མཚོ་སྔོན་ཞིང་ཆེན་ནས་བསྐུར་བའི་ཤིས་འཕྲིན།

ཀྲུང་གུང་མཚོ་ལྷོ་བོད་རིགས་རང་སྐྱོང་ཁུལ་ཨུ་ཡོན་ལྷན་ཁང་དང་། མཚོ་ལྷོ་བོད་རིགས་རང་སྐྱོང་ཁུལ་དམངས་ཆེན་རྒྱུན་ལས་ཨུ་ཡོན་ལྷན་ཁང་། མཚོ་ལྷོ་བོད་རིགས་རང་སྐྱོང་ཁུལ་མི་དམངས་སྲིད་གཞུང་། སྲིད་གྲོས་མཚོ་ལྷོ་བོད་རིགས་རང་སྐྱོང་ཁུལ་ཨུ་ཡོན་ལྷན་ཁང་། མཚོ་ལྷོ་ཁུལ་ཡན་ལག་དམག་ཁུལ་བཅས་ལ།
       མཚོ་ལྷོ་བོད་རིགས་རང་སྐྱོང་ཁུལ་དབུ་བརྙེས་ནས་ལོ་འཁོར70ལོན་པའི་སྐལ་བཟང་དང་བསྟུན་ནས། མཚོ་ལྷོ་ཁུལ་གྱི་རིགས་སོ་སོའི་ལས་བྱེད་མང་ཚོགས་དང་། བཅའ་སྡོད་དམག་དཔུང་བཀོད་འཐབ་པ། དྲག་ཆས་ཉེན་རྟོག་དཔོན་དམག ལས་རིགས་ཁག་གི་མི་སྣ་བཅས་ལ་སྤྲོ་སེམས་འཁོལ་བས་རྟེན་འབྲེལ་དང་ཐུགས་བརྩེ་བས་འཚམས་འདྲི་ཞུས་པ་ཡིན།
       ལོ་ངོ70རིང་། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ཐུགས་ཁུར་ཆེན་མོའི་འོག་དང་། ཞིང་ཨུ་དང་ཞིང་ཆེན་སྲིད་གཞུང་གི་སྟོབས་ལྡན་འགོ་ཁྲིད་འོག སྐབས་སོ་སོའི་མཚོ་ལྷོ་ཁུལ་ཨུ་དང་ཁུལ་སྲིད་གཞུང་གིས་ཁུལ་ཡོངས་ཀྱི་རིགས་སོ་སོའི་ལས་བྱེད་མང་ཚོགས་ལ་མཐུན་སྒྲིལ་ངང་སྣེ་ཁྲིད་པ་དང་། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་སྟོན་དུ་བཟུང་སྟེ། ཁུལ་ཡོངས་ཀྱི་དཔལ་འབྱོར་མགྱོགས་མྱུར་འཕེལ་རྒྱས་དང་། ཆབ་སྲིད་དམངས་གཙོ་དང་སྒོ་འབྱེད། རིག་གནས་ཕུན་ཚོགས་དར་རྒྱས། སྤྱི་ཚོགས་ཕྱོགས་ཡོངས་ནས་ཡར་ཐོན། མི་རིགས་མཐུན་སྒྲིལ་འཆམ་མཐུན། མི་དམངས་བདེ་སྡོད་ལས་སྤྲོ་བཅས་ཡོང་བར་ཏན་ཏིག་གིས་སྐུལ་འདེད་བཏང་། ནང་སྒོས་སུ་ཏང་གི་ཚོགས་ཆེན་ཐེངས་བཅོ་བརྒྱད་པ་ནས་བཟུང་། ཏང་གི་མི་རིགས་སྲིད་ཇུས་ཀྱི་འོད་ཟེར་འཕྲོས་ཏེ། མཚོ་ལྷོ་ཁུལ་གྱི་ལས་དོན་སོ་སོར་ལོ་རྒྱུས་རང་བཞིན་གྱི་གྲུབ་འབྲས་བླངས་པ་དང་། ལོ་རྒྱུས་རང་བཞིན་གྱི་སྒྱུར་བཅོས་བྱུང་ཞིང་། གསོན་ཤུགས་ཀྱིས་བརྟས་པ་དང་གོང་ནས་གོང་དུ་འཕེལ་བའི་རྣམ་པ་བཟང་པོ་མངོན། ལོ་ངོ70རིང་བླངས་པའི་ངོ་མཚར་གྱི་གྲུབ་འབྲས་ལས་ཀྲུང་གོ་གུང་ཁྲན་ཏང་གི་འགོ་ཁྲིད་རྒྱུན་འཁྱོངས་དང་། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ལམ་བུར་འགྱུར་མེད་ཀྱིས་སྐྱོད་པ་རྒྱུན་འཁྱོངས། མི་རིགས་ས་ཁོངས་རང་སྐྱོང་ལམ་ལུགས་ལག་བསྟར་བཅས་བྱས་ན། ད་གཟོད་མཚོ་ལྷོ་ཁུལ་འཕེལ་རྒྱས་དང་ཡར་ཐོན་ཡོང་བ་མངོན་འགྱུར་དང་། མི་རིགས་སོ་སོས་མཉམ་དུ་མཐུན་སྒྲིལ་འབད་འཐབ་དང་མཉམ་དུ་ཕུན་ཚོགས་དར་རྒྱས་ཡོང་བ་མངོན་འགྱུར་བྱེད་ཐུབ་པ་བདེན་དཔང་བྱས།
