ཀྲུང་ནན་ཧའེ་རུ་པཎ་ཆེན་ཨེར་ཏེ་ནི་ཆོས་ཀྱི་རྒྱལ་པོའི་གུས་མཇལ་དང་ལེན་གནང་སྐབས་གནང་བའི་གསུང་བཤད།

       རེ་བར་པཎ་ཆེན་རིན་པོ་ཆེས་བོད་བརྒྱུད་ནང་བསྟན་གྱི་རྒྱལ་གཅེས་ཆོས་གཅེས་ཀྱི་གཟི་བརྗིད་སྲོལ་རྒྱུན་རྒྱུན་འཛིན་གནང་སྟེ། མེས་རྒྱལ་གཅིག་གྱུར་དང་མི་རིགས་མཐུན་སྒྲིལ་ལ་སྲུང་སྐྱོང་མཐའ་གཅིག་ཏུ་བྱེད་དགོས་ཤིང་། སློབ་གཉེར་ཐད་ཐོས་བསམ་ལ་རྩེ་གཅིག་ཏུ་གཞོལ་ནས། རྒྱུན་ཆད་མེད་པར་ཆོས་ལུགས་ཀྱི་ཐོས་བསམ་ཟབ་ཏུ་གཏོང་བ་དང་ཆོས་ལུགས་ཀྱི་རྟོགས་པ་མཐོ་རུ་གཏོང་བ། ཕྱོགས་གང་ཅིའི་ཐད་ཀྱི་ཤེས་བྱ་སློབ་སྦྱོང་བྱེད་པ་དང་ཁོང་དུ་ཆུད་པར་ཤུགས་སྣོན་རྒྱག་དགོས། ལས་ཀའི་ཐད་ཧུར་ཐག་འབད་ཐག་གིས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་ཟབ་ཏུ་གཏོང་བ་དང་། རང་རྒྱལ་གྱི་ཆོས་ལུགས་ཀྲུང་གོ་ཅན་ལ་གོ་རིམ་ལྡན་པའི་སྒོ་ནས་སྐུལ་འདེད་གཏོང་བ། བོད་ཀྱི་དེང་རབས་ཅན་འཛུགས་སྐྲུན་ལ་སྐུལ་འདེད་གཏོང་བ་བཅས་ཀྱི་ཐད་ནུས་པ་སྔར་ལས་ཆེ་བ་འདོན་དགོས། བློ་སྦྱོང་ཐད་བག་ཡོད་ཚུལ་ལྡན་དང་། ཁྲིམས་སྲུང་སྡོམ་སྲུང་ལ་སྣེ་ཁྲིད། ཕུལ་དུ་བྱུང་བའི་ཀུན་སྤྱོད་དང་བླ་ན་མེད་པའི་སྤྱོད་བཟང་རྒྱུད་ལ་འཇགས་པ་བཅས་བྱེད་དགོས།