«གཏན་འབེབས་དོན་ཚན་བརྒྱད་ནི་སྤྱོད་ཚུལ་ལེགས་བཅོས་བྱེད་པའི་འཇུག་སྒོ་དང་སྐུལ་སློང་གི་བཀའ་བརྡ་ཡིན»

       རྒྱ་ཆེ་བའི་ལས་བྱེད་དང་མང་ཚོགས་ཀྱིས་བཟའ་བཏུང་གི་ཆུད་ཟོས་སོགས་ཆུད་ཟོས་གཏོང་རིགས་སྣ་ཚོགས་དང་། ལྷག་པར་དུ་གཞུང་དངུལ་སྤྱད་དེ་ཆུད་ཟོས་གཏོང་བའི་བྱ་སྤྱོད་ལ་བསམ་འཆར་ཧ་ཅང་ཆེན་པོ་འདོན་གྱི་ཡོད། “བརྩོན་བསྲི་ལྡན་ན་སྤྱོད་པ་འཆུན། རང་འདོམས་ཅན་གྱིས་དོན་ཀུན་འགྲུབ། རྒྱས་སྤྲོས་བྱས་ན་ལང་ཤོར་འགྲོ། ལང་ཤོར་ཅན་ལ་ངན་དགུ་འཁོར།” བརྩོན་བསྲི་བྱེད་པ་ནི་ང་ཚོའི་ཕ་ནོར་ཡིན་པས་ག་དུས་ཡིན་ཡང་འདོར་མི་རུང་། ཀྲུང་ཧྭ་མི་རིགས་ཀྱི་གྲོན་ཆུང་བསྲི་ཚགས་ལ་དགའ་བའི་ཕུལ་བྱུང་སྲོལ་རྒྱུན་དར་སྤེལ་ཤུགས་ཆེན་དང་། གྲོན་ཆུང་བྱེད་ན་གཟི་བརྗིད་ཡིན་པ་དང་ཆུད་ཟོས་བྱེད་ན་ངོ་ཚ་ཡིན་པའི་བསམ་བློའི་འདུ་ཤེས་དྲིལ་བསྒྲགས་ཤུགས་ཆེན་བྱས་ཏེ། གྲོན་ཆུང་ལྷུར་ལེན་དང་ཆུད་ཟོས་ལ་ངོ་རྒོལ་བྱེད་པ་དེ་སྤྱི་ཚོགས་ཡོངས་སུ་དར་ཁྱབ་ཧུར་ཐག་གཏོང་དགོས། རིམ་པ་ཁག་གི་ཏང་སྲིད་དམག་གསུམ་ལས་ཁུངས་དང་དོན་ལས་སྡེ་ཚན། མི་དམངས་ཚོགས་པ་ཁག་དང་རྒྱལ་དབང་ཁེ་ལས་ཁག རིམ་པ་ཁག་གི་མགོ་ཁྲིད་ལས་བྱེད་པ་བཅས་ཚང་མས་སྣེ་འདོན་མིག་དཔེ་བྱས་ཏེ། གཞུང་དོན་སྣེ་ལེན་གྱི་ལམ་ལུགས་ལག་བསྟར་ནན་ཏན་དང་། གྲོན་ཆུང་བྱེད་ཐབས་ཁག་ཚང་མ་དོན་འཁྱོལ་ནན་ཏན་བྱས་ཏེ། གཞུང་དངུལ་སྤྱད་དེ་ཆུད་ཟོས་གཏོང་བའི་སྣང་ཚུལ་མཐའ་གཅིག་ཏུ་གཏན་འགོག་བྱེད་དགོས། ལྟ་སྐུལ་ཞིབ་བཤེར་ལ་ཤུགས་རྒྱག་པ་དང་། གྲོན་ཆུང་ལ་བསྔགས་སྐུལ། ཆུད་ཟོས་བཅོས་སྐྱོང་བཅས་བྱེད་དགོས།