«ཏང་འཛུགས་སྐྲུན་གྱི་ལས་གྲྭ་རླབས་པོ་ཆེ་གསར་པར་སྐུལ་འདེད་གཏོང་རྒྱུ་དཀྱུས་གཅིག་ཏུ་དོན་འཁྱོལ་བྱེད་དགོས།»

       མི་རྣམས་གོམས་ལོབས་སུ་གྱུར་བའི་སྤྱོད་ཚུལ་གྱི་གནད་དོན་ཁ་ཤས་ནི་རྒྱུན་པར་ཏང་ལ་སྤྱི་པའི་ཡིད་ཆེས་འཐོབ་ནུས་དང་ཏང་གི་སྣང་བརྙན་ལ་སྲོག་ཉེན་རང་བཞིན་གྱི་གཏོར་བརླག་ཐེབས་པའི་གནད་དོན་དུ་གྱུར་ཡོད། སྤྱོད་ཚུལ་གྱི་གནད་དོན་ནི་དོན་ཆུང་ཞིག་གཏན་ནས་མིན། གལ་ཏེ་སྲོལ་ངན་ཞིག་ཏུ་གྱུར་ན་གནོད་སྐྱོན་ཧ་ཅང་ཆེ། དཔེར་ན། ཏང་གི་ཚོགས་ཆེན་བཅོ་བརྒྱད་པ་མ་འཚོག་གོང་གི་དུས་སྐབས་ཤིག་གི་ནང་དུ་མགོ་ཁྲིད་ལས་བྱེད་པ་ཁ་ཤས་ཀྱི་ཁྲོད་དུ་བཟའ་བཏུང་གི་སྲོལ་ངན་ཆགས་ཡོད་པ་དང་། མི་སེར་རྣམས་དེར་བསམ་འཆར་ཧ་ཅང་ཆེན་པོ་ཡོད། གཏན་འབེབས་མི་ཉུང་བ་ཞིག་བཏོན་ནའང་དེས་དོ་དམ་བྱེད་མ་ཐུབ་ལ། དེའི་རྐྱེན་གྱིས་མི་མི་ཉུང་བ་ཞིག་ཡིད་ཆེས་མེད་པར་གྱུར་པ་རེད། ཏང་གི་ཚོགས་ཆེན་བཅོ་བརྒྱད་པ་འཚོགས་རྗེས་ང་ཚོས་སེམས་ཐག་གཙང་བཅད་ཀྱིས་དག་ཐེར་བཅོས་སྐྱོང་བྱས་པས་ད་ལྟ་དོ་དམ་བྱེད་ཐུབ་པ་བྱུང་ལ། མི་དམངས་མང་ཚོགས་ཀྱིས་ཐལ་མོ་བརྡབས་ནས་བསྔགས་བརྗོད་བྱེད་ཀྱི་ཡོད། ང་ཚོས་མགོ་ཁྲིད་ལས་བྱེད་པ་ཁ་ཤས་ཀྱི་ཁ་ལ་བདག་པོ་བརྒྱབ་པས། མི་དམངས་མང་ཚོགས་བགྲང་ལས་འདས་པའི་ཡིད་ཆེས་ཐོབ་པ་རེད། དེ་ནི་འཇུག་སྒོ་ཆུང་ནའང་ཕན་འབྲས་ཆེན་པོ་རེད།