ཀྲུང་དབྱང་གི་གྲོང་གསེབ་ལས་དོན་ཚོགས་འདུའི་ཐོག་གི་གསུང་བཤད།

       རང་རྒྱལ་ལ་འོད་སྟོང་འཕྲོ་བའི་ལོ་རྒྱུས་ཡུན་རིང་ལྡན་པའི་སོ་ནམ་རིག་གནས་ཡོད་པས། ངེས་པར་དུ་དེའི་རྩ་བ་མ་ཉམས་པར་བྱས་ཏེ། གྲོང་གསེབ་ཀྱི་སྤྱི་ཚོགས་རྣམ་པ་ཆ་ཚང་ཞིང་ཕན་ནུས་ལྡན་པ་དང་། རིག་གནས་ཀྱི་གཞི་རྒྱུན། ཀུན་སྤྱོད་བཟང་པོ་བཅས་རྒྱུན་འཛིན་དང་དར་སྤེལ་གཏོང་བ་དང་། སོ་ནམ་དཔལ་ཡོན་དང་གྲོང་ཁྱེར་གྱི་དཔལ་ཡོན་ཕན་ཚུན་འོད་འཕྲོ་བ། དངོས་པོའི་དཔལ་ཡོན་དང་བསམ་པའི་དཔལ་ཡོན་མཐུན་སྦྱོར་ངང་འཕེལ་རྒྱས་གཏོང་བ། རྒྱ་ཆེའི་ཞིང་པ་ཚོས་རང་གིས་རང་ལ་ཡིད་ཆེས་དང་། དཔའ་ངར་ཆེར་སྐྱེད་ཀྱིས་བསམ་པའི་སྟོབས་ཤུགས་ཕུན་སུམ་ཚོགས་པོ་ཡོང་བ་བཅས་བྱེད་དགོས།