«“ཐོག་མའི་བསམ་འདུན་མི་བརྗེད་པར་འགན་འཁྲི་ཡིད་ལ་བརྟན་པོར་འཆང་བ”ཡི་བརྗོད་དོན་གཙོ་བོའི་སློབ་གསོའི་ཕྱོགས་བསྡོམས་ཚོགས་ཆེན་ཐོག་གནང་བའི་གསུང་བཤད།»

       རིགས་པའི་གཞུང་ལུགས་ཀྱི་གསར་གཏོད་གོམ་གང་མདུན་དུ་སྤོས་ན་རིགས་པའི་གཞུང་ལུགས་ཀྱི་དྲག་ཆས་ཀྱང་གོམ་གང་མདུན་དུ་སྤོ་དགོས། ཏང་གི་སྐབས་རིམ་བྱུང་གི་གཅིག་སྡུད་སློབ་གསོའི་བྱེད་སྒོ་ཚང་མར་བསམ་བློའི་སློབ་གསོས་སྣེ་ཁྲིད་བྱས་ཏེ། སློབ་སྦྱོང་གཏིང་ཟབ་མིན་པ་དང་། བསམ་བློ་གཅིག་གྱུར་མིན་པ། བྱ་སྤྱོད་ཀྱིས་རྗེས་མི་ཟིན་པ་བཅས་ཀྱི་གནད་དོན་ཤུགས་བརྒྱབ་ནས་ཐག་གཅོད་བྱེད་པ་དང་། བར་མེད་རྒྱུན་ཆགས་སུ་ཤུགས་རྒྱག་པ་མ་ཟད་ད་དུང་གཅིག་སྡུད་སྒོས་ཤུགས་བཏོན་ནས། ཏང་ཡོངས་བསམ་བློའི་ཐོག་གཅིག་གྱུར་དང་། ཆབ་སྲིད་ཐོག་མཐུན་སྒྲིལ། བྱ་སྤྱོད་ཐོག་གཅིག་མཐུན་བཅས་ཡོང་བར་སྐུལ་འདེད་གཏོང་གི་ཡོད། ཏང་གིས་གསར་གཏོད་བྱས་པའི་རིགས་པའི་གཞུང་ལུགས་སློབ་སྦྱོང་དང་ལག་བསྟར་བྱ་རྒྱུ་དེ་བསམ་བློར་དྲག་ཆས་སྤྲས་རྒྱུའི་དོ་གལ་ཆེ་ཤོས་སུ་འཛིན་པ་དང་། མར་ཁེ་སིའི་རིང་ལུགས་ཀྱི་གཞི་རྩའི་རྩ་བའི་རིགས་པ་སློབ་སྦྱོང་བྱ་རྒྱུ་དང་འབྲེལ་མཐུད་དང་། ཏང་གི་ལོ་རྒྱུས་དང་། ཀྲུང་གོ་གསར་པའི་ལོ་རྒྱུས། བསྒྱུར་བཅོས་སྒོ་འབྱེད་ཀྱི་ལོ་རྒྱུས། སྤྱི་ཚོགས་རིང་ལུགས་འཕེལ་རྒྱས་ཀྱི་ལོ་རྒྱུས་བཅས་སློབ་སྦྱོང་བྱ་རྒྱུ་དང་ཟུང་འབྲེལ། དུས་རབས་གསར་པར་ང་ཚོས་འཐབ་རྩོད་རླབས་པོ་ཆེ་བྱེད་པ་དང་། ལས་གཞི་རླབས་པོ་ཆེ་འཛུགས་སྐྲུན་བྱེད་པ། བྱ་གཞག་རླབས་པོ་ཆེ་སྐུལ་འདེད་གཏོང་བ། ཕུགས་འདུན་རླབས་པོ་ཆེ་མངོན་འགྱུར་བྱེད་པ་བཅས་ཀྱི་ཕུན་སུམ་ཚོགས་པའི་ལག་ལེན་དང་ཟུང་འབྲེལ་བཅས་བྱས་ཏེ། སློབ་སྦྱོང་ཡག་པོ་བྱེད་ཅིང་གོ་བ་ཟབ་མོ་ལོན་ལ་དོན་མཐའ་འཁྱོལ་བ་ཞིག་བྱེད་པའི་ཐད་དུ་འབད་བརྩོན་བྱེད་ཅིང་། བསམ་བློ་བཅིངས་འགྲོལ་གཏོང་རིང་བསམ་བློ་གཅིག་གྱུར་བྱེད་པ་དང་། ངོས་འཛིན་གཏིང་ཟབ་ཏུ་གཏོང་རིང་ངོས་འཛིན་མཐོར་འདེགས་བཏང་སྟེ། ལག་བསྟར་དོན་འཁྱོལ་བྱེད་པའི་བསམ་བློའི་རང་རྟོགས་དང་བྱ་སྤྱོད་ཀྱི་རང་རྟོགས་ཆེ་རུ་ཏན་ཏིག་གཏོང་དགོས།