བོད་ཀྱི་རྒྱན་གོས་སྒྱུ་རྩལ་ཀ་ཉི་དཔལ་དུས་ཆེན་མཚོ་ལྷོར་འཚོགས།
རྩོམ་པ་པོ།：དྲ་བའི་རྩོམ་སྒྲིག་པ།
ཡོང་ཁུངས།：མཚོ་སྔོན་པོ་དྲ་བ།
དུས་ཚོད།：2023-08-01
ཀློག་གྲངས།：
“གནས་མཆོག་མཚོ་ལྷོ། རྒྱང་བསྐྱོད་ཀྱི་ལམ་གསར”ཞེས་པ་བརྗོད་བྱ་ཡིན་པའི་བོད་ཀྱི་རྒྱན་གོས་སྒྱུ་རྩལ་ཀ་ཉི་དཔལ་དུས་ཆེན་གྱི་རིག་རྩལ་དགོང་ཚོགས་དེ་ཟླ7པའི་ཚེས31ཉིན་མཚོ་ལྷོ་ཁུལ་རིག་གནས་སྨྱན་སྦྱོར་ལྟེ་གནས་སུ་འཚོགས།
བོད་ཀྱི་རྒྱན་གོས་སྒྱུ་རྩལ་ཀ་ཉི་དཔལ་དུས་ཆེན་དགོང་ཚོགས་ཀྱི་ཡུལ་དངོས།
ཁུལ་དཔོན་ཀརྨ་ཕུན་ཚོགས་ཀྱིས་གཏམ་བཤད་གནང་བཞིན་པ།
དགོང་ཚོགས་ལས“ཏང་གི་ཚོགས་ཆེན་ཐེངས་ཉི་ཤུ་པའི་དགོངས་དོན་སློབ་སྦྱོང་དང་ལག་བསྟར། ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་དར་སྤེལ། གཟུགས་འདས་ཤུལ་བཞག་རིག་གནས་སྲུང་སྐྱོང་དང་སྔོག་འདོན། རིག་གནས་ལ་ཡིད་ཆེས་དང་རང་སྟོབས་རང་སྤེལ་བྱེད་པར་སྐུལ་འདེད། ཁུལ་ཡོངས་ཀྱི་རིགས་སོ་སོའི་མི་དམངས་ཀྱི་མཐུན་སྒྲིལ་འབད་འཐབ་ཀྱི་ཐུན་མོང་གི་བསམ་བློའི་རྨང་གཞི་སྲ་བརྟན་དུ་གཏོང་བ”བཅས་གཙོ་གནད་དུ་བཟུང་སྟེ། མི་རིགས་ཀྱི་སྲོལ་རྒྱུན་གླུ་གར་དང་རྒྱན་གོས་འགྲེམས་སྟོན། སྙན་ངག་གྱེར་འདོན། སྒྲ་སྙན་དཀྲོལ་ལེན་སོགས་ཕྱོགས་བསྡུས་རིག་རྩལ་གྱི་རྣམ་པ་སྤྱད་དེ། འཆམ་མཐུན་ཡར་བརྩོན་གྱི་མཚོ་ལྷོ་གསར་པའི་བཞིན་རིས་མངོན་པར་མཚོན་ཡོད།
རྒྱན་གོས་འཁྲབ་སྟོན་པ།
དུས་ཆེན་འདིར་མཚོན་ན་མཚོ་ལྷོའི་ཡུལ་དུ་ཤུགས་རྐྱེན་ཆེས་ཆེ་བའི་མི་རིགས་རིག་གནས་ཀྱི་མཚོན་རྟགས་གལ་ཆེན་ཞིག་དང་། མང་ཚོགས་ཀྱི་འཚོ་བའི་ཁྲོད་གཟབ་རྒྱས་ཆེས་ཆེ་བའི་སྒྱུ་རྩལ་གྱི་དགྱེས་སྟོན་ཞིག་ཡིན། སྲོལ་རྒྱུན་དང་དེང་རབས་ཀྱི་རྒྱན་གོས་འགྲེམས་སྟོན་བྱས་པ་བརྒྱུད་མཚོ་ལྷོ་ཁུལ་དང་རྫོང་ཁག་ལྔའི་སྣ་མང་ཕུན་སུམ་ཚོགས་པའི་བོད་ཀྱི་རྒྱན་གོས་རིག་གནས་ཀྱི་ཡིད་དབང་འགུག་ཤུགས་དང་། ཁུལ་ཡོངས་ཀྱི་རིགས་སོ་སོའི་མང་ཚོགས་ཀྱི་འཆམ་མཐུན་བདེ་སྐྱིད་ཀྱི་འཚོ་བ་གསར་པ་དེ་མངོན་པར་བྱས་ཡོད།
ས་གནས་ཀྱི་ཁྱད་ཆོས་མངོན་པར་ཕྱུག་པའི་རྒྱན་གོས་དང་ལག་རྩལ་མངོན་བཞིན་པ།
ལྟ་ན་སྡུག་པའི་མཚོ་ལྷོའི་མཚན་ལྗོངས།
ལྟ་ན་སྡུག་པའི་མཚོ་ལྷོའི་མཚན་ལྗོངས།
འདྲ་པར་ཡོང་ཁུངས། མཚོ་ལྷོ་ཚགས་པར།
འབྲེལ་ཡོད་འོས་སྦྱོར།
