«སྐྱེ་ཁམས་ཁོར་ཡུག་སྲུང་སྐྱོབ་བྱེད་པ་ནི་ཐོན་སྐྱེད་ནུས་ཤུགས་སྲུང་སྐྱོབ་བྱེད་པ་རང་ཡིན་ལ། སྐྱེ་ཁམས་ཁོར་ཡུག་ལེགས་བཅོས་བྱེད་པ་ནི་ཐོན་སྐྱེད་ནུས་ཤུགས་འཕེལ་རྒྱས་གཏོང་བ་རང་ཡིན།»

       རི་སྔོན་ཆུ་དྭངས་དང་གསེར་རི་དངུལ་རི་ནི་འགལ་བ་ལྟག་སྤྲོད་ཞིག་གཏན་ནས་མིན་པར། དེའི་གནད་འགག་ནི་མི་དང་བསམ་ཕྱོགས་ལ་ཐུག་ཡོད། ཅིའི་ཕྱིར་རི་སྔོན་ཆུ་དྭངས་ནི་གསེར་རི་དངུལ་རི་ཡིན་ཞེ་ན། “ཉ་ནི་རྩྭ་ཆུ་གང་བཟང་ཡུལ་དུ་སྡོད། བྱ་ནི་ཤིང་བཟང་ཀུན་ཏུ་གནས་ཚང་བཟོ།”ཞེས་པ་ལྟར། གལ་སྲིད་ཕྱོགས་གཞན་དག་གི་ཆ་རྐྱེན་ཡོངས་སུ་འཛོམས་ཚེ་རི་སྔོན་ཆུ་དྭངས་ཀྱི་ས་ཆར་དངུལ་འཇོག་དང་། བྱ་གཞག་གོང་སྤེལ། ལས་དོན་སྒྲུབ་པ། འཚོ་བ་རོལ་བ། ཡུལ་སྐོར་བཅས་བྱེད་པར་ཡོང་མི་འདོད་མཁན་སུ་ཞིག་ཡོད། དོན་སྙིང་འདིའི་ཐོག་ནས་བཤད་ན། རི་སྔོན་ཆུ་དྭངས་ནི་རང་བྱུང་གི་རྒྱུ་ནོར་ཡིན་ལ། སྤྱི་ཚོགས་ཀྱི་རྒྱུ་ནོར་དང་དཔལ་འབྱོར་གྱི་རྒྱུ་ནོར་ཡང་ཡིན།