«གཏན་འབེབས་དོན་ཚན་བརྒྱད་ནི་སྤྱོད་ཚུལ་ལེགས་བཅོས་བྱེད་པའི་འཇུག་སྒོ་དང་སྐུལ་སློང་གི་བཀའ་བརྡ་ཡིན»

       ས་གནས་ཁག་དང་སྡེ་ཚན་ཁག་གིས་བྱ་བའི་སྤྱོད་ཚུལ་ལེགས་བཅོས་གཏོང་བའི་འབྲེལ་ཡོད་གཏན་འབེབས་ཁག་ཇི་མ་ཇི་བཞིན་དུ་ལག་བསྟར་བྱས་ཏེ། བྱ་བ་རེ་རེ་དང་ལྷུ་ཚིགས་རེ་རེའི་ཁྲོད་དུ་བླང་བྱ་དོན་འཁྱོལ་བྱེད་དགོས། གོང་རིམ་ལས་ཁུངས་ཀྱིས་མགོ་ཁྲིད་པ་དང་དོ་དམ་གྱི་འགན་འཁྲི་ཏན་ཏིག་ཁུར་ཏེ། འོག་རིམ་ལས་ཁུངས་ཀྱིས་གཏན་འབེབས་དང་མི་མཐུན་པའི་བྱ་སྤྱོད་དང་སྣང་ཚུལ་ལ་དག་ཐེར་ལེགས་བཅོས་དང་ཡོ་བསྲང་ནན་པོ་བྱེད་འགན་དཀྲི་དགོས། རིམ་པ་ཁག་གི་ཏང་ཨུ་དང་སྲིད་གཞུང་གིས་བླང་བྱ་དང་འགན་འཁྲི་ཁག་རྒྱུན་ལྡན་གྱི་བྱ་བའི་ནང་དོན་འཁྱོལ་བྱས་ཏེ། ལོ་རེར་མངོན་གསལ་དོད་པའི་གནད་དོན་འགའ་རེ་ཤུགས་བརྒྱབ་ནས་ཐག་གཅོད་བྱེད་དགོས། སྤྱོད་ཚུལ་ལེགས་བཅོས་བྱུང་ཡོད་མེད་དེ་མི་དམངས་ཀྱི་བློར་འབབ་མིན་ཚད་གཞིར་འཛིན་དགོས། མང་ཚོགས་ཀྱི་བསམ་འཆར་དང་གྲོས་འགོར་རྒྱ་ཁྱབ་ཏུ་ཉན་དགོས་པ་དང་། མང་ཚོགས་ཀྱི་དཔྱད་ཞིབ་དང་སྤྱི་ཚོགས་ཀྱི་ལྟ་སྐུལ་རང་རྟོགས་ཀྱིས་དང་ལེན་བྱེད་དགོས། མང་ཚོགས་ཀྱི་བློར་མི་འབབ་ས་གང་ཡོད་དུས་ཐོག་ཏུ་དག་ཐེར་དང་ཡོ་བསྲང་བྱེད་དགོས།