«ཐོག་མའི་བསམ་འདུན་མི་བརྗེད་པར། འགན་འཁྲི་ཡིད་ལ་བརྟན་པོར་འཆང་བ།»

       ངས་རྟག་པར་ཏང་ཡོན་དང་ལས་བྱེད་པས་རྒྱན་དུ་ཏང་གི་སྒྲིག་ཡིག་དང་རང་ཉིད་ཀྱི་ཏང་ཞུགས་དམ་བཅའ། གསར་བརྗེའི་སྔོན་གཤེགས་དཔའ་བོའི་ནང་མིར་བསྐུར་པའི་འཕྲིན་ཡིག་སོགས་བསྐྱར་སྦྱོང་བྱེད་དགོས་ཞེས་ཤོད་ཀྱིན་ཡོད། ཏང་གི་སྒྲིག་ཡིག་དེ་སྔས་འགྲམ་དུ་བཞག་སྟེ་རྒྱུན་དུ་ཚད་སྡུར་དང་ཞིབ་བཤེར་བྱས་ནས་རང་ཉིད་ཀྱིས་སྒྲིག་ཡིག་གི་ནང་དོན་དོན་འཁྱོལ་ཐུབ་ཡོད་མེད་དང་། རང་ཉིད་ལ་ཐོག་མའི་བསམ་འདུན་དང་འགལ་བའི་བྱ་སྤྱོད་ཡོད་མེད་བརྟག་དགོས། ནང་སེམས་ལ་རྒྱུན་དུ་གཙང་སྦྲ་བྱེད་པ་དང་རང་ཉིད་ལ་ལྟ་བྱེད་ཀྱི་མེ་ལོང་རྒྱུན་དུ་གཙང་མར་ཕྱིས་དགོས། རིམ་པ་ཁག་གི་ཏང་རྩ་འཛུགས་དང་རྒྱ་ཆེའི་ཏང་ཡོན་དང་ལས་བྱེད་པ་རྣམས་ལ་སློབ་གསོ་དང་ཁྲིད་སྟོན་བྱས་ཏེ་ནམ་རྒྱུན་རང་ཉིད་ཀྱི་བསམ་བློ་ཆབ་སྲིད་ལ་བརྟག་དཔྱད་བྱེད་པ་དང་། ཏང་ཀྲུང་དབྱང་གི་བླང་བྱ་དང་མཐུན་མིན་བསྡུར་བ། ཏང་གི་སྒྲིག་ཡིག་དང་ཏང་གི་སྒྲིག་སྲོལ་བརྩིས་ཡོད་མེད་བརྟག་པ། མི་དམངས་མང་ཚོགས་ཀྱི་རེ་སྒུག་གསར་པ་སྐོང་ཐུབ་ཡོད་མེད་ལྟ་བ། སྔོན་གཤེགས་དཔའ་བོ་དང་སྔོན་ཐོན་དཔེ་བཟང་རྣམས་ལ་མིག་ལྟོས་བྱེད་པ་བཅས་ཀྱི་ཐོག་ནས་ཐོག་མའི་བསམ་འདུན་ཡིད་ལ་ངེས་ཤིང་བརྟན་པོར་སྲུང་བ་དང་། འགན་འཁྲི་བརྟན་སྲུང་དང་འགན་འཁྲི་འཁུར་ལེན་བྱས་ནས་ཐོག་མཐའ་བར་གསུམ་དུ་ཐོག་མའི་བསམ་འདུན་བྲག་བཞིན་བརྟན་པ་དང་འགན་འཁྲི་ཕྲག་ཏུ་འཁུར་ཐུབ་དགོས། ཏང་གི་གསར་གཏོད་བྱས་པའི་རིགས་པའི་གཞུང་ལུགས་ཀྱིས་ཐོག་མའི་བསམ་འདུན་གསོ་སྐྱོང་དང་འགན་འཁྲིར་སྣེ་ཁྲིད་བྱེད་པ་དང་། ཏང་གི་སྤྱིར་བཏང་མིན་པའི་ལོ་རྒྱུས་ལས་ཐོག་མའི་བསམ་འདུན་འཚོལ་བ་དང་ལས་འགན་ལ་སྐུལ་ལྕག་གཏོང་བ། ཏང་ནང་ཁུལ་གྱི་ཆབ་སྲིད་འཚོ་བ་གཟབ་ནན་བྱེད་པའི་ཁྲོད་ཐོག་མའི་བསམ་འདུན་ཞུན་བརྡར་དང་འགན་འཁྲི་རྟོགས་པར་བྱེད་པ་བཅས་བྱས་ཏེ། ཐོག་མའི་བསམ་འདུན་དང་འགན་འཁྲི་དེ་བློ་རྩ་བརྟན་པོས་ཡར་རྒྱས་བརྩོན་ལེན་དང་གསར་གཏོད་སྲོལ་འབྱེད་བྱེད་པའི་སྙིང་སྟོབས་དང་། དཀའ་སྤྱད་འབད་བརྩོན་དང་དོན་དམ་སྒྲུབ་པའི་རྩ་བའི་སྒུལ་ཤུགས་སུ་སྒྱུར་དགོས།