«རྒྱལ་ཡོངས་ཏང་གི་སློབ་གྲྭའི་ལས་དོན་གྲོས་ཚོགས་ཐོག་གནང་བའི་གསུང་བཤད།»

       ང་ཚོས་བྱ་གཞག་སྒྲུབ་དགོས་ན་རྩ་བ་དང་སྲོལ་རྒྱུན་དང་ཐོག་མའི་བསམ་འདུན་བརྗེད་མི་ཉན། ང་ཚོ་གུང་ཁྲན་ཏང་མིའི་རྩ་བ་ནི་མར་ཁེ་སིའི་རིང་ལུགས་ལ་དད་མོས་བྱེད་དགོས་པ་དང་། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་དང་གུང་ཁྲན་རིང་ལུགས་ལ་དད་སེམས་འཆང་དགོས་པ། ཏང་དང་མི་དམངས་ལ་ལྷག་བསམ་རྣམ་དག་འཆང་དགོས་པ་བཅས་ཡིན། ང་ཚོས་སྲ་བརྟན་གཏོང་དགོས་པའི་རྩ་བ་ནི་དད་མོས་དེ་ཉིད་རྒྱུན་འཁྱོངས་དང་། དད་སེམས་དེ་ཉིད་ཆེར་སྐྱེད། ལྷག་བསམ་དེ་ཉིད་བརྟན་འཛིན་བཅས་བྱ་རྒྱུ་དེ་ཡིན། འཛམ་གླིང་སྤྱི་ཚོགས་རིང་ལུགས་ཀྱི་ཀྱག་ཀྱོག་ལྡན་པའི་ལག་ལེན་ལོ་རྒྱུས་ཀྱི་བརྒྱུད་རིམ་ལས་ང་ཚོར་གསལ་བཤད་བྱས་དོན། མར་ཁེ་སིའི་རིང་ལུགས་ཀྱི་སྲིད་ཏང་གིས་མར་ཁེ་སིའི་རིང་ལུགས་ཀྱི་དད་མོས་དོར་བ་དང་། སྤྱི་ཚོགས་རིང་ལུགས་དང་གུང་ཁྲན་རིང་ལུགས་ཀྱི་དད་སེམས་དོར་ཚེ་སྲན་ཕུང་གཏོར་བ་ལྟར་ཐོར་འགྲོ་ངེས་རེད།