       མཚོ་ལྷོ་བོད་རིགས་རང་སྐྱོང་ཁུལ་ནི་མཚོ་སྔོན་པོའི་ལྷོ་ཕྱོགས་སུ་ཆགས་ཤིང་། ཤར་འབྲེལ་ནུབ་ལ་སྦྲེལ་པ་དང་། མཚོ་སྔོན་གྱི་ལྷོ་རྒྱུད་ལ་འདྲེས་ཡོད་པ་མ་ཟད། ས་བབ་ཀྱི་དགེ་མཚན་ལེགས་ཤིང་། ནུས་ཁུངས་ཀྱི་ཐོན་ཁུངས་ཕུན་སུམ་ཚོགས་པ་དང་། མི་དམངས་ལས་ལ་བརྩོན་ཞིང་བབ་ཆགས་ལ། འཕེལ་རྒྱས་ཀྱི་མདུན་ལྗོངས་ཡངས་ཤིང་མཛེས་སྡུག་ལྡན། མཚོ་ལྷོས་རང་སྐྱོང་ཁུལ་དབུ་བརྙེས་ནས་ལོ་འཁོར70ལོན་པ་འདི་མགོ་རྩོམ་ས་གསར་པ་ཞིག་ཏུ་བརྩིས་ཏེ། མཐའ་གཅིག་ཏུ་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དར་ཆ་རླབས་པོ་ཆེ་མཐོ་རུ་བསྒྲེང་བ་དང་། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་སྟོན་དུ་བཟུང་ནས། ཏང་གི་ཚོགས་ཆེན་ཐེངས་ཉི་ཤུ་པའི་དགོངས་དོན་ནན་ཏན་གྱིས་ལག་བསྟར་དོན་འཁྱོལ་བྱེད་པ་དང་། ཕྱོགས་ཡོངས་ནས་མཚོ་སྔོན་ཞིང་ཆེན་ཏང་གི་འཐུས་མི་ཚོགས་ཆེན་ཐེངས་བཅུ་བཞི་པའི་བཀོད་སྒྲིག་རྣམས་དོན་འཁྱོལ་བྱེད་ཅིང་། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་འཛུགས་པ་གཙོ་ཐིག་ཏུ་བཟུང་སྟེ། རྒྱུན་ཆད་མེད་པར་བསམ་བློ་བཅིངས་འགྲོལ་དང་། ནུས་ཤུགས་ཡོད་རྒུས་དམངས་ཚིས་ལེགས་བཅོས། སྤྱི་ཚོགས་འཆམ་མཐུན་ལ་སྐུལ་འདེད་བཏང་ནས། མཚོ་ལྷོ་ཁུལ་ནི་རྒྱལ་ཁབ་ཀྱི་རྒྱུན་མཐུད་འཕེལ་རྒྱས་གྲོས་རིམ་གསར་སྐྲུན་དཔེ་སྟོན་ས་ཁུལ་དུ་འཛུགས་པ་ཇེ་མགྱོགས་སུ་གཏོང་བ་དང་། ཁྱོན་ཡངས་པའི་གུང་ཧོ་གཤོང་ས་ལྗང་མདོག་དར་རྒྱས་སུ་བཏང་སྟེ། ཕྱོགས་ཡོངས་ནས་སྤྱི་ཚོགས་རིང་ལུགས་དེང་རབས་ཅན་རྒྱལ་ཁབ་ཀྱི་མཚོ་སྔོན་གྱི་ལེའུ་ལེགས་པོར་འབྲི་བར་མཚོ་ལྷོས་འགན་ཁུར་དགོས་པ་དང་བྱས་རྗེས་འཇོག་དགོས།
       མཚོ་ལྷོའི་ལས་དོན་སོ་སོར་སྔར་ལས་ལྷག་པའི་གྲུབ་འབྲས་གསར་པ་ལེན་པར་སྨོན་འདུན་ཞུ།
       མཚོ་ལྷོའི་རིགས་སོ་སོའི་མི་དམངས་བདེ་ཞིང་སྐྱིད་པ་དང་བཀྲ་ཤིས་བདེ་ལེགས་ཡོང་བར་སྨོན་འདུན་ཞུ།