«ཏང་འཛུགས་སྐྲུན་གྱི་ལས་གྲྭ་རླབས་པོ་ཆེ་གསར་པར་སྐུལ་འདེད་གཏོང་རྒྱུ་དཀྱུས་གཅིག་ཏུ་དོན་འཁྱོལ་བྱེད་དགོས»

       སྤྱོད་ཚུལ་འཛུགས་སྐྲུན་བྱེད་པ་ནི་དུས་ནམ་ཡང་བྱེད་བཞིན་པའི་ལམ་ན་ཡོད་པས་ངེས་པར་དུ་ནམ་འཛིན་ལྷོད་མེད་བྱེད་དགོས། རི་བོ་ཐའེ་ཧྲན་གྱི་རི་སྐེད་དུ“ལེ་དབར་གསུམ་གྱི་བདེ་ལམ”ཞིག་ཡོད་ཅིང་། མི་ཁ་ཤས་ཐང་ཆད་ཚེ་དེ་གར་ངལ་གསོ་བར་དགའ། ཡིན་ཡང་། རི་འཛེག་གླ་རྒྱག་པ་སྤྱིར་བཏང་དུ་དེ་རུ་ཡུན་རིང་དུ་སྡོད་ཀྱི་མེད་ལ། ངལ་གསོ་ཡུན་རིང་ན་རྐང་པ“སྒྱིད་ལུག་ཏུ་འགྱུར”འགྲོ་བས། མུ་མཐུད“རི་བོ་དུང་འཁྱིལ་བཅོ་བརྒྱད་མར”འགྲོ་རྒྱུ་དེ་བས་ཀྱང་ཁག་པོ་ཡོད། སྤྱོད་ཚུལ་འཛུགས་སྐྲུན་ཡང་དེ་བཞིན་ཡིན་ཏེ། འགག་རྩའི་དུས་སུ་ཇི་ལྟར་སླེབས་པ་ན་དེ་ལྟར་ལྷོད་གཡེང་སྤུ་ཙམ་ཡང་གཏོང་མི་རུང་། རྦབ་རྡོ་གྱེན་སྒྲིལ་ལྟ་བུའི་ངར་ཤུགས་དང་། ལ་བརྒལ་ཕྲང་སྒྲོལ་ལྟ་བུའི་བློ་སྤོབས་ལྡན་པ་དང་། ངེས་ཤུགས་སྲུང་འཛིན་དང་བཟོད་སྒོམ་སྤུ་ཙམ་མི་བྱེད་པ། དག་ཐེར་བཅོས་སྐྱོང་ཟབ་སྤེལ་དང་མཐིལ་མཐོང་ནུས་ཐོན་བཅས་བྱས་ན། གོམ་པ་རེ་རེ་བཞིན་སྲོལ་ངན་གཙང་སེལ་དང་དྭངས་གསལ་ལྷད་མེད་མངོན་འགྱུར་བྱེད་ཐུབ།