«བདག་རྐྱེན་གྱིས་འཕེལ་རྒྱས་ལ་སྐུལ་འདེད་གཏོང་བ་དང་མ་རྩ་འཇོག་ཁྱོན་གྱིས་འཕེལ་རྒྱས་ལ་སྐུལ་འདེད་གཏོང་བ་གཙོ་བོ་ཡིན་པ་ནས་གསར་གཏོད་ལ་བརྟེན་ནས་འཕེལ་རྒྱས་ལ་སྐུལ་འདེད་གཏོང་བ་གཙོ་བོར་འཛིན་པའི་ཕྱོགས་སུ་མགྱོགས་པོར་སྒྱུར་དགོས།»

       བསྐལ་བརྒྱའི་དོན་ཆེན་སྒྲུབ་ན་ཤེས་ལྡན་མི་སྣ་གཅེས་སུ་འཛིན་ཟེར་བ་ལྟར། ཀྲུང་ཧྭ་མི་རིགས་བསྐྱར་དར་རླབས་པོ་ཆེ་མངོན་འགྱུར་ཡོང་དགོས་ན་ཤེས་ལྡན་མི་སྣ་ཇི་ལྟར་མང་ན་དེ་ལྟར་བཟང་བ་དང་། འཇོན་ཐང་ཇི་ལྟར་ཆེ་ན་དེ་ལྟར་ལེགས་པ་རེད། རང་རྒྱལ་ནི་མི་ཤུགས་ཐོན་ཁུངས་ཀྱི་རྒྱལ་ཁབ་ཆེན་པོ་ཞིག་ཡིན་ལ། རིག་སྟོབས་ཐོན་ཁུངས་ཀྱི་རྒྱལ་ཁབ་ཆེན་པོ་ཞིག་ཀྱང་ཡིན། རང་རྒྱལ་གྱི་མི་གྲངས་དུང་ཕྱུར་བཅུ་གསུམ་ལྷག་གི་ཀླད་པའི་ནང་དུ་སྦས་ཡོད་པའི་བློ་གྲོས་ཀྱི་ཐོན་ཁུངས་ནི་རིན་ཐང་གཞལ་དུ་མེད་པ་ཞིག་ཡིན། ཤེས་བྱ་ནི་སྟོབས་ཤུགས་ཡིན་པ་དང་ཤེས་ལྡན་མི་སྣ་ནི་མ་འོངས་པ་ཡིན།