སྐབས་ཉི་ཤུ་པའི་ཀྲུང་དབྱང་ཆབ་སྲིད་ཅུའི་ཐུན་མོང་སློབ་སྦྱོང་ཐེངས་ཉེར་བཞི་པའི་ཐོག་གནང་བའི་གསུང་བཤད།

       འཕེལ་རྒྱས་ཀྱི་མྱུར་ཚད་ཁོང་དུ་ཆུད་དགོས། རྒྱལ་ཁབ་ཀྱི་འཐབ་ཇུས་དགོས་མཁོ་དང་། ལག་རྩལ་བྱང་ཆུབ་པའི་ཚད་ཐིག རྒྱུ་རྐྱེན་གཙོ་བོའི་འདེགས་སྐྱོར་ཆ་རྐྱེན་སོགས་ཀྱི་རྒྱུ་རྐྱེན་ལ་ཕྱོགས་བསྡུས་ཀྱིས་བསམ་བློ་བཏང་སྟེ། དགོས་མཁོ་དང་འབྱུང་སྲིད་པ་གཅིག་གྱུར་བྱེད་པ་དང་། རིགས་ཁག་དབྱེ་ནས་ལག་བསྟར་འཆར་འགོད་གཏན་འབེབས་བྱས་ཏེ། སྔོན་སླ་རྗེས་དཀའ་དང་། ཉེ་བ་ནས་རིང་བར་བྱས་ཏེ། བརྟན་བརླིང་ངང་སྐུལ་འདེད་ཧུར་ཐག་གཏོང་དགོས། ཁྱད་པར་དུ་ས་གནས་ཁག་གིས་ཡང་དག་པའི་སྲིད་སྐྱོང་བྱས་རྗེས་ཀྱི་ལྟ་བ་བརྟན་པོར་འཛུགས་པ་དང་ལག་ལེན་བསྟར་བར་ཁྲིད་སྟོན་བྱས་ཏེ། རྒྱལ་ཡོངས་མིག་མངས་འགྲིག་སྐོར་གཅིག་ལྟ་བུ་མཐའ་འཁྱོངས་དང་། ཡུལ་བབ་དང་བསྟུན་པ་དང་། ཐབས་སྒྱུར་གོང་འཕེལ་བཏང་ནས་རྨོངས་ཚོད་ཀྱིས“རྗེས་སྙེགས”ཅན་གྱི་རྣམ་གྲངས་སྒྲུབ་པ་དང་། གང་བྱུང་དུ་འགྲོ་སྒོ་གཏོང་བའི་རིགས་སྔོན་འགོག་བྱ་དགོས།