«མིའི་རིགས་ཀྱི་ལས་དབང་གཅིག་མཐུན་ཚོགས་པ་མཉམ་དུ་འཛུགས་དགོས།»

       འདུ་ཤེས་ཀྱིས་བྱ་སྤྱོད་ལ་ཁྲིད་སྟོན་བྱེད་པ་དང་། ཁ་ཕྱོགས་ཀྱིས་འགྲོ་ལམ་ཐག་གཅོད་བྱེད། ཉེ་རབས་ཚུན་གྱི་ལོ་རྒྱས་ལ་ཕྱིར་མིག་བལྟས་ཚེ། དྲང་སྙོམས་ལུགས་མཐུན་གྱི་རྒྱལ་སྤྱིའི་སྒྲིག་ལམ་འཛུགས་རྒྱུ་ནི་མིའི་རིགས་ཀྱིས་བརྩོན་པས་དོན་གཉེར་བྱེད་པའི་དམིགས་འབེན་ཡིན། ལོ་ངོ༣༦༠ལྷག་སྔོན་གྱི་ཝེ་སི་ཐེ་ཧྥ་ལི་ཡ་ཞི་ཆིངས་ནང་གཏན་ལ་ཕབ་པའི་འདྲ་མཉམ་དང་བདག་དབང་གི་རྩ་དོན་ནས། ལོ་ངོ༡༥༠ལྷག་སྔོན་དུ་ཇེ་ནེ་ཧའི་སྤྱི་ཆིངས་ནང་གཏན་ལ་ཕབ་པའི་རྒྱལ་སྤྱིའི་མི་ཆོས་རིང་ལུགས་ཀྱི་སྙིང་སྟོབས་བར་དང་། ཡང་ལོ་ངོ༧༠ལྷག་སྔོན་གྱི་མཉམ་འབྲེལ་རྒྱལ་ཚོགས་ཀྱི་རྩ་འཛིན་ནང་གསལ་པོར་བཀོད་པའི་དགོངས་དོན་བཞི་དང་རྩ་དོན་བདུན་ནས། ལོ་ངོ༦༠ལྷག་སྔོན་གྱི་ཝན་ལུང་གྲོས་ཚོགས་ནས་བཏོན་པའི་ཞི་བདེ་མཉམ་གནས་ཀྱི་རྩ་དོན་ལྔའི་བར་དུ། རྒྱལ་སྤྱིའི་འབྲེལ་བའི་འཕོ་འགྱུར་ཐད་ལ་ཀུན་གྱིས་ཁས་ལེན་པའི་རྩ་དོན་རབ་དང་རིམ་པ་ཞིག་གསོག་འཇོག་བྱས་ཡོད། རྩ་དོན་འདི་དག་མིའི་རིགས་ཀྱི་ལས་དབང་གཅིག་མཐུན་ཚོགས་པ་འཛུགས་པའི་གཞི་རྩའི་བསྲུང་བྱར་ཆགས་འོས་པ་རེད།