༢༠༢༠ལོའི་ཟླ༥ཚེས༡༡ཉིན་རྒྱལ་ཡོངས་ཀྱི་རྒྱ་ཆེའི་སྨན་གཡོག་ཚོར་དུས་ཆེན་གྱི་རྟེན་འབྲེལ་དང་འཚམས་འདྲི་གནང་སྐབས་ཀྱི་གསུང་བཤད།

       ནད་སྐྱོང་ལས་དོན་ནི་འཕྲོད་བསྟེན་དང་བདེ་ཐང་བྱ་གཞག་གི་གྲུབ་ཆ་གལ་ཆེན་ཞིག་རེད། རིམ་ཁག་ཏང་ཨུད་དང་སྲིད་གཞུང་གིས་རྒྱ་ཆེའི་སྨན་གཡོག་ཚོར་ཐུགས་ཁུར་དང་གཅེས་སྐྱོང་བྱེད་པ་དང་། སྨན་གཡོག་དཔུང་ཁག་འཛུགས་སྐྱོང་ལ་ཤུགས་སྣོན་རྒྱག་རྒྱུ་དེ་འཕྲོད་བསྟེན་དང་བདེ་ཐང་བྱ་གཞག་འཕེལ་རྒྱས་ཀྱི་རྨང་གཞིའི་ལས་དོན་གལ་ཆེན་ཞིག་ཏུ་བརྩིས་ནས་དམ་འཛིན་དང་། ལྕག་སྐུལ་གྱི་ལམ་སྲོལ་འཐུས་སྒོ་ཚང་དུ་གཏོང་བ། སྔོན་ཐོན་དཔེ་མཚོན་དྲིལ་བསྒྲགས་བཅས་བྱས་ཏེ། ཡུན་རིང་སྨན་གཡོག་གི་ལས་ཀ་བྱེད་མཁན་ཕུལ་བྱུང་སྨན་གཡོག་ཚོར་རྒྱབ་སྐྱོར་བྱེད་དགོས། སྤྱི་ཚོགས་ཡོངས་ཀྱིས་སྨན་གཡོག་ཚོར་བསམ་ཤེས་དང་རྒྱབ་སྐྱོར་བྱེད་དགོས་པ་དང་། རྒྱ་ཆེའི་སྨན་གཡོག་ཚོས་སྲོལ་རྒྱུན་བཟང་པོ་རྒྱུན་འཛིན་དང་། མི་ཆོས་རིང་ལུགས་ཀྱི་སྙིང་སྟོབས་དར་སྤེལ། ཡང་འབད་བསྐྱར་འབད། ལྷག་བསམ་ཟོལ་མེད་ཀྱིས་ལེགས་སྐྱེས་འབུལ་བ་བཅས་བྱས་ནས། བདེ་ཐང་གི་ཀྲུང་གོ་འཛུགས་སྐྲུན་དང་འཛམ་གླིང་གི་སྤྱི་པའི་འཕྲོད་བསྟེན་བདེ་འཇགས་སྲུང་སྐྱོང་བྱ་ཆེད། ལེགས་སྐྱེས་གསར་པ་རྒྱུན་ཆད་མེད་པར་འབུལ་རྒྱུའི་རེ་བ་ཡོད།