«ཕྱོགས་མང་རིང་ལུགས་ཀྱི་དཔལ་འབར་གྱིས་མིའི་རིགས་མདུན་སྐྱོད་ཀྱི་འགྲོ་ལམ་ལ་འོད་སྣང་སྦྱིན་དགོས།»

       ང་ཚོས་རྒྱལ་སྤྱིའི་ཁྲིམས་སྐྱོང་ལག་ལེན་ནན་ཏན་བསྟར་ནས་བློ་བརྟན་འགྱུར་མེད་ངང་མཉམ་འབྲེལ་རྒྱལ་ཚོགས་སྲོག་ཤིང་དུ་གྱུར་པའི་རྒྱལ་སྤྱིའི་མ་ལག་དང་རྒྱལ་སྤྱིའི་བཅའ་ཁྲིམས་རྨང་གཞིར་གྱུར་པའི་རྒྱལ་སྤྱིའི་སྒྲིག་ལམ་སྲུང་སྐྱོང་བྱེད་དགོས། ཕྱོགས་མང་སྒྲིག་གཞི་ནི་ཕྱོགས་མང་རིང་ལུགས་ལག་ལེན་བསྟར་བའི་ལས་སྟེགས་ཡིན་ལ། ཕྱོགས་མང་རིང་ལུགས་སྲུང་སྐྱོང་བྱེད་པའི་གཞི་རྩའི་སྒྲོམ་གཞི་ཡང་ཡིན་པས་དེའི་དབང་ཟིལ་རང་བཞིན་དང་རྩིས་འགྲོ་རང་བཞིན་སྲུང་སྐྱོང་བྱེད་དགོས་པ་ཞིག་རེད། ལམ་ལུགས་དང་སྒྲིག་སྲོལ་ལ་བརྟེན་ནས་རྒྱལ་ཁབ་ཁག་གི་འབྲེལ་བ་མཐུན་སྦྱོར་དང་ཚད་ལྡན་དུ་གཏོང་རྒྱུ་རྒྱུན་འཁྱོངས་བྱེད་དགོས་པ་ལས། བཙན་པོས་གཉོམ་ཆུང་ལ་བརྙས་བཅོས་བྱེད་པར་ངོ་རྒོལ་བྱེད་དགོས་པ་དང་། མི་སུ་ཞིག་གི་དཔུང་པ་སྦོམ་པ་དང་ཁུ་ཚུར་ཆེན་པོ་ཡོད་ན་དེས་ཐག་གིས་གཅོད་པར་ཆ་འཇོག་བྱེད་མི་རུང་ལ། ཕྱོགས་མང་རིང་ལུགས་ལ་ཁ་གཡར་ནས་ཕྱོགས་རྐྱང་རིང་ལུགས་ལག་བསྟར་ཡང་བྱེད་མི་རུང་། རྩ་དོན་རྒྱུན་འཁྱོངས་བྱེད་དགོས། གལ་ཏེ་སྒྲིག་སྲོལ་གཏན་འཁེལ་བྱས་ཟིན་པ་ཡིན་ན་ཚང་མས་བརྩི་སྲུང་དོན་ལྡན་ཞུ་དགོས། གདམ་ག་ཡོད་པའི་ཕྱོགས་མང་རིང་ལུགས་ནི་ང་ཚོའི་གདམ་གར་འགྱུར་མི་འོས།