«ལམ་ཆས་བསྒྲིལ་ནས་ཡང་བསྐྱར་རྡོག་ཐོན་བྱེད་ལ་ནམ་ཡང་ལམ་ན་ཡོད་པའི་སྙིང་རུས་བསྐྱེད་དེ་ཕྱོགས་ཡོངས་ནས་ཏང་ནན་སྐྱོང་བྱ་རྒྱུ་དེ་གཏིང་ཟབ་སར་སྤེལ་དགོས།»

       གནའ་མིས“སེམས་ལ་བསམ་ངན་མེད་ན། ཕྱི་ལ་སྤྱོད་ངན་མི་ཡོང”ཟེར་བ་ལྟར། ཏང་གི་མགོ་ཁྲིད་ལས་བྱེད་པས་དེ་བས་ཀྱང་རྩ་འཛུགས་དང་མི་དམངས་ལ་རྒྱུན་དུ་དྲིན་གཟོ་དང་གུས་ཞུམ་གྱི་སེམས་པ་འཛིན་དགོས་པ་དང་། ཁེ་གྲགས་ལ་ཆོག་ཤེས་ཀྱི་བསམ་པ་དང་། ཟང་ཟིང་གི་ལོངས་སྤྱོད་དང་མི་སྒེར་གྱི་ཐོབ་ཐང་ལ་ཆོག་ཤེས་ཀྱི་བསམ་པ་འཛིན་དགོས། “ཆུ་ངོགས་ཀྱི་བསིལ་རླུང་དང་། རི་ཁུལ་གྱི་ཟླ་བ་ནི། རྣ་བས་ཉན་ན་སྙན་ཞིང་། མིག་གིས་མཐོང་ན་མཛེས་པ། དེ་ནི་བླངས་པས་རྫོགས་མཐའ་མེད་ལ། སྤྱད་པས་འཛད་མཐའ་མེད།”ཅེས་པའི་སུའུ་ཧྲི་ཡི་དུང་སེམས་འདི་ནི་ད་ལྟའི་མི་རྣམས་ལ་མཚོན་ན་དཀོན་པ་དང་རྩ་ཆེ་ཤོས་ཤིག་རེད། སྐྱེས་དུས་ཁྱེར་ནས་ཡོང་རྒྱུ་མེད། འཆི་དུས་ཁུར་ནས་འགྲོ་ས་མེད་ཅེས་པའི་གནས་ལུགས་འདི་ལ་བསམ་བློ་ཡག་པོ་འཁོར་ན། རང་དཔེ་གཞན་སྟོན་དང་གོང་དཔེ་འོག་སྟོན་བྱེད་ཐུབ་ངེས་ཡིན་ཞིང་། སྤྱོད་ལམ་གཙང་མས་གཞུང་སེམས་རྣམ་དག་གསོ་སྐྱོང་བྱེད་ཐུབ་པ་རེད།