན་ནས་རང་འགུལ་ངང་གཞོགས་འདེགས་དང་། གོ་རིམ་ལྡན་པའི་སྒོ་ནས་བསྐྱོད་དགོས།
       ༣ ལྟད་མོ་བ་ཚང་མ་ཚོགས་རར་མ་ཕེབས་གོང་ངེས་པར་དུ་བདེ་སྲུང་མི་སྣའི་བདེ་འཇགས་ཞིབ་བཤེར་བརྒྱུད་དགོས་པ་དང་། རང་འགུལ་ངང་གྲལ་བསྒྲིགས་ཏེ་དམིགས་འཛུགས་བྱས་པའི་བདེ་འཇགས་བཤེར་ལམ་ནང་ཞིབ་བཤེར་དང་ལེན་བྱེད་དགོས། འབར་སླ་བའི་དངོས་པོ་དང་གྲིའི་རིགས། མེ་ཆ་སོགས་ཉེན་ཁ་ཡོད་པའི་དངོས་རྫས་དང་ཆར་གདུགས་སོགས་ཐད་གཏོང་གི་བྱེད་སྒོ་སྤེལ་བར་འགོག་རྐྱེན་བཟོ་བའམ་ཡུལ་དངོས་ལྟད་མོ་བར་འགོག་རྐྱེན་བཟོ་བའི་དངོས་རིགས་ནང་དུ་ཁྱེར་མ་ཆོག
       ༤ ཚོགས་རར་སླེབས་རྗེས། ཡུལ་དངོས་ཀྱི་ལས་བྱེད་མི་སྣ་དང་དང་བླངས་པའི་ཁྲིད་སྟོན་ལ་ཉན་ནས། གཏན་འཁེལ་གྱི་འདུག་སྟེགས་སམ་ས་ཁོངས་སུ་སྡོད་པ་ལས་བགྲོད་ལམ་བརྒྱུད་དུ་འདུག་མི་རུང་། རྡུང་རེས་བྱེད་པ་དང་སྐད་ཆེན་པོས་ཀུ་ཅོ་སྒྲོག་པ་སོགས་བྱེད་མི་རུང་།
       ༥ རྒྱ་ཆེའི་མང་ཚོགས་རྣམས་ཡུལ་དངོས་དང་བྲལ་བའི་སྐབས་སུ། ཡུལ་དངོས་ཀྱི་ལས་བྱེད་མི་སྣ་དང་དང་བླངས་པའི་ཁྲིད་སྟོན་ལྟར་རླངས་འཁོར་འཇོག་ཁུལ་གཉིས་པར་སོང་སྟེ་གོ་རིམ་ལྡན་པའི་ངང་སྤྱི་སྤྱོད་རླངས་འཁོར་ལ་བསྡད་དེ་རིམ་པ་ལྟར་ཡུལ་དངོས་དང་བྲལ་དགོས།

       ང་ཚོས་སྒྲིག་ལམ་སྲུང། ཚུལ་མཐུན་བྱེད།