ལྕགས་ཕག་ལོའི་གསར་བརྗེ་ལངས་ནས་ལོ་ངོ༡༡༠འཁོར་བར་དྲན་གསོ་ཞུ་བའི་ཚོགས་ཆེན་ཐོག་གི་གསུང་བཤད།

       སྐུ་ཞབས་སུན་ཀྲུང་ཧྲན་གྱི་གསར་བརྗེའི་བྱ་གཞག་ལ་བློ་བརྟན་འགྱུར་མེད་ངང་རྒྱབ་སྐྱོར་བྱེད་མཁན་དང་། ལྷག་བསམ་རྣམ་དག་ངང་མཉམ་ལས་བྱེད་མཁན། ལྷག་བསམ་ཟོལ་མེད་ངང་རྒྱུན་འཛིན་བྱེད་མཁན་བཅས་ཡིན་པའི་ཀྲུང་གོ་གུང་ཁྲན་ཏང་མིས་སྐུ་ཞབས་སུན་ཀྲུང་ཧྲན་དང་ལྕགས་ཕག་ལོའི་གསར་བརྗེའི་སྔོན་བྱོན་པའི་ཕུགས་འདུན་རླབས་པོ་ཆེ་རྒྱུན་ཆད་མེད་པར་མངོན་འགྱུར་དང་འཕེལ་རྒྱས་བཏང་ཡོད། ཀྲུང་ཧྭ་དར་རྒྱས་གཏོང་བའི་སྐུ་ཞབས་སུན་ཀྲུང་ཧྲན་གྱི་ཕུགས་འདུན་ཟབ་མོ་དང་། ལྕགས་ཕག་ལོའི་གསར་བརྗེའི་སྔོན་བྱོན་པ་ཚོས་ཀྲུང་ཧྭ་མི་རིགས་འཕེལ་རྒྱས་ལ་བཅངས་པའི་རེ་སྨོན་བཟང་པོ། ཉེ་རབས་ནས་བཟུང་ཀྲུང་གོ་མི་དམངས་ཀྱིས་རྨི་ལམ་དུའང་ཐོབ་རེ་བྱེད་པ་དང་དེའི་དོན་དུ་འབད་འཐབ་བྱེད་པའི་ཕུགས་འདུན་རླབས་པོ་ཆེ་བཅས་མངོན་འགྱུར་བྱུང་བའམ་ཡང་ན་ད་ལྟ་མངོན་འགྱུར་བྱུང་བཞིན་ཡོད་པ་མ་ཟད། ཀྲུང་ཧྭ་མི་རིགས་ཡར་ལངས་པ་དང་ཕྱུག་པོ་ཆགས་པ་ནས་སྟོབས་ཆེན་དུ་གྱུར་པའི་བར་གྱི་འཕུར་མཆོང་རླབས་པོ་ཆེ་མངོན་འགྱུར་བྱུང་སྟེ། ཀྲུང་ཧྭ་མི་རིགས་བསྐྱར་དར་རླབས་པོ་ཆེ་ཡོང་བ་བྱ་རྒྱུ་དེ་འགོག་ཐབས་མེད་པའི་ལོ་རྒྱུས་ཀྱི་འཕེལ་རིམ་དུ་བསྐྱོད་ཡོད།