མི་མེད་གནམ་གྲུ་བརྒྱད་བརྒྱ་ལྷག་གི་གློག་རིས་འཁྱུག་འགྱུར་འཁྲབ་སྟོན་གྱིས་ལྟད་མོ་བའི་མིག་དབང་འཕྲོག་པར་བྱས།

       ཟླ7པའི་ཚེས31ཉིན་གྱི་མཚན་མོར། མཚོ་ལྷོ་བོད་རིགས་རང་སྐྱོང་ཁུལ་དབུ་བརྙེས་ནས་ལོ་འཁོར༧༠ལོན་པར་རྟེན་འབྲེལ་ཞུ་བའི་བོད་ཀྱི་རྒྱན་གོས་སྒྱུ་རྩལ་ཀ་ཉི་དཔལ་དུས་ཆེན་གྱི་རིག་རྩལ་དགོང་ཚོགས་སྟེང་མི་མེད་གནམ་གྲུ་བརྒྱད་བརྒྱ་ལྷག་གི་གློག་རིས་འཁྱུག་འགྱུར་འཁྲབ་སྟོན་གྱིས་ལྟད་མོ་བའི་མིག་དབང་འཕྲོག་པར་བྱས།

       མི་མེད་གནམ་གྲུ800ལྷག་ས་ངོས་ནས་དལ་བུར་འཕུར་ཞིང་། མཚན་མོའི་མཁའ་དབྱིངས་སུ་སྣ་ཚོགས་གློག་གི་འཁྱུག་གར་གྱིས"ཏང་གི་བཀའ་ལ་ཉན་པ། ཏང་གི་བཀའ་དྲིན་ཚོར་བ། ཏང་གི་རྗེས་སུ་འབྲངས།" "མཚོ་ལྷོ་བོད་རིགས་རང་སྐྱོང་ཁུལ་དབུ་བརྗེས་ནས་ལོ་འཁོར༧༠འཁོར་བར་རྟེན་འབྲེལ་ཞུ།" དེ་མིན"མཚོ་སྔོན་པོ"དང"ཚལ་རྔ་འགག"སོགས་ཀྱི་ཡི་གེ་དང་རི་མོའི་བརྙན་རིས་མངོན་པར་བྱས་ཏེ་དེང་རབས་ཚན་རྩལ་དང་མཚོ་ལྷོ་ཁུལ་གྱི་མི་རིགས་རིག་གནས་མཉམ་འདྲེས་ཀྱི་རྣམ་པ་གསར་པར་བརྟེན་ནས་རྒྱ་ཆེའི་ལྟད་མོ་བར་སྔར་མེད་ཀྱི་མཐོང་ཚོར་གསར་པ་ཞིག་མངོན་པར་བསྟར།