ཀྲུང་གུང་ཀྲུང་དབྱང་ཆབ་སྲིད་ཅུས་བསྡུས་པའི་དམངས་གཙོ་འཚོ་བའི་ཚོགས་འདུའི་ཐོག་གནང་བའི་གསུང་བཤད།

       མགོ་ཁྲིད་ལས་བྱེད་པས་འགན་འཁྲི་འཁུར་ཕོད་པ་བྱས་ནས། གོ་གནས་གང་དུ་ཡོད་ན་སྲིད་དོན་དེ་སྒྲུབ་པ་དང་འགན་འཁྲི་དེ་འཁུར་བ་བྱས་ཏེ་འགན་འཁྲིའི་ཁྱབ་ཁོངས་ནང་རང་འགུལ་ངང་འགན་འཁྲི་ལྕི་མོ་འཁུར་བ་དང་དཀའ་མོ་འཁུར་དགོས། དཀའ་ངལ་འགལ་བ་དང་ཉེན་ཁ་བྱུར་རྐྱེན་ལ་ཡང་དག་པར་བལྟས་ཏེ། དཀའ་ངལ་ལ་མ་འཛེམ་པར་མདུན་དུ་སྐྱོད་པ་དང་འགག་སྒྲོལ་དཀའ་སེལ་བྱ་དགོས། ཏང་གཤིས་རྩ་དོན་རྒྱུན་འཁྱོངས་བྱས་ནས་ཡིན་མིན་གསལ་འབྱེད་དང་འཐབ་རྩོད་བྱེད་ཕོད་པ་བྱས་ཏེ་གནད་དོན་གལ་ཆེན་དང་རྩ་དོན་གྱི་གནད་དོན་ཐད་དར་ཆ་གསལ་སྟོན་བྱ་དགོས།