«ཏང་འཛུགས་སྐྲུན་གྱི་ལས་གྲྭ་རླབས་པོ་ཆེ་གསར་པར་སྐུལ་འདེད་གཏོང་རྒྱུ་དཀྱུས་གཅིག་ཏུ་དོན་འཁྱོལ་བྱེད་དགོས།»

       ཁྱད་དབང་ནི་དྲང་སྙོམས་གཏན་ནས་མིན། ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། ཏང་ཀྲུང་དབྱང་གིས“སྤྱོད་ཚུལ་བཞི”ལ་ངོ་རྒོལ་དང་རུལ་སུངས་ལ་ངོ་རྒོལ་བྱས་པ་དང་། སྙིང་རུས་ལྷོད་མེད་ཀྱིས་སྤྱོད་ཚུལ་འཛུགས་སྐྲུན་དམ་འཛིན་བྱས་ཡོད་པ་དེ་ཚང་མ་ཁྱད་དབང་གི་བསམ་བློ་དང་ཁྱད་དབང་གི་སྣང་ཚུལ་དང་འཐབ་རྩོད་བྱས་པ་རེད། ཚང་མས་རང་རྟོགས་ངང་ཁྱད་དབང་གི་བསམ་བློ་དང་ཁྱད་དབང་གི་སྣང་ཚུལ་འདྲ་མིན་སྣ་ཚོགས་དང་འཐབ་རྩོད་བྱས་ཏེ། ལྟ་སྐུལ་དང་ཚོད་འཛིན་བྱེད་པའི་ཁོར་ཡུག་ཏུ་བྱ་བ་དང་འཚོ་བ་སྐྱེལ་བར་གོམས་དགོས། གངས་རི་བརྒལ་ནས་རྒྱང་སྐྱོད་བྱེད་པའི་ལམ་བར་དུ། བློ་མཐུན་ཞིག་གིས་གྱོན་ཆས་རྙིང་པ་སྲབ་པོ་གྱོན་ནས་འཁྱགས་ཤི་ཐེབས་པས་བཀོད་འདོམས་པས་དམག་མཁོའི་ཁྲུའུ་ཀྲང་མདུན་དུ་བོས་ཏེ། ཁོར་འཁྱགས་ཤི་ཐེབས་པའི་བློ་མཐུན་དེར་སྲིང་བལ་གྱོན་གོས་མི་སྤྲོད་དོན་ཅི་ཡིན་ཞེས་འདྲི་དགོས་བསམས་ཀྱང་། དཔུང་སྡེའི་ནང་གི་བློ་མཐུན་ཚོས་མིག་ཆུ་ཤོར་ནས་ཁོ་ལ་འཁྱགས་ཤི་ཐེབས་པའི་བློ་མཐུན་དེ་ནི་དམག་མཁོའི་ཁྲུའུ་ཀྲང་རེད་ཅེས་བཤད། ཆས་གོས་དོ་དམ་བྱེད་མཁན་གྱིས་རང་ཉིད་འཁྱགས་ནས་ཤི་བའི་ཚེ་ནའང་སྔོན་ལ་ལྭ་བ་དྲོན་པོ་རང་ལུས་སུ་གོན་མེད་ལ། འདི་ནི་ཇི་འདྲའི་བླ་ན་མེད་པའི་བསམ་བློའི་གོ་འཕང་ཞིག་རེད་ཨང་།