«ཀྲུང་དབྱང་དམག་ཨུའི་ཏང་འཛུགས་སྐྲུན་གྲོས་ཚོགས་ཐོག་གནང་བའི་གསུང་བཤད།(གནད་བསྡུས།)»

       ཏང་ཨུའི་གཅིག་གྱུར་གྱི་ཐུན་མོང་འགོ་ཁྲིད་འོག་གི་གཙོ་འཛིན་གྱི་ལས་བགོས་འགན་འཁུར་ལམ་ལུགས་ནི་ང་ཚོའི་ཏང་གིས་དམག་དཔུང་ཚོད་འཛིན་བྱེད་པར་འགན་ལེན་བྱེད་པའི་ལམ་ལུགས་གལ་ཆེན་ཡིན། རང་དམག་གི་ལས་དོན་ཡོད་ཚད་ངེས་པར་དུ་ཏང་ཨུའི་གཅིག་གྱུར་གྱི་འགོ་ཁྲིད་འོག་བསྒྲུབ་དགོས་པ་དང་། གནད་དོན་གལ་ཆེན་ཡོད་ཚད་ངེས་པར་དུ་ཏང་ཨུས་ཞིབ་འཇུག་བྱས་ནས་ཐག་གཅོད་བྱེད་དགོས་པ་ལས། མི་སྒེར་གྱི་ཁ་ཐོག་ལ་འཇོག་པ་དང་། མི་ཉུང་ཤས་ཀྱི་ཁ་ཐོག་ལ་འཇོག་པ་གཏན་ནས་བྱེད་མི་ཆོག །ཏང་ཨུའི་ཐུན་མོང་འགོ་ཁྲིད་དང་གཙོ་འཛིན་གྱི་ལས་བགོས་འགན་འཁུར་གྱི་འབྲེལ་བ་ཐག་གཅོད་ཡག་པོ་བྱས་ཏེ། རྒྱུན་ལས་ཨུ་ཡོན་ལྷན་ཁང་དང་གཙོ་འཛིན་གྱི་གཞུང་ལས་ཚོགས་འདུའི་དོན་གྲོས་ཇུས་གཅོད་ལམ་སྲོལ་འཐུས་ཚང་དུ་གཏོང་བ་དང་། དོན་གྲོས་མཐུན་སྦྱོར་སྒྲིག་གཞི་སྣ་ཚོགས་ཀྱི་འགན་འཁྲི་ཚད་ལྡན་དུ་གཏོང་དགོས་པ་ལས། དབང་ཚད་ལས་བརྒལ་ཏེ་དོན་གྲོས་དང་དོན་ཐག་གཅོད་པ་བྱེད་མི་རུང་ལ། “ཁྱིམ་བདག་ལམ་ལུགས”དང“བརྒྱ་ཁ་གཅིག་གཅོད”བྱེད་མི་རུང་།