«སྐབས་ཉི་ཤུ་པའི་ཀྲུང་དབྱང་ཆབ་སྲིད་ཅུས་ཀྱི་ཐུན་མོང་སློབ་སྦྱོང་ཐེངས་དང་པོའི་ཐོག་གནང་བའི་གསུང་བཤད།»

       ཏང་གི་ཚོགས་ཆེན་ཉི་ཤུ་པར་ཆབ་སྲིད་དང་། རིགས་པའི་གཞུང་ལུགས། ལག་ལེན་བཅས་ཀྱི་ཐོག་གྲུབ་འབྲས་གལ་ཆེན་རབ་དང་རིམ་པ་ཐོབ་ཡོད། བློ་མཐུན་མའོ་ཙེ་ཏུང་གིས“ཏང་གི་སྲིད་ཇུས་དེ་མང་ཚོགས་ཀྱི་བྱ་སྤྱོད་དུ་འགྱུར་བར་བྱེད་མཁས་པོ་དང་། ང་ཚོའི་ལས་འགུལ་ཚང་མ་དང་འཐབ་རྩོད་ཚང་མ་འགོ་ཁྲིད་ལས་བྱེད་པས་ཤེས་པར་མ་ཟད། རྒྱ་ཆེའི་མང་ཚོགས་ཀྱིས་ཀྱང་ཤེས་པ་དང་། ཚང་མས་ཁོང་དུ་ཆུད་ཐུབ་པར་བྱེད་མཁས་པོ་ཞིག་ཀྱང་བྱ་རྒྱུ་དེ་ནི་མར་ཁེ་སི་ལེ་ཉིན་རིང་ལུགས་ཀྱི་འགོ་ཁྲིད་ཀྱི་སྒྱུ་རྩལ་ཞིག་ཡིན།”ཞེས་གསུངས་མྱོང་བ་དང་། ཀྲུང་དབྱང་ཆབ་སྲིད་ཅུས་ཀྱིས་སྣེ་ཁྲིད་དེ་ཏང་ཡོངས་དང་རྒྱལ་ཡོངས་ཀྱིས་ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་དང་དྲིལ་བསྒྲགས། ལག་ལེན་བཅས་བྱ་རྒྱུ་དམ་འཛིན་ཡག་པོ་བྱས་ཏེ་ཏང་གི་ཚོགས་ཆེན་ཉི་ཤུ་པའི་དགོངས་དོན་རྒྱ་ཆེའི་ལས་བྱེད་པ་དང་མང་ཚོགས་ཀྱིས་རྒྱ་ཁྱབ་དང་གཏིང་ཟབ་ཏུ་ཤེས་རྟོགས་དང་ཁོང་དུ་ཆུད་པར་སྐུལ་འདེད་གཏོང་དགོས།