«ལོ་རྒྱུས་མེ་ལོང་དུ་བཟུང་ནས་འབྱུང་འགྱུར་གསར་འབྱེད་བྱེད་པ་དང་། དཀའ་སྤྱད་འབད་བརྩོན་དང་དཔའ་སྐྱེད་མདུན་སྐྱོད་བྱེད་དགོས།»

       ང་ཚོའི་ཏང་གིས་མི་དམངས་ཀྱི་རྒྱབ་སྐྱོར་འོག རང་ཉིད་ཀྱི་སྟོབས་ཤུགས་ལ་བརྟེན་ནས་དཀའ་ངལ་ལས་རྣམ་པར་རྒྱལ་བ་དང་། ནོར་འཁྲུལ་ཡོ་བསྲང་། འོད་ཟེར་ལྡན་པའི་ཕྱོགས་སུ་བསྐྱོད་པ་བཅས་ནི་ཐེངས་འགར་འཆི་ཁར་གསོན་ལམ་རྙེད་པ་དང་རྒྱ་ལྕང་སྔོ་ཞིང་མེ་ཏོག་བཀྲ་བ་ལྟ་བུ་ཡིན་ཞེས་བཤད་ཆོག འདི་ལྟ་བུའི་བསྲེགས་བཅད་བརྡར་གསུམ་བྱས་པ་ལས་ང་ཚོའི་ཏང་སྔར་བས་སྟོབས་ལྡན་དང་གནད་སྨིན་འཐུས་ཚང་དུ་གྱུར་པ་རེད། ཏང་གི་ལོ་རྒྱུས་སློབ་སྦྱོང་དང་ཕྱོགས་བསྡོམས་བྱེད་སྐབས། དེའི་ཁྲོད་ནས་འགྲོ་ལམ་གྱི་གདེང་ཚོད་དང་། རིགས་པའི་གཞུང་ལུགས་ཀྱི་གདེང་ཚོད། ལམ་ལུགས་ཀྱི་གདེང་ཚོད། རིག་གནས་ཀྱི་གདེང་ཚོད་བཅས་ཇེ་ཆེར་བཏང་སྟེ། བརྩོན་པ་ཕུར་ཚུགས་སུ་བསྐྱེད་པ་དང་། ཆར་རླུང་ལ་མ་འཛེམས་པར་མདུན་དུ་སྐྱོད་དགོས།