«ཐོག་མའི་བསམ་འདུན་མི་བརྗེད་པར་འགན་འཁྲི་ཡིད་ལ་བརྟན་པོར་འཆང»

       “སྔོན་ལ་མིག་དཔེ་རང་གིས་མ་བསྟན་ན། །རྗེས་འབྲང་ཡིད་ཆེས་གཞན་གྱིས་བྱེད་རེ་སྐན། །”མགོ་ཁྲིད་ལས་ཁུངས་དང་མགོ་ཁྲིད་ལས་བྱེད་པས་སྣེ་ཁྲིད་བྱས་ཏེ་སྔོན་ལ་སྐྱོད་པ་དང་སྔོན་ལ་སྒྲུབ་པ་ནི་ང་ཚོའི་ཏང་རྒྱལ་ཁའི་ཕྱོགས་སུ་སྐྱོད་ཐུབ་པའི་གནད་འགག་ཡིན། གསར་བརྗེའི་དམག་འཁྲུག་གི་ལོ་རབས་སུ། “ངའི་རྗེས་སུ་འབྲངས་ཤོག”དང“ཕར་རྒོལ་བྱོས་ཤིག”ཅེས་པ་གཉིས་ཡིག་འབྲུ་ངོས་ནས་མང་ཉུང་གི་ཁྱད་པར་ཆེར་མེད་ཀྱང་ནང་དོན་ལ་གནམ་སའི་ཁྱད་པར་ཡོད། ཀྲུང་གོ་གསར་པ་དབུ་བརྙེས་རྗེས། ང་ཚོའི་ཏང་ལ་ཅའོ་ཡུས་ལུའུ་དང་། ཀུའུ་ཝུན་ཁྲང་། དབྱང་ཧྲན་ཀྲོའུ། ཀྲང་ཧྥུ་ཆིང་སོགས་ལྟ་བུའི་དཔའ་བོ་དང་དཔེ་བཟང་ཅན་འབོར་ཆེན་བྱོན་ནས་རང་དཔེ་གཞན་སྟོན་མཛད་པས། གཞི་ནས་མི་དམངས་མང་ཚོགས་ལ་མཐུན་སྒྲིལ་དང་སྣེ་ཁྲིད་བྱས་ཏེ་བྱ་གཞག་ཁག་འཕེལ་རྒྱས་འགྲོ་བའི་རྣམ་པ་གསར་པ་རྒྱུན་ཆད་མེད་པར་བཏོད་པ་རེད། མགོ་ཁྲིད་ལས་ཁུངས་དང་མགོ་ཁྲིད་ལས་བྱེད་པས་རང་ངོས་ཀྱི་འགན་འཁྲིར་ངོས་འཛིན་ཟབ་མོ་བྱས་ཏེ་དུས་དང་རྣམ་པ་ཀུན་ཏུ་ཉེན་ཟོན་མཐའ་འཁྱོངས་བྱེད་དགོས་པ་དང་། རྟག་ཏུ་ཚད་སྡུར་ཞིབ་བཤེར་དང་། ལྟ་ཞིབ་དབྱེ་ཞིབ། རང་སྐྱོན་རང་ཞིབ་བཅས་བྱེད་དགོས།