«ཕྱོགས་ཡོངས་ནས་བསྒྱུར་བཅོས་ཟབ་སྤེལ་བྱ་རྒྱུའི་གནད་དོན་གལ་ཆེན་འགའ་ཞིག་སྐོར་གྱི་ཀྲུང་གུང་ཀྲུང་དབྱང་གི་ཆོད་དོན་སྐོར་གྱི་གསལ་བཤད།»

       མིག་སྔར་རང་རྒྱལ་གྱི་མདུན་དུ་ཕྱི་རུ་རྒྱལ་ཁབ་ཀྱི་བདག་དབང་དང་། བདེ་འཇགས། འཕེལ་རྒྱས་ཀྱི་ཁེ་ཕན་བཅས་སྲུང་སྐྱོང་བྱེད་པ་དང་། ནང་དུ་ཆབ་སྲིད་ཀྱི་བདེ་འཇགས་དང་སྤྱི་ཚོགས་ཀྱི་བརྟན་བརླིང་སྲུང་སྐྱོང་བྱེད་པའི་གནོན་ཤུགས་ཉིས་བརྩེགས་ལྷགས་ཡོད་པ་དང་། སྔོན་དཔག་ཐུབ་པ་དང་སྔོན་དཔག་མི་ཐུབ་པའི་ཉམས་ལེན་གྱི་རྒྱུ་རྐྱེན་སྣ་ཚོགས་མངོན་གསལ་གྱིས་མང་དུ་འགྲོ་བཞིན་ཡོད། འོན་ཀྱང་ང་ཚོའི་བདེ་འཇགས་ལས་ཀའི་སྒྲིག་སྲོལ་དང་ལམ་སྲོལ་དེ་རྒྱལ་ཁབ་བདེ་འཇགས་སྲུང་སྐྱོང་བྱེད་པའི་དགོས་མཁོ་དང་འཕྲོད་མི་ཐུབ་པར་བརྟེན། ལས་སྟེགས་སྟོབས་ལྡན་ཞིག་བཙུགས་ནས་རྒྱལ་ཁབ་བདེ་འཇགས་ལས་དོན་ལ་གཅིག་འགྱུར་འཆར་འགོད་བྱེད་དགོས། རྒྱལ་ཁབ་བདེ་འཇགས་ཨུ་ཡོན་ལྷན་ཁང་བཙུགས་ཏེ་རྒྱལ་ཁབ་བདེ་འཇགས་ལས་དོན་ལ་གཅིག་སྡུད་གཅིག་གྱུར་གྱི་འགོ་ཁྲིད་བྱེད་ཤུགས་ཆེ་རུ་གཏོང་རྒྱུ་ནི་དགོས་གཏུགས་ཆེ་བར་གྱུར་ཡོད།