«ལམ་ཆས་བསྒྲིལ་ནས་ཡང་བསྐྱར་རྡོག་ཐོན་བྱེད་ལ་ནམ་ཡང་ལམ་ན་ཡོད་པའི་སྙིང་རུས་བསྐྱེད་དེ་ཕྱོགས་ཡོངས་ནས་ཏང་ནན་སྐྱོང་བྱ་རྒྱུ་དེ་གཏིང་ཟབ་སར་སྤེལ་དགོས།»

       ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་སྙིང་རུས་ལྷོད་མེད་ཀྱིས་དོན་འཁྱོལ་བྱས་ཏེ་ཏང་དང་མི་དམངས་མང་ཚོགས་བར་གྱི་ཤ་ཁྲག་ལྟ་བུའི་འབྲེལ་བ་མཐའ་འཁྱོངས་བྱེད་དགོས། ཀྲུང་དབྱང་གི་གཏན་འབེབས་དོན་ཚན་བརྒྱད་ནི་ལོ5དང་ལོ10ཙམ་ལས་གོ་མི་ཆོད་པ་ཞིག་མིན་པར་དུས་ཡུན་རིང་པོར་རྒྱུན་འཁྱོངས་བྱེད་དགོས། སྙིང་རུས་དང་སེམས་ཤུགས་ལ་བརྟེན་ནས་རྟག་བརྟན་དང་རྒྱུན་རིང་། གཟབ་ནན་དང་བདེན་པ་བདེན་ཐུབ། གཏིང་ཟབ་དང་ཞིབ་ཚགས་བཅས་ཀྱི་ཐད་མུ་མཐུད་ནས་ཤུགས་རྒྱག་དགོས་ཤིང་། དོ་དམ་བྱས་ནས་གོམས་གཤིས་སུ་འཇགས་པ་དང་། དམ་འཛིན་བྱས་ནས་ཕན་ནུས་འཐོན་པ། དར་སྲོལ་དང་སྤྱོད་ལམ་ཆགས་པ་བཅས་བྱེད་དགོས། དུས་ཚོད་ཀྱི་མཚམས་ཚིགས་ལ་དམ་པོར་དམིགས་ནས་སྐྱིད་འདོད་རིང་ལུགས་དང་བག་མེད་ལོངས་སྤྱོད་ཀྱི་འཕེལ་ཕྱོགས་གསར་པ་དང་མཚོན་ཚུལ་གསར་པར་དོ་སྣང་བྱས་ཏེ། བསྐྱར་ལོག་འབྱུང་ཉེན་ཆེ་ས་བཙལ་ནས་བསྐྱར་ལོག་ཡོང་བ་བཀག་འགོག་མཐའ་གཅིག་ཏུ་བྱེད་དགོས། ཕྱི་ཚུལ་རིང་ལུགས་དང་དཔོན་ཉམས་རིང་ལུགས་ཡོ་བསྲང་བྱེད་པའི་འགན་འཁུར་པ་དང་པོས་སྤྱི་འགན་འཁུར་དགོས་ཤིང་། ཏང་ཀྲུང་དབྱང་གི་དགོངས་དོན་ལག་ལེན་བྱེད་སྐབས“ཤོད་དུས་གལ་གནད་ཆེ་བ་དང་། འབོད་དུས་སྐད་གསང་མཐོ་བ། སྒྲུབ་དུས་སྟོང་རྒྱུག་བྱེད་པ”བཅས་ཀྱི་རིགས་ཞིབ་བཤེར་ཐག་གཅོད་ནན་པོ་བྱེད་དགོས་པ་དང་། “སྐས་ཐོག་རྡོག་སྒྲ་གྲགས་ཀྱང་མི་མཐོང་རྒྱུ་མེད་པའི”བྱ་སྤྱོད་གཏན་ནས་འཐོན་མི་རུང་། བརྟག་དཔྱད་ཞིབ་འཇུག་གཏིང་ཟབ་བྱས་ནས་དཀའ་གནད་སེལ་བ་དང་། དོན་དངོས་དང་ཉེ་བཅར་དང་མང་ཚོགས་དང་ཉེ་བཅར་བྱེད་པའི་དངོས་དོན་སྒྲུབ་པའི་ཐབས་ཚུལ་ལ་བརྟེན་ནས་དོན་འཁྱོལ་དམ་འཛིན་བྱེད་པ། རིམ་པ་གོང་མས་འོག་མར་ལས་འགན་དཀྲིས་ནས་ལས་དོན་སྐུལ་འདེད་གཏོང་བ་བཅས་བྱས་ཏེ། ཏང་ཀྲུང་དབྱང་གི་ཐབས་ཇུས་བཀོད་སྒྲིག་དོན་འཁྱོལ་མཐར་ཕྱིན་ཡོང་རྒྱུ་འགན་ལེན་ཏན་ཏིག་བྱེད་དགོས། ས་ཁུལ་ཁག་དང་སྡེ་ཁག་སོ་སོས་ཀྲུང་དབྱང་གི་གཏན་འབེབས་དོན་ཚན་བརྒྱད་ལོ5ཡི་རིང་ལག་བསྟར་བྱས་པའི་ཕན་འབྲས་ཕྱོགས་བསྡོམས་དང་ལེགས་སྒྲིག་བྱེད་དགོས་པ་དང་། ས་ཁུལ་དེ་ག་དང་སྡེ་ཁག་དེ་ག སྡེ་ཚན་དེ་གའི་དོན་འཁྱོལ་ཐབས་ཚུལ་ལ་སླར་ཡང་བཟོ་བཅོས་བྱས་ཏེ། སྤྱི་ཚོགས་ལ་ཡོངས་བསྒྲགས་དང་མང་ཚོགས་ཀྱི་ལྟ་སྐུལ་དང་ལེན་ཞུ་དགོས།