«དུས་རབས་གསར་པར་ཤེས་ལྡན་མི་སྣར་བརྟེན་ནས་རྒྱལ་ཁབ་སྟོབས་ལྡན་དུ་གཏོང་བའི་འཐབ་ཇུས་ལག་བསྟར་གཏིང་ཟབ་བྱས་ཏེ་འཛམ་གླིང་གི་ཤེས་ལྡན་མི་སྣའི་ལྟེ་གནས་གལ་ཆེན་དང་གསར་གཏོད་མཐོ་ས་མགྱོགས་མྱུར་སྐྲུན་དགོས།»

       རྒྱལ་ཁབ་ཀྱི་འཐབ་ཇུས་ཤེས་ལྡན་མི་སྣའི་སྟོབས་ཤུགས་སྐྱེད་སྲིང་བྱེད་པའི་སྲིད་ཇུས་ཀྱི་གཙོ་གནད་དེ་ན་གཞོན་ཚན་རྩལ་ཤེས་ལྡན་མི་སྣའི་སྟེང་དུ་འཇོག་པ་དང་། ན་གཞོན་ཤེས་ལྡན་མི་སྣར་ཡིད་ཆེས་སྔར་ལས་མང་བ་དང་། རོགས་རམ་སྔར་ལས་ལེགས་པ། རྒྱབ་སྐྱོར་སྔར་ལས་ནུས་ལྡན་བཅས་བྱས་ཏེ། ན་གཞོན་ཤེས་ལྡན་མི་སྣས་གཙོ་འགན་འཁུར་བ་དང་གཙོ་འཁྲབ་བྱེད་པར་རྒྱབ་སྐྱོར་བྱེད་དགོས། རིགས་ཁག་གི་ཤེས་ལྡན་མི་སྣ་གསོ་སྐྱོང་དང་ནང་འདྲེན་ལ་རྒྱབ་སྐྱོར་བྱེད་པའི་འཆར་གཞི་ན་གཞོན་ཤེས་ལྡན་མི་སྣར་ཕྱོགས་པ་དང་། རྒྱབ་སྐྱོར་བྱེད་ཁྱོན་ཆེ་རུ་གཏོང་བ། རྒྱབ་སྐྱོར་བྱེད་སྟངས་ལེགས་སུ་གཏོང་བ་བཅས་བྱེད་དགོས། ན་གཞོན་ཚན་རྩལ་ཤེས་ལྡན་མི་སྣའི་མདུན་དུ་ལྷགས་པའི་དཀའ་ངལ་དངོས་ཐག་གཅོད་བྱེད་པར་མཐོང་ཆེན་བྱས་ཏེ། ན་གཞོན་ཚན་རྩལ་ཤེས་ལྡན་མི་སྣ་ལུས་བདེ་སེམས་སྐྱིད་ངང་ལས་ལ་བརྩོན་ཐུབ་པ་བྱེད་དགོས། ཕུལ་བྱུང་གི་ན་གཞོན་ཤེས་ལྡན་མི་སྣའི་ཕྲེང་འབྲེལ་ཡོངས་ཀྱི་གསོ་སྐྱོང་ལམ་ལུགས་འཐུས་ཚང་དུ་གཏོང་བ་དང་། མཐོ་རིམ་སློབ་གྲྭའི་ཕུལ་བྱུང་མཐར་ཕྱིན་སློབ་མའི་རྒྱུན་མཐུད་གསོ་སྐྱོང་འཆར་གཞི་སྒྲིག་འཛུགས་དང་ལག་བསྟར་བྱེད་པ། མཐོ་རིམ་སློབ་གྲྭ་དང་། ཚན་རིག་ཞིབ་འཇུག་ཁང་། ཁེ་ལས་བཅས་ནས་ཆུ་ཚད་མཐོ་བའི་མཛུབ་སྟོན་དགེ་རྒན་འདེམས་སྒྲུག་བྱས་ཏེ། མཐོ་རིམ་ཤེས་ལྡན་མི་སྣ་གསོ་སྐྱོང་གི་ལས་འགན་སྤྲོད་དགོས།