«ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དར་ཆ་རླབས་པོ་ཆེ་མཐོ་རུ་སྒྲེང་སྟེ། ཕྱོགས་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་འཛུགས་པར་མཐུན་སྒྲིལ་འབད་འཐབ་བྱེད་དགོས།»

       ཏང་གི་སྒྲིག་ཁྲིམས་འཛུགས་སྐྲུན་ལ་ཕྱོགས་ཡོངས་སུ་ཤུགས་སྣོན་པ་དང་། མགོ་ཁྲིད་ལས་བྱེད་པ་དང་ལྷག་པར་དུ་མཐོ་རིམ་ལས་བྱེད་པས་རང་གཅུན་ནན་མོ་དང་། རང་འགན་ནན་འཁུར། རང་ཁོངས་ནན་སྐྱོང་བྱེད་པར་སྐུལ་འདེད་བྱས་ཏེ། ཏང་གི་སྒྲིག་ཁྲིམས་དང་འགལ་བའི་གནད་དོན་ཡོད་ཚེ། གཅིག་བྱུང་ན་གཅིག་རྦད་དེ་ཐག་གཅོད་དགོས། ཏང་གཤིས་དང་། ཏང་སྲོལ། ཏང་གི་སྒྲིག་ཁྲིམས་བཅས་ལྷན་ཏུ་འཛིན་པ་རྒྱུན་འཁྱོངས་བྱས་ནས་བསམ་བློའི་ཐད་ནས་རྨང་བརྟན་ཟུངས་སྐྱེད་དང་། ཏང་གཤིས་ཀྱི་གོ་རྟོགས་མཐོ་རུ་འདེགས་པ། རུལ་འགོག་འགྱུར་ཟོན་གྱི་ནུས་པ་ཇེ་དྲག་ཏུ་བཏང་སྟེ། བཙན་ཕྱུག་སུས་ཀྱང་སླུ་མི་ཐུབ། །དབུལ་བོར་གྱུར་ཀྱང་བློ་མི་འགྱུར། །འཇིགས་ཟིལ་བསྟན་ཀྱང་མགོ་མི་སྒུར་ཞེས་པའི་སྒམ་བརླིང་གི་སྙིང་རུས་ཤིག་འཛོམས་དགོས